الموضوع: مشكلة ظهرت فى الفيرنا بعد الصيانة

السلام عليكم
من يومين بالظبط و ديت العربية (فيرنا 2008) التوكيل فى الاسكندرية عشان صيانة ال 20000 بس قلتلهم متغيروش الزيت عشان بغيروا انا برة, يبقى كدة اللى اتغير هو البوجيهات و فلتر البنزين و فلتر الهوا بس و الباقى بقى تربيط عفشة و كشف عالفرامل و التكييف و البطارية و كدة

المهم سلمت عالمهندس و طلعت من التوكيل لقيت حاجة غريبة ماكانتش موجودة قبل كدة: صوت كركرة فى بداية الغيار, بمعنى: اديها الاول و أول ما ابدا ادوس بنزين و اخف دبرياج يحصل صوت كركرة و احساس بالكركرة على دواسة البنزين لمدة كام ثانية و بعد ما ال rpm يعلى الصوت و الاحساس يختفوا و كذلك فى التانى, او بالذات التانى اصلا هو اكتر غيار بيظهر فيه الصوت و ساعات التالت. قلت اوديها تانى يوم الصبح التوكيل بس لاحظت ان الصوت مش بيجى علاطول يعنى مرتين اه و مرة لأ.

أيه الحل؟

المشاركة الأصلية كتبت بواسطة verna2008auto

لا يا باشا (( دول حطولك بنزين 80 )) .. بس مش عارف لية حطهولك .. جرب لما تمون كده حط 92 وشوف ..
وابقا قولي

هما محطوش بنزين اصلا, انا كنت واخد بالى من المؤشر. و هو بالظبط العربية قعدت عندهم حوالى ساعة بس