عايز أسأل سؤال
عوائد بنك فيصل في السنين/الشهور اللي فاتت كام؟ هل هي قريبة من فوائد البنوك؟
كمان بما إن ممكن يخسر زي ماهو ممكن يكسب....آخر مرة خسر اد إيه وكان امتى؟ وبيخسر كتير؟
عرض للطباعة
عايز أسأل سؤال
عوائد بنك فيصل في السنين/الشهور اللي فاتت كام؟ هل هي قريبة من فوائد البنوك؟
كمان بما إن ممكن يخسر زي ماهو ممكن يكسب....آخر مرة خسر اد إيه وكان امتى؟ وبيخسر كتير؟
بصراحة انا فاتح حساب هناك
و حاطط فيه فلوسي
اللينك ده فيه تقرير البنك عن العام الماضي
ركز في الصفحة رقم3 الفقرة الأولى
http://www.faisalbank.com.eg/site/......./takrirar.pdf
معلش اللينك مش شغال
فيه ............
نصيحة بجد
منصحكشي خالص
فلوس في البنك اين كان زفت زفت زفت والله
انا والدتي حاطت في صناديق الأستثمار بتاعت بنك فيصل من كام سنة مش عاوز اقوله الخسارة اد ايه اكتر من النص بكتير حاجه تهبل يعني
ولكن كله بقدر الله ورزق ونصيب
فمنصحكشي بجد استثمر الفلوس في اي حاجه شغاله افضل
بص ياسيدي عندك بنك ناصر الاجتماعي
ممكن تفتح دفتر توفير فيه والارباح او العوائد مش محدده على حسب ارباح البنك اسلاميه يعني
وهيا ارباح سنويه
بتاخد نسبة من الارباح في حدود من 6 الى 8 % اول شهر يوليو من كل سنه وبتنتظر الدفعه التانيه بعد حساب ارباح البنك في شهر اكتوبر
والنسبة الاجماليه ليها كام سنه 3 او 4 سنوات مقلتش عن 10% يعني اعلى عائد في البنوك والحمد لله واسلاميه كمان .
المطلوب انك تذهب لأي فرع من فروع بنك ناصر الاجتماعي ومعاك صورة البطاقه ومبلغ على الاقل 500 جنيه تفتح بيه الدفتر وتقدر تسحب او تودع فلوس في اي وقت بدون حد ادنى ولا أقصى واي مبلغ يعدي عليه شهر تاخد عليه عائد سنوي زي ما ذكرت من قبل توزيع العائد حتى لو سحبت فلوسك كلها قبل شهر يوليو العائد يفضل في حسابك وممكن تسحبه في اي وقت
على فكره انا شغال في بنك ناصر واي استفسار انا تحت امرك
والله انا ليا صديق بيشكر في البنك العربي الافريقي الدولي وفيه شهاده اسمها شهادات الاميرالد بيشكر فيها وبيوصا العائد فيها الي 11% لو كان العائد سنوي ولمده 10 سنوات
طب حد يا جماعة ليه تجربة مع بنك مصر "معاملات اسلامية"؟
أنا بتعامل مع بنك مصر للمعاملات الإسلامية ... بتروح تفتح حساب توفير ... وبتاخد دفتر ... بس مش فاكر الحد الأدنى لفتح الحساب كام ... البنك بيوزع أرباح مرتين فى السنة .. مرة أول يوليو والمرة التانية أول يناير ... النسبة مفروض إنها متغيرة ... تقريبا فى النص سنة 3 وشوية ...
شكرا يا باشا على الافادة بس كنت عايز استفسر عن شويه حاجات
حضرتك قلت فى شهر يوليو فى نسبة ارباح من 6% الى 8 % النسبة المئوية دى من الارباح ولا نسبة من المبلغ لان زى ماحضرتك قلت فية فيه فى اكتوبر يعنى من الاخر ارباح السنة تقريبا على مبلغ 50000 جنية تقريبا لو حضرتك تقدر تقولى متوسطها يبقى كام وال 10 % دى هل هى ارباح ال مده كلها ال 3 او سنين
لو عملت دفتر او شهادة ب 50000 جنية مثلا لمدة 3 سنين مش وفى الفترة دى الى يطلع منها ارباح سنويه مش هاسحبة عايزة يضاف لاصل المبلغ ويتحسب عليه الارباح بعد كده ايه امكانية ده
هل فيه خساره زى بنك فيصل يعنى ممكن اخسر من اصل المبلغ
على فكره احنا زمايل فى المهنه انا banker بس قديم كنت شغال فى باركليز و RAKBANK فى دبى فى مبيعات القروض الشخصية بس تركت المجال ده خالص
الف شكر ليك يا باشا على ردك مقدما
انتوا رحتوا فين يا رجالة حد يفيدنى الله يكرمكم ومشكورين مقدما
انا حاطط مبلغ بسيط في بنك فيصل بقالي أكثر من عشر سنين
محصلش انه خسر قبل كده البنك في هذه الفترة
اطمئننت لإيداعي فيه النقود بعد مكالمة وفتوى من الدكتور أحمد على السالوس بأنه الي عايز يحط فلوسه في بنك يبقى بنك فيصل لأنه الأفضل من ناحية المعاملات الشرعية
بس بصراحة انا مش ببص أوي للعائد وهدفي هو وضع المبلغ لحفظة من الضياع او إستسهال الصرف
نيتي قائمة اني لو لقيت شخص أمين أستثمر فلوسي معاه وانا الأن في طور التجربة مع شخص أحسبة على خير ولا أزكيه.
صناديق الاستثمار حاجة والودائع حاجة تانية
أعتقد صاحب الموضوع بيسال عن صناديق الاستثمار
ممكن قيمة الوثيقة تنخفض حسب السوق هل هى اسهم ولا اوذون خزانة
وهل الصندوق بيوزع عائد اسال فى البنك
او يمكن انا فهمت كده من رد ابو عبد الله
فيه بنك البركة (التمويل المصرى السعودى سابقا)
من ضمن أوعيته وعاء ذو العائد الشهرى بيكون 8.5 % تحت التسوية
يا جماعة حد عنده اخبار عن بنك فيصل او اي بنوك اسلامية بخصوص متوسط العائد علي شهادات الاستثمار؟ يا ريت بس معلومات جديدة.
بنك فيصل جيد .. ومسألة الخسارة صعبه .. لان عنده اصلا .. تجنيب لبعض الارباح للحفاظ على مستوى معين من الارباح ربح السنويه
المشكله عندي معاهم في مسألة الخدمة الاليكترونية زي الزفت.. وطوروها نيلوها اكتر ..
والافضل لك مشروع تجاري ولو مع شركاء .. البركه في التجاره .. لان الفلوس عموما بعيدا حتى عن حالة التضخم الحالي ..
بتقل كل سنة قيمتها بمعدل 15-25 %
فما بالك دلوقتي ...
التجاره افضل .. ربنا معاك
حتى ان بعض الزملاء والاصدقاء بالاسكندريه حاليا .. يقومون بالاستعداد لتاسيس شركة مسئوليه محدوده لتجارة الجمله وفروع زي فتح الله ومترو ..
بتجميع مبالغ بسيطه جدا .. زي 10 الاف .. او حتى 5 الاف فما فوق .. ومحتمل تتحول لشركة مساهمه مغلقه ..
حاول تتعاون مع اللي حواليك ..
بالتوفيق
https://www.nilemotors.net/Nile/243922-a.html