الموضوع: عايز أروح راس البر

المشاركة الأصلية كتبت بواسطة mada121977

الاخ الفاضل ايهاب .... رأس البر مدينه جميله جدااا كمصيف وهادئه نوعا ما وانت راكب العربيه تلفها كلها فى 5 دقائق :) والمتنزه الرئيسى هوا شارع النيل اللى فيه كل المحلات تقريبا (الاكل والشرب و الملابس و... ) وفى اخر الشارع منطقه اللسان اللى بيتقابل فيها النيل والبحر ودى بقى القاعده فيها تحفه وتخليك تنسى الدنيا وتنسى زياده الاسعار :)
بالنسبه للشقق هتلاقى طبعا مستويات كتيره حسب ما انتا عاوز بس نصيحه ماتخدتش الا فى شوارع 1 3 5 7 او 2 4 6 8 علشان هيا افضل شوارع (الشوارع فى رأس البر بتسمى بالرقم يعنى شارع 1 ده هوا الشارع الرئيسى اللى فيه رئاسه المدينه والمستشفلى والسنترال والشوارع اللى على يمين شارع 1 شوارع زوجيه يعنى شارع 2 وبعده شارع 4 وهكذا اما الشوارع على شمال شارع 1 فهى شوارع فرديه شارع 3 وشارع 5 الخ
واهم حاجه وانتا بتختار الشقه فاصل مع السمسار جامد علشان هما بيتستغلوا الظروف ويعلوا الاسعار (انا معايا رقم تليفون سمسار هناك لو تحب ابعتهولك على الخاص)
واى حاجه انا فى الخدمه

تصدق يا أحمد أنا كنت هامووووووت واعرف الشوارع دي مترتبة ازاي

-------------------
ehabradwan في كمان شاطئ النخيل ده في اول راس البر ظريف و كله عائلات فقط

و كمان مدينة القوات المسلحة , هادية و فيها تأجير دراجات للأولاد و مافيهاش عربيات بتجري ولا الكلام ده .

بس باقت بيئة كده مش زي زمان

نسيتوا السوق القديم هتلاقى فيه كل حاجة اكل وشرب ومحلات هتفضل ماشى فى شارع بورسعيد الشارع الرئيسى فى راس البر لغايه ما تقابل ميدان فيه جامع كبير هو ده السوق القديم على يمينك

فى كمان البحر واعتقد احسن الشواطئ شواطئ شارع 77 و 101
بيبقى فيها قاعده جميله بليل
يعنى قضى يوم على النيل ويوم على اللسان ويوم على البحر (الكلام ده بليل)
الصبح ممكن تروح اى شاطئ طبعا وفى شاطئ جديد تحفه فاتح السنه اللى فاتت اسمه شاطئ النخيل جنب نادى القوات المسلحه كله معمول من النخل وفيه قعدات وملاهى للاطفال والمفروض سينما هتفتح الصيف ده بجد جميل جدا هتلاقيه فى اول راس البر ممكن تدخله من شارع 101 اسال عنه وكل اللى هناك يدلوك

بالنسبة للشقق هتلاقى كتير جدا وباسعار مختلفه اللى على البحر مباشرة واللى على شارع رئيسى واللىفى منطقة مميزة واللى فى منطقه هاديه واللى جنب النيل
كل حته وليها سعرها
على فكره انا من دمياط ولينا فيلا هناك فيها كذا شقه على الشارع الرئيسى شارع بورسعيد لو ناوى قولى اتصل بيهم اشوف فى حاجة فاضيه ولا لأ عشان انا فى القاهره حاليا

المشاركة الأصلية كتبت بواسطة mimysheckles

نسيتوا السوق القديم هتلاقى فيه كل حاجة اكل وشرب ومحلات هتفضل ماشى فى شارع بورسعيد الشارع الرئيسى فى راس البر لغايه ما تقابل ميدان فيه جامع كبير هو ده السوق القديم على يمينك

فى كمان البحر واعتقد احسن الشواطئ شواطئ شارع 77 و 101
بيبقى فيها قاعده جميله بليل
يعنى قضى يوم على النيل ويوم على اللسان ويوم على البحر (الكلام ده بليل)
الصبح ممكن تروح اى شاطئ طبعا وفى شاطئ جديد تحفه فاتح السنه اللى فاتت اسمه شاطئ النخيل جنب نادى القوات المسلحه كله معمول من النخل وفيه قعدات وملاهى للاطفال والمفروض سينما هتفتح الصيف ده بجد جميل جدا هتلاقيه فى اول راس البر ممكن تدخله من شارع 101 اسال عنه وكل اللى هناك يدلوك

خلتونى عايز انزلها

فى كمان البحر واعتقد احسن الشواطئ شواطئ شارع 77 و 101

+10000 وكما القعدة هناك تحفة بس بينى وبينك السخنة تكسب