يعنى ايه جامعة مفتوحة او تعليم مفتوح؟

مساء الخير

يا جماعة انا جبت %62 مجموع فى الثانوية ... وطبعا التنسيق جالى معهد انا مش حابه

فكنت هقدم فى جامعة خاصة الى هيا جامعة بيروت عشان ابن عمى هناك فى 3 تجارة و انا عارف ايه نظامها وكدة ومصاريفها معقولة فى حدود 7 الاف لاداب...بس للاسف الجامعة مبتقبلش دفعة جديدة( لان رئيسة جامعة اسكندرية سحبت اعتماد جامعة بيروت ... وبناء عليه كل الطلبة اتحولو لجامعة اسكندرية وكان فيه مشكلة كبيرة لسة محلولة قريب ... فكدة يبقى بيروت بخ !

فكدة مفيش قدامى غير انى اخش كلية اداب تعليم مفتوح تبع جامعة اسكندرية

بس كنت عايز اسال للى دخلوها او الى يعرفو ايه نظامها

ايه الفرق بين طالب التعليم المفتوح وطالب الانتساب او الانتظام من حيث الحضور وكدة؟

مصاريفها كام سنويا؟

ايه اسهل قسم فى كلية اداب؟

هل ليا حق حضور المحاضرات ولا لا؟

المناهج والامتحانات نفس الى بياخدوها طلبة الكلية الانتظام .... ولا فيه فرق ؟


وشكرا مقدما

والله اللى اعرفة عندنا فى تجارة عين شمس التعليم المفتوح يوم الجمعة بس
التعليم المفتوح من الاخر زية زى المعاهد بس على مستوى ارقى من نوعية التعليم لان انت فى جامعات حكومية ليها اسمها

الفلوس مش عرف بس كان ليا واحد اعرفة بس الكلام دا من حوالى 4 سنين كان بيدفع الف وحاجة
بالنسبة لاسهل قسم دى حاجة تعتمد على قدراتك الشخصية



بس والله نصيحة علشان دا مستقبل اوعى تحدد مستقبلك او تبنية على السهل

دايما خليك متطلع للافضل وبذل المجهود علشان تثبت نفسك فى مجال هاتتحط فية


وبالتوفيق يا كبير

اقتباس:

---

المشاركة الأصلية كتبت بواسطة midoabdeen

والله اللى اعرفة عندنا فى تجارة عين شمس التعليم المفتوح يوم الجمعة بس
التعليم المفتوح من الاخر زية زى المعاهد بس على مستوى ارقى من نوعية التعليم لان انت فى جامعات حكومية ليها اسمها

الفلوس مش عرف بس كان ليا واحد اعرفة بس الكلام دا من حوالى 4 سنين كان بيدفع الف وحاجة
بالنسبة لاسهل قسم دى حاجة تعتمد على قدراتك الشخصية



بس والله نصيحة علشان دا مستقبل اوعى تحدد مستقبلك او تبنية على السهل

دايما خليك متطلع للافضل وبذل المجهود علشان تثبت نفسك فى مجال هاتتحط فية


وبالتوفيق يا كبير

---

اصل انا اعرف ناس كتير صحابى دخلو تجاارة واداب انجلش جامعة بيروت ... بس بيعيدو كل سنة فى 2 ... فانا رايى انى ادخل كلية سهلة اخلصها ف 4 سنين ... بدل كلية اصعب اخصلها فى 6 :)

والف شكر يا باشا عالافادة

وياريت ياجماعة لو حد فى الجامعة يقولى ايه نظامها.. ... عشان عايز اقدم الاسبوع الى جاى بس مقلق جدا خايف النظام ميعجبنيش.... وفى نفس الوقت خايف اتاخر فى التقديم واتسوح هههه

بص ياباشا
اولا الجامعة المفتوحه مش زى المعهد
انت بتدرس نفس المناهج واللى بيدرسهالك نفس الدكاتره بل الوضع بيبقى احسن كتير من ناحية التعليم
اولا الدراسه يوم الجمعة فقط ومفيش حضور وغياب لو الكليه مش عمليه زى الزراعة مثلا - انا اخدت الاربع سنين من غير ما ادخل من باب جامعة القاهره ولا اعرف شكلها حتى
اول ما بتسجل بيتعمللك صفحة فيها كل حاجه خاصه بكل ماده
هاتلاقى نسخة الكترونيه من الكتاب - انت كده كده بتستلمه اما بتسجل فى الماده - ونسخه من المحاضرات مكتوبه ونسخه من التطبيقات ونسخة من الامتحانات بتاعت السنين السابقه محلوله وغير محلوله كمان ونسخه من المحاضرات مصورة فيديو يعنى ناقص يجيبلك معلقه ويشربك الماده وانت على السرير :)
فى الشهاده هايتكتبلك حاصل على ليسانس الحقوق مثلا بنظام التعليم المفتوح وطبعا بتبقى الشهادة من الجامعة اللى انت تابع ليها
الميزه ان كل الكليات زى بعض مفيش قمة ولا قعر يعنى لو حابب تدخل اعلام ادخل ولاول مره بيبقى القبول عن طريق اختبار دون النظر للمجموع يعنى اللى حاببها وفاهم هو رايح فين بس هو اللى هايتقبل
مصاريفها مش غاليه ولو غاليه عليك ممكن تسجل ان شا الله ماده واحده فى الترم
ممكن تطول فى التعليم زى مانت عاوز وبتاخد تقديراتك عادى مادام ما سقطتش فى الماده قبل كده - انا بتكلم عن جامعة القاهره فى جامعات بتديك التقدير حتى لو دخلتها اعادة
انا شايف ان جامعة القاهره من احسن الجامعات اللى فيها نظام مفتوح واتوقع انه ينتشر بل ويبقى هو ده اساس التعليم لانه مابيجبرش حد وسايبلك كطالب طريقة التحكم فى خط سير تعليمك
يعنى اتعلم براحتك ووقت ما انت عاوز ان شا الله فى عشرين سنه
بخلاف الناس الكبيره اللى داخلين عشان يحسنو وضعهم فى العمل هاتلاقى الشباب الصغير كله مزاكر ونسبة النجاح عالية لان كل واحد داخل امتحان فى ماده عارف هو هايعمل ايه لانه راح سجلها باختياره ومفكر كويس وحاسبها وعارف هايأجل ايه وياخد ايه
اى معلومه تانيه مطلوبه انا تحت امرك
السنه دى كانت اخر سنة ليا فى كلية الحقوق جامعة القاهره المفتوحه - بجانب البكالريوس اللى معايا بفضل الله - ولسه ها كمل ان شاء الله
نصيحة اختار الحاجه اللى انت مايل لها اكتر عشان هاتلاقيها سهله وقت دراستها لانك بتحبها وانا درست القانون لانى كان نفسى ادرسه من وانا صغير حتى ان دراسة القانون بعيده عن مجال دراستى الاولى وكمان مجال شغلى بس عشان بحب دراسة القانون محستش بالاربع سنين
ارجو تكون فهمتنى واكون جاوبت على تساؤلاتك
وربنا يوفقك للى فيه الخير

طب شروط القبول اية؟
انا كنت سمعت ان فى شروط زى لازم يكون عدى على شهادة الثانوية 5 سنين .. و موقفك من التجنيد .. الخ
وهل لازم ثانوية عامة ولا اى شهادة ثانوية .. تجارى / فنى..
اصل انا كنت فى هندسة خاصة وسبتها بسبب ظروف الشغل و لما ربنا كرمنى قولت اكمل بقا لقيتهم قالولى موقفك من التجنيد الاول غير انهم عايزين فلوس الترم اللى محضرتوش اصلا + مصاريف السنة الجديدة كاملة

نصيحة ... ادخل اى معهد حاسب آلى

راجع الموضوع ده

الي كل من يفكر بدخول معهد أو جامعة خاصة - بوابة الثانوية العامة المصرية

شكرا يا m000dy باشا عالرد الوافى والسريع...... بجد معلومات مفيدة جدا

هو للاسف كون ان المحاضرات الجمعة بس..ديه حاجة تضايق....لانى كدة هابقى فاضى الصبح طول الايام وانا مبشتغلش .... و كمان خايف اخش الاقى كل زمايلى عندهم 60سنة زى مشهد الامتحان فى فيلم محمد سعد ههه



طيب يا جماعة معاهد الحاسب الالى بيدرسو مواد ايه ... وهل مثلا معهد ابوقير للحاسب الالى الشهادة بتاعته معتمدة ولا لا....وهل المستوى التعليمى فيه كويس؟

اقتباس:

---

طب شروط القبول اية؟
انا كنت سمعت ان فى شروط زى لازم يكون عدى على شهادة الثانوية 5 سنين .. و موقفك من التجنيد .. الخ
وهل لازم ثانوية عامة ولا اى شهادة ثانوية .. تجارى / فنى..
اصل انا كنت فى هندسة خاصة وسبتها بسبب ظروف الشغل و لما ربنا كرمنى قولت اكمل بقا لقيتهم قالولى موقفك من التجنيد الاول غير انهم عايزين فلوس الترم اللى محضرتوش اصلا + مصاريف السنة الجديدة كاملة

---

بالنسبة للشرط ادخل على الموقع وانت تلاقى كل حاجه
www.ou.cu.edu.eg
الجامعه المفتوحه مش كده
انت بتدرس الماده اللى بتسجل فيها خلال الترم بس لو ماسجلتش بتفضل على قوة الكليه واما تحب تسجل لو غبت سنه اتنين تلاته بترجع تسجل عادى جدا وتدفع مصاريف المارده ولا تتعدى 150 جنيه وفى بعض الكليات بتبقى 120 جنيه فقط

اقتباس:

---

المشاركة الأصلية كتبت بواسطة hondaman

طب شروط القبول اية؟
انا كنت سمعت ان فى شروط زى لازم يكون عدى على شهادة الثانوية 5 سنين .. و موقفك من التجنيد .. الخ
وهل لازم ثانوية عامة ولا اى شهادة ثانوية .. تجارى / فنى..
اصل انا كنت فى هندسة خاصة وسبتها بسبب ظروف الشغل و لما ربنا كرمنى قولت اكمل بقا لقيتهم قالولى موقفك من التجنيد الاول غير انهم عايزين فلوس الترم اللى محضرتوش اصلا + مصاريف السنة الجديدة كاملة

---

ده لينك فيه شروط الالتحاق بالتعليم المفتوح

:ظƒظ„ظٹط© ط§ظ„ط¢ط¯ط§ط¨

للاسف سالت امبارح فى ادارة جامعة اسكندرية ... قالولى التعليم المفتوح مفيهوش اداب ... انما فيه تجارة وسياحة وحقوق

يبقى كدة مفيش قدامى غير حاسب الى معهد ابو قير ... ياريت يا جماعة لو حد فى المعهد ده يقولى ايه نظامه وبيدرسو ايه وكدة ... واكون شاكر ليه جدا