محتار فى هدية لدكتور نساء وولادة رفض أن يأخذ أتعابه

**dr_asaos** · 22-09-2011 01:39 AM

المشاركة الأصلية كتبت بواسطة aboomar22

عندك محل فضيات فى العجوزه على النيل بعد كوبرى اكتوبر لو حضرتك جاى من اتجاه جامعه الدول مثلا ورايح على الدقى بعد عمارة موبنيل على طول هتلاقى عنده حاجات تجنن وبيكتب عليها رساله الشكر بالليزر وعلبه قطيفه فخمه هتبقى رائعه لما تتحط فى عيادته او مكتبه لو استاذ جامعة روح اتفرج هتلاقى حاجات متخطرش هلى بالك وجميع مستويات الاسعار

فكرة رائعة جدا

المشاركة الأصلية كتبت بواسطة yascro

قلم (mont blanc)
شيك هيعمله ف حدود 1000 ل 1500
هديه قيمه وهيستخدمه على طول وهيفضل فاكرها
ومش موضه هتنتهى ولا جهاز هيقدم مع الاستخدام

فكرت فى الموضوع ده بجدية فعلا..بجد أفكاركم تجنن

**koheya** · 22-09-2011 04:53 AM

ممكن تجوزة جوازة جديدة وهو كدا تبقى ردتلة الجميل وزيادة.ههههههههه
انا مع اقتراح الساعة بس شوف ساعة تعجبة وكل ما يبصلها يفتكرك.
وممكن لاب توب صغير note book ودة من 1900 حتى 2700 على الاقل دى الاسعار الى انا عارفها ودة جميل جدا لصغر حجمة وبيعمل معظم الى بيعملة الاب توب الكبير.
ممكن طقم مكتب شيك لو كان مكتب العيادة معلهوش طقم كويس.

انا من كتر ما فكرت حاسس ان انا الى عايز اهادى حد. بقولك اية انا عايز اجدد الرخصة اديهملى اجدد بيهم وهو تبقى كسبت ثواب احسن.