ازاى اعرف ان طلمبه الميه كوبسه وبتقوم بوظيفتها على اكمل وجه
عرض للطباعة
ازاى اعرف ان طلمبه الميه كوبسه وبتقوم بوظيفتها على اكمل وجه
الفيصل بيكون لو بتنقط ميه، كده يبقى لازم تتغير
هى الحمد لله مفيش تنقيط ولا حاجه بس انا كنت عايز اتأكد من انها بضخ المياه جوه الماتور كويس
و فى عرض اخر و هوا تقليب الماء-- ممكن تكون الطرمبة متركبة كويس بس الريش بتاعتها مصدية و متأكلة و مفيش تقليب و دفع جيد للمياة
افتح القربة و زود بنزين و شوف اندفاع المياة من الخرطوم الراجع من المتور قوة ولا ضعيف
مفروض الاندفاع بيزيد كل ما تزود بنزين
و مع السلانسية الاندفاع بيقل بس مفروض تلائى مية جية من الخرطوم
و الاحسن من دة كله انك تغير الطلمبة كل 80 الف
MMamdouh
اولا هية العربية بتسخن ولا فلة وهو دة المقياس لأن ممكن تكون الريشة مكسورة جوة وعمرك ما هتاخد باللم من إى أعراض سبق ذكرها
محمد باشا ممدوح كلامه صح
تقريباً القربه فيها خرطومين داخلين فيها فيه واحد يمين ناحيه البطاحة وفيه واحد على شماله اهه هو ده بقى الى بيجيب الميه من الطلمبة ولما تزود بنزين بتلاقي ضغط الميه الى جاى منه بيزيد
الف شكر يا جماعه وهجرب انى افتح القربه وذود بنزين وشوف الضغط بتاع الطلمبه
بس انا عندى مشكله حصلت معايا من حوالى 3 اسابيع وهى ان لمبة الباور الخاصه بالفتيس نورت مرتيين وطفت فرحت لمحمد السيد علشان نحطها على الجهاز وطلع على الجهاز Break switch ومحمد قلى انه السويتش بريك بتاع الفرامل الى هيه مكنة الاستوب الى بتبقى ركبه على بدال الفرامل من تحت المهم قلنا نغيرها وللاسف انا مش لقيها فى السوق لان كل الى فى السوق مختلفه عن الى عندى الى عندى فيها مقومتين على كل نحاسه مقومه والى فى السوق من غير مقومات خالص حتى ابو الحسن يا استاذ ممدوح معندوش المشكله انها حصلت تانى انبارح نفس المشكله انا قلت يمكن تكون زى بتاعة الاوبترا بس انا عارف ان ابو الحسن شغال فى الشيفورليه فلو هىه زيها كان عرفها انا فكرت اشوف عند النخيلى المقومان بتعتها وركبها على نفس المكنه لان المكنه شغاله يعنى لما بدوس فرامل الكشافات الى ورا بتنور فده معناه ان المكانيزم بتاع المكانه كويس بس ممكن المقومات بتاعتها هيه الى فيها مشكله لما بتسخن مثلاً انا هحاول اصور المكانه علشان لو فيه حد عنده فكره عنها او ببتباع عند مين
[IMG]http://i289.photobucket.com/albums/l...b/Image014.jpg[/IMG]
من الملاحظ المقومتين الى على الجنب باللون اخضر دول الى مش موجودين فى الى فى السوق وسئلت بتوع الاستراد برده مش عندهم