هوندا سيتي 1300 ولا ياريس 1300؟؟؟؟؟

**derwy3** · 14-05-2008 03:30 PM

شباب من فضلكوا ايه رايكم في العربيتين دول؟ ياريت اللي جربهم او يعرف فيهم كويس يقارنلنا بينهم كده..

**fahd_628** · 14-05-2008 03:31 PM

ياااااااااريس

**bemocarlo** · 15-05-2008 03:14 AM

ياريت تقول اية الاسباب يا فهد بليز؟
bemo,ire

**Yarisawy** · 15-05-2008 10:09 AM

انا عن رأى المتواضع

الهوندا سيتى ...

- تقفيل تايلاندى
- شكل مش اوى من بره
- ثمنها كويس بالنسبة لأمكانياتها
- سعر اعادة البيع مش تمام
- قطع غيار غاليه نسبيا بس معمرة

الياريس

- فى مغالاه جامدة اوى فى سعرها عشان الناس فى مصر مهووسه بالتقفيل اليابانى والتويوتا
- من جوه التابلوه مش عاجبنى تحس التابلوس بتاع عربيات جيب
- سعر اعادة البيع كويس

لو معاك تجيب الياريس جبها لو معكش السيتى جامده وانا كنت بفكر اجيبها بس نقلت على النيسان صنى احسن

**tutankhamoun** · 15-05-2008 11:13 AM

الأثنين شكلهم مش حلو ......... بس السيتي في رأيي المتواضع أحلى شكلا من الياريس

اعادة البيع في صالح الياريس
الصيانة و قطع الغيار ..... أعتقد في تساوي بينهم
توفير البنزين ......... الأثنين بيوفروا بنزين و إن كان هوندا سيتي حاصلة على جوايز كتيرة في توفير البنزين

سعر السيارة مقابل القيمة ......... الهوندا سيتي
علشان الياريس مُبالغ في ثمنها جدا و تباع في مصر تقريبا بضعف ثمنها خارج مصر
الكماليات .......... مع فرق الفلوس ........ طبعا هوندا

التوكيل ..... الأثنين ممتازين بالنسبة لمصر

المحصلة النهائية
أشتري هوندا سيتي

**ows212** · 15-05-2008 11:25 AM

هوندا سيتى ... كماليات اكثر ... اسم هوندا ... شكل أفضل ...ومش منتشرة زى الياريس

**derwy3** · 15-05-2008 12:49 PM

والله يا جماعه كلام مفيد..افادكم الله

**Hassan Khalil** · 15-05-2008 01:14 PM

السيتي و الياريس ..اشكالهم غريبة الي حد ما.. فالموضوع يرجع لتفضيل و ذوق حضرتك .
فرق الفلوس بينهم ( فئة الفول اوبشن اوتوماتيك )كان حوالي 10000 جنيه .. ( مع ملاحظة زيادة الياريس بنظام اي بي اس )
* استهلاك البنزين : الاثنين مواتيرهم ممتازة في استهلاك البنزين
* الصناعة .. السيتي تايلاند ( بس ممتازة ) .. الياريس ياباني
*الاتساع الداخلي .. اذا كنت من ذوي القامات القصيرة او المتوسطة .. فالاتنين حيكونوا مناسبين جدا ...اما ان كنت من ذوي القامات الطويلة و الاجسام التخينة زي حالاتي .. السيتي ممكن متريحكش اوي .. و الياريس تكسب باقتدار... مع ملاحظة ان فيه ناس طويلة و مكيفة نفسها مع السيتي
* كرسي السائق في الياريس بيطلع و ينزل .. السيتي لا يوجد بها هذه الخاصية
* اعتقد .. و اقول اعتقد .. ان الهيكل الخارجي للسيتي اكثر متانة من الياريس لا لشئ الا لاعتماده علي خطوط حادة اكثر من الانحناءات مما يشكل زوايا و مناطق قوة في الصاج .بينما الياريس يعتمد هيكلها الخراجي بالكامل علي الانحناءات .
* الاثنين وضعية قيادتهم مرتفعة الي حد ما .
*الاثنين شنطتهم واسعة جدا
* الاثنين ممكن ثني الكنبة الخلفية لتوسيع الشنطة ( فئة الفول اوبشن )
* الاثنين توكيلهم ( حسب كلام مالكي السياريتين ) كويس جدا في الخدمة و الاداء .. و قريبا جدا حيكونوا جيران علي الطريق الدائري .. هوندا فتح خلاص .. و تويوتا قريبا جدا ..
* **************
ملاحظة اخيرة ..
السيتي مش موجودة في مصر دلوقتي ( عند التوكيل ) و هو فاتح الحجز دلوقتي ب 10000 و التسليم بعد 20/6 و السعر حيزيد حيزيد بس مش معروف حيوصل لكام ..
ممكن تلاقيها في بعض المعارض زي سمير ريان او غيره بس حيبيعهالك ب 97000 جنيه !!!!!!
**********
رأي شخصي اسمعه او ارفضه ..
اذا كنت متقبل لشكل السيريون .. فهي ( عمليا ) ممكن تكون احسن من الاتنين ( اذا كنت مش بتدور علي اعادة البيع / او العربية حتقعد كتير معاك )
السيريون 1300 / ياباني / جميع الكماليات / ايه بي اس / اتنين اير باج / كاسيت اصلي مدمج في التابلوه / صالون وووووواااااسع جدا / جنوط اسبور اصلي / اسبويلر / شنطة متواضعة نسبيا / توكيل محترم .. بــــــــــــ 87500

**TAG_Turbo0** · 15-05-2008 01:44 PM

المشاركة الأصلية كتبت بواسطة tutankhamoun

الأثنين شكلهم مش حلو ......... بس السيتي في رأيي المتواضع أحلى شكلا من الياريس

اعادة البيع في صالح الياريس
الصيانة و قطع الغيار ..... أعتقد في تساوي بينهم
توفير البنزين ......... الأثنين بيوفروا بنزين و إن كان هوندا سيتي حاصلة على جوايز كتيرة في توفير البنزين

سعر السيارة مقابل القيمة ......... الهوندا سيتي
علشان الياريس مُبالغ في ثمنها جدا و تباع في مصر تقريبا بضعف ثمنها خارج مصر
الكماليات .......... مع فرق الفلوس ........ طبعا هوندا

التوكيل ..... الأثنين ممتازين بالنسبة لمصر

المحصلة النهائية
أشتري هوندا سيتي