الموضوع: غيرت زجاج أمامي للالنترا النهارده

المشاركة الأصلية كتبت بواسطة mahmoud_afifi

السلام عليكم ورحمة الله

النهارده رحت عند مصنع دكتور جريش في العاشر من رمضان وغيرت الزجاج الامامي لأنه كان فيه شرخ كل ما أصلحه يفتح ويزيد لغاية لما بقى كبير قوي وكان لازم يتغير. عربيتي النترا 2010

طبعا اسعار التوكيل استهبال رسمي فكنت مستبعد الفكره من اساسها.
ولما عرفت من المنتدى هنا عن المصنع ده وان الزجاج بتاعه زي الاصلي بالظبط مع الفرق الرهيب في السعر قررت اني اغيره.

- الوقت اللازم لتغيير الزجاج حوالي نصف ساعه بالكتير.
الي بياخد وقت هو الانتظار لغاية دور الواحد لما يجي

- الاحترافيه في الفك والتركيب بدون خدش الصاج او اي بهدله في الطابلوه.

- السعر 360 جنيه شامل التركيب. (اخر مره سألت كان 335 من 3 شهور تقريبا)

- الانطباع المبدأي عن الزجاج, الرؤيه واضحه و الجزء الغامق الي فوق برضه موجود وبنسبه أكتر كمان من الي كانت في الاصلي ومبسوط من الحكايه دي قوي .

- بعد التركيب لازم تسوق على أقل من مهلك وتخلي بالك ماتزودش عن 100 (بس انا مازودتش عن 80) وكمان تخلي بالك من المطبات والطرق المكسره.

طبعا لسه لما اشيل اللزق الي مثبتين بيه الجلده بكره عشان اشوف الشكل النهائي في أي حاجه مش مظبوطه ولا لأ. وأي استفسار انا جاهز

انا برده غيرت الزجاج من جريش من كام شهر وزى الفل واحسن من الاصلى الى بالافات