تنبيه هام للاعضاء من أسرة الدعم الفني
السلام عليكم ورحمه الله
رجاء وتنبيه لكل الاخوة الاعضاء بتصغير حجم توقيعاتهم لانها مبوظة التنسيق العام لشكل الصفحات بالمنتدي
خاصة الصور الكبيرة
واللي كاتب توقيعة بخط كبير
والي كاتب كلمتين وواخد مسافات كام سطر لتحت وبعد كدة كاتب كام كلمة تانية
معلش ده تنبية بسيط
بس اللي مش هايستجيب هاتطر ادارة الدعم الفني للموقع بحذف توقيعة
مش طالبين تكون صور صغيرة قوي
لكن ماتكونش كبيرة قوي
ممكن ناخد مثال لينا اخواتنا احمد سامي وشاركي
توقيعاتهم فعلا معقولة ومنمقة
-------
كمان لكل اللي بيرفعوا صور على مواقع رفع ويستشهدوا بيها هنا ماتكونش اكتر من 800*600 بيكسل عشان ما تبوظش شكل الصفحة برضه
ناس كتير هاترد وتقول مابعرفش اعمل ريسيز للصورة
هاقوولة افتح ال paint
افتح الصورة بتاعتك من جواة
اضغط Ctrl+w
دخل الحجم اللي انت عايزة
احفظ واخرج
ومحدش يزعل لو لقي الصور بتاعتة اتحذفت من موضوعة او توقيعة اتشال
احنا مش حاطين رقم معين لمساحة التوقيع بس عشان مايبقاش شكلها بايخ
وكمان بلاش نبالغ باستخدام الابتسامات عشان ماتشكلش حمل على التصفح لاخواتكم اللي بيدخلو من الدايل اب او الموبيلات
وكمان اعضاء كتير بعتوا يشتكون من تقل الموقع في التصفح بسبب حجم الصور دي
مع تحيات اسرة الدعم الفني
كريم منير