ساعدوني في تسعير نيساااااان صني 2003

**m6r1282** · 21-09-2011 05:38 PM

بس أنا والله بحثت على المواقع الخاصة ببيع السيارات وده كان في رمضان قريبا جدا يعني
وكان سعر السيارة اللي فحالة بتاعتي كان أقل حاجة قرأتها 63000 وأعلى حاجه 65000

وإن كان فعلا فارق السعر كده، فحسبي الله ونعم الوكيل فيه
والسيارة أنا طبعا مش هاينفع أفرط فيها عشان أنا حاببها وناوي أقتنيها

**yyy** · 21-09-2011 05:45 PM

معظم المعلنين علي النت بيبقوا مزودين في السعر علشان يعملوا حساب الفصال

بس مدام دفعت و العربيه عاجباك يبقي انسي الفلوس ومتفكرش فيها و استمتع بالعربيه و ربنا يحفظهالك

**m6r1282** · 21-09-2011 05:50 PM

جزاك الله خيرا على متابعتك لي،
وللأسف أنا عملت حادثة الحمد لله جت في الإكصدام أمامي وهاتكلفني 500 تغيير اكصدام لأنه اتكسر

وحسبنا الله ونعم الوكيل في المتعمد النصب على المسلمين

والحمد لله على كل حال

**egyptiandiver** · 21-09-2011 06:11 PM

ألف مبروك على العربية و الحمد لله على سلامتك، و يا سيدي كبر دماغك من أي فرء سعر... الحمدلله إنت جبت عربية مريحاك و كويسة و في غيرك كتير مثلاً جابو عربيات مضروبة و بردو غالية... يعني من الاخر يا سيدي طنش.. تعش.. تنتعش! أحمد سامي

**M.FOUAD** · 21-09-2011 07:44 PM

المشاركة الأصلية كتبت بواسطة egyptiandiver

ألف مبروك على العربية و الحمد لله على سلامتك، و يا سيدي كبر دماغك من أي فرء سعر... الحمدلله إنت جبت عربية مريحاك و كويسة و في غيرك كتير مثلاً جابو عربيات مضروبة و بردو غالية... يعني من الاخر يا سيدي طنش.. تعش.. تنتعش! أحمد سامي

111111111111
و متنساش كمان انك بايع الانوس بسعر ممتاز و مقسط الباقي كمان
هي عموما زي ما الاخوة قالولك بتعمل في رانج 55 الف فخسارتك مش كبيرة الحمد للة

**Ahmed.TV** · 21-09-2011 08:04 PM

المشاركة الأصلية كتبت بواسطة m6r1282

يا جماعة أنا اشتريت بعد عيد الفطر 1432 نيسان صني 2003 أوتوماتيك 1300 سي سي ياباني خالص:b4_048:
فابريكة بره وجوه، وفي التوكيل قالولي الفتيس والمكنه كاكل ممتازه والعربيه من بره كويسه بنسبة 90%

ولكن العفشه فيها شوية مشاكل هاتكلفني شويه

أنا بسأل سعرها كام لأني اشتريتها من تاجر ب 66000 جنيه

أرجوكم طمنوني، يعني انضحك عليا في كم تقريبا ؟؟؟؟؟؟؟؟؟؟؟؟

----------
ممنوع الكتابة باللون الاحمر .. لانه مخصص للمداخلات الادارية
يرجى مراجعة قواعد وقوانين المنتدى

م15ب

السعر مبالغ فيه وزيادة طبعا .. هو سعرها ممكن يدخل فى حدود من 55 الف او 57 الف لو كانت حالتها ممتازة ومفهاش مشاكل

لكن اللى وقعت فيه شوية حاجات

اولا انك جبتها من تاجر ودى مصيبة ومشكلة واغلب التجار نصابين
ثانيا انك جبتها قسط واكيد لعب فى الموضوع ده والفلوس اللى زودها عليك كتير بغرض طبعا فوايد .. وتوب العربية دى 55 الف ولو كان اخد فوايد كان اخد مثلا 5000 كمان يبقا على الاقل كدا معقول .. فهو كدا اخد منك 6000 جنيه غش وافتراء طبعا .. وكان المفروض تسال وتعمل ابحاثك وتقاريرك قبل الشراء مش بعد الشراء
وقدر الله ماشاء فعل
ثالثا انك كنت مفروض تكشف على العفشة واجزاء العربية كويسة .. وبردوا قدر الله ماشاء فعل .. وعليك وعلى شراء قطع غيار اصلية عشان تحافظ على العربية كويس
لان الصنى 2003 عربية ممتازة وربنا يباركلك فيها

المشاركة الأصلية كتبت بواسطة m6r1282

حضرتك ممكن تطلع على اللينك ده

وعلى العموم فيه واحد زميلي اشترى عربية فيرنا بفصال بطلوع الروح وحالتها من بره تحس إنها مستعمله أوي
ومن جوه كويسه
والمكنه متبهدله ولكن آدائها كويس إلى حد ما
((هي أوتوماتيك فول أوبشن))
وبـ 50500

ازاي يكون نيسان صني ياباني وحالة ممتازه تكون كبيره 50000

راجع اللينك كده وقولي

-----------
تحذير للعضو :
- ممنوع وضع روابط لمنتديات أو مواقع أو أي وسيلة مقروءة أخرى منافسة.
وده مخالف للقاعدة 17 من قواعد وقوانين المنتدى
يرجى مراجعة قواعد وقوانين المنتدى

(اضغط هنا للاطلاع على القواعد)

مشرف القسم

م 1 ب

كل عربية وليها تمن فى السوق ولو اى مالك حقه يزود عشان الفصال والذى منه .. او لو عربيته مضمونة وبيعمل صيانته فى التوكيل وبفواتير بتفرق بردوا .. ولو مش رشة خالص بتفرق وهكذا .. وده اللى بيفرق عربية عن عربية .. بس بردوا فى حدود المعقول

والفيرنا غير الصنى .. والجولف غير الهوندا وهكذا

مع ان الفيرنا 1600 سى سى بس ده رنج سعرها وممكن تكون موديل احدث من الصنى اللى هى 1300 سى سى وموديل 2003
فعربيتك دى توبها لو حالتها كويسة وشاذة ونادرة .. 55 الف 57 الف زى ما قولتلك قبل كدا

شكلك كدا متضايق جامد

فهى مالهاش حل

لازم ترضى بالامر الواقع واتهنى بعربيتك وظبط امورك وكيف امورك ودلعها
او لو بايدك تلغى الصفقة دى بهدوء وسلام مع الببياع يبقا خير وبركة

تحياتى ليك وبالتوفيق باذن الله