يا شباب الخير حد يشور عليا...أنا زوجتى طبيبة نساء وولادة واجريت من أسبوعين عملية استئصال ورم ليفى من الرحم عن طريق أستاذ ليها...ورفض أنا يأخد مليما...وحقيقة متحير فى هدية له تكون فى حدود ألفين جنيه ليس أكثر ويا ريت أقل!!!!!أفكاركم مهمة بس يا ريت بالتفصيل:babyroll:
لو هو راجل نزيه و بيحب يدلع نفسه و بيحب الحاجات السينييه .... هات له حاجة دلع و تكون غالية
اعتقد ب 2000 جنيه ممكن تجيب نضارة شمس محترمة جدا او ساعة كويسة برضه ...... ارجح الساعة اكتر من النضارة لان النضارات اذواق (الساعات برضه اذواق بس النضارات اكتر) و النضارة ممكن تليق على وش و وش تاني لأ
ممكن حضرتك تشوف تابلوه من اى جاليرى يكون للعيادة بتاعته فى تابلوهات بتعدى اكتر من 2000 وفى اقل اللى يناسب حضرتك او اى تحفة شيك
لان انا فى رايا انه مش حايكون مثلا محتاج ساعة ولا اى حاجة من هذا القبيل لانه على كلام حضرتك انه استاذ دكتور
هو في كل الحالات مش محتاج حاجة :) يعني هو لو عايز تابلوه هيجيبه و لو عايز ساعة او موبايل او بدلة او نضارة هيجيبها :)اقتباس:
المشاركة الأصلية كتبت بواسطة gamela
الفكرة في الهدية الشخصية انك بتلبسها كل يوم و بتبقى اظرف
و اكيد هو عنده بس طبيعي الواحد بيحب التغيير :)
ممكن جنيه دهب
شكرا جزيلا لكل الأفكار...أنا كان نفسى فى حاجة للعيادة وبالفعل أيضا ساعة...هشوف الأسعار ربنا يسهل ...مراتى كانت مصممة على الدهب بس أسعار الدهب بصراحة غالية أوى أوى واتخضيت لما شوفت أسعار الدهب!!
الساعه اشيك طبعا
ساعه شيك حاتكون هديه كويسه
بس حاول تفهم ذوقه ايه
غالبا حاجده كلاسيك حاتناسبه اكتر
حاجة للعيادة؟؟؟
مممممممممممم
هاتله زباين
بص يا باشا احلي حاجه موبايل حلو بس شوف اللي في ايده ايه الاولاقتباس:
المشاركة الأصلية كتبت بواسطة dr_asaos
لودكتور كويس يا باشا وتثق فيه
ممكن عنوانه والتليفون
موضوع التابلوه ده مش اي حد حيفهمه لانه محتاج حس معين في اللي رايحله التابلوه
ممكن حضرتك تجيبله موبايل حتلاقي موبيلات كتير باقل من السعر ده
دور هنا
Mobile Phones
بالنسبه للدهب ونظرا لاسعاره
فانت تجيبله حاجه دهب ب1950 جنيه وعدسه مكبره بالباقي علشان يعرف يشوف حته الدهب
======================
انا لو مكانك
حسلط عليه حد يضربه وعالجه انت وتبقم خالصين ومحدش خيره علي حد
ههههههههههههههههههههههههه ههههههههههه
اموت واعرف انت بتجيب الافتكاسات دى منيناقتباس:
المشاركة الأصلية كتبت بواسطة shnory
ممكن تدينى كورس
الاصل ان الطبيب ما يخدش اتعاب من زميل ليه في المهنه
دي اخلاقيات مهنة كنا بنتعلمها واحنا طلبة
(صحيح كتيييير معدوش بيهتموا بس الاصل هو الاصل)
لو هديه رمزيه زات قيمة معقولة يكون احسن (2000 جنيه كتير انت كده بتديله اتعابه بصوره مجمدة)
لو الراجل عنده علم ديني كويس
ممكن تطلع المبلغ في عمل خير باسمه (مثلا للصومال) ...وتخلى المسؤل يبعتله شكر على تبرعه... عشان يعرف انك بتردله الجميله بجميله اكبر (ماعند الله خير وابقى)
اقولك اقتراح شيك...
نزلة شكر فلجريدة...ومنها شكر ومنها دعاية بردوا
هممم ممكن عزمة جميلة علي عشاء بشكل أسري في مكان راقي وساعة هدية هيبقي الموضوع شكلوا جميل جداً
شكرا جزيلا على كل الأفكار الروعة اللى ما جتش على بالى أصلا...هو بالفعل فى الأصل الدكتور ما ياخدشى من نفس مهنته بس على الأقل حاجة أعبرله بيها عن امتنانى ليه بعد ربنا طبعا..والمبلغ ده أقل من نصف المبلغ اللى بياخده!!!! وعجبنى جدا اقتراح الشكر فى الجرايد بس برده غالى جدا مش أقل من ألفين جنيه وعلى كام حرف فى الاجتماعيات وهو مش محتاج شهرة ماشاء الله عيادته بتشغى!!!وطبعا بالنسبة للدهب فعلا لازم أجيبله معاها ميكروسكوب عشان يشوفها!!!شكلها هترسى على ساعة ان شاء الله..وهو بالفعل يستحق أكثر من كدة لأن مجهوده معانا مش مجرد عملية ده علطول معانا فى حاجات نسائية تانية كتير ..ربنا يباركله
عجبني موضوع العمل الخيري اوي اللي يكون باسمه
اكيد ده حاجه هتفرحه
مش عارف يا باشا والله..مش عاو أجبره على الخير عشان جايز هو بيعمل اللى عليه فى الموضوع ده وزيادة..ويمكن يفضل يشوف هدايا من نجاحاته بعيدا عن الخير اللى يعمله هو بنفسه..وده طبعا مجرد رأىاقتباس:
المشاركة الأصلية كتبت بواسطة love7amada
عندك محل فضيات فى العجوزه على النيل بعد كوبرى اكتوبر لو حضرتك جاى من اتجاه جامعه الدول مثلا ورايح على الدقى بعد عمارة موبنيل على طول هتلاقى عنده حاجات تجنن وبيكتب عليها رساله الشكر بالليزر وعلبه قطيفه فخمه هتبقى رائعه لما تتحط فى عيادته او مكتبه لو استاذ جامعة روح اتفرج هتلاقى حاجات متخطرش هلى بالك وجميع مستويات الاسعار
قلم (mont blanc)
شيك هيعمله ف حدود 1000 ل 1500
هديه قيمه وهيستخدمه على طول وهيفضل فاكرها
ومش موضه هتنتهى ولا جهاز هيقدم مع الاستخدام
فكرة رائعة جدااقتباس:
المشاركة الأصلية كتبت بواسطة aboomar22
فكرت فى الموضوع ده بجدية فعلا..بجد أفكاركم تجنناقتباس:
المشاركة الأصلية كتبت بواسطة yascro
ممكن تجوزة جوازة جديدة وهو كدا تبقى ردتلة الجميل وزيادة.ههههههههه
انا مع اقتراح الساعة بس شوف ساعة تعجبة وكل ما يبصلها يفتكرك.
وممكن لاب توب صغير note book ودة من 1900 حتى 2700 على الاقل دى الاسعار الى انا عارفها ودة جميل جدا لصغر حجمة وبيعمل معظم الى بيعملة الاب توب الكبير.
ممكن طقم مكتب شيك لو كان مكتب العيادة معلهوش طقم كويس.
انا من كتر ما فكرت حاسس ان انا الى عايز اهادى حد.:w6266d بقولك اية انا عايز اجدد الرخصة اديهملى اجدد بيهم وهو تبقى كسبت ثواب احسن.
حمدالله على سلامة المدام
ممكن تلفزيون ال سى دى للعياده 32 بوصه هيكون شكله شيك فى العياده
عنده طقم المكتب والنوت بوك جميل جدا بس غالى عليا حبتين بالنسبة للرخصة الله معك!!!اقتباس:
المشاركة الأصلية كتبت بواسطة koheya
[QUOTE=mailo;3873817216]حمدالله على سلامة المدام[/
QUOTE]
الله يسلم حضرتك
والله فكرة ممتازة جدا وفكرت فيها بالفعل بس العيادة بتاعته جديدة وفيها 2 ل سى دى برة فى غرفة الانتظار.....اقتباس:
المشاركة الأصلية كتبت بواسطة احمد المصرى
بس الحمد لله لقيت زوجتى راحت محل شيفلد وجابت طقم بوهيميا تشيكى زى ابريق كدة ومعاه 6 كاسات كريستال مذهبة..بصراحة شيك وسعره فى المتناول1825 جنيه...شكرا لكل أرائكم