سؤال في حج القرعه 2011

**شريف** · 21-09-2011 11:33 AM

بسم الله الرحمن الرحيم

بالنسبه للي فازوا بحج القرعه بيبقي امته تحديد اماكن الفنادق و مستوي السنادي اسمع انه هيبقي احسن من السنين الي فاتت
يا ريت نتناقش في الموضوغ دة و امبارح وزير التضامن قال ان هيبقي في موفد من الوزاره مع ال 12 الف حاج

**Ayman mohamed** · 21-09-2011 02:57 PM

للاسف مابتعرفش اسم الفندق بالظبط و المكان الا لما توصل هناك, و اذا لاقيت حد فى المطارهنا يستقبلك يبقى كويس, المهم حاول تسأل على كل الحاجات دى قبل ما تمشى من هنا, و اهم حاجة تعرف انت نازل على مكة ولا المدينة عشان تعرف هاتحرم منين ( بيتك اوالمطار و الطيارة لو مكة و من هناك لو المدينة) و حاول ماتاخدش شنط كتير لان اوحش حاجة هناك استلام الشنط و دور بقى على حاجاتاك., على العموم دا كلو بيهون لما توصل هناك . لو محتاج تسأل على اى حاجة تانية انا معاك و يارب تبقى حجة مبرورة و تدعلن هناك. ربنا يتقبل.

**mohamed_selim** · 21-09-2011 04:04 PM

هو اكيد بيعرفو مكه ولا المدينه بس اسامى الفنادق لما توصلو ان شاء الله .... انسى محدش هيعرفك اى حاجه لأن المسئولين عن الموضوع ده هناك و ممكن فى لحظه الدنيا تتغير
وزارة التضامن ملهاش دعوه بحج القرعه ليها فى حج الجمعيات ... القرعه لأ ... القرعه تبع وزارة الداخليه
و من اللى شوفتو اماكن القرعه افضل من الجمعيات

المهم انسى كل ده و استمتع بالرحله و متتخانقش و متخليش اى حاجه تخرجك من الاحساس اليمانى العالى و احتسب اى حاجه تحصل انها من مشقات الحج و اضافه للثواب ام شاء الله ...
نسألك الدعاء

**شريف** · 22-09-2011 12:07 PM

معلهش انا كان قصدي الجمعيات مش القرعه بتاعه الشرطه
اصل حج الجمعيات برضه بالقرعه
و والدتس هي اللس طالعه و مكنش ينفع اسجل مرافق معاها
ان شاء الله ربنا يرزقنا بيها قريب

محدش بقي يعرف الجمعيات دي بتنزل الحجاج في اني فنادق
يعني في شارع اجياد مثلا في فنادق قريبه زي الصفوة و ابراج زمزم
و في فنادق وسط زي ايلاف مشاعر و غيرها
و في حاجات بعيدة و لازم مواصلات و طبعا مع الزحام بيقفلوا الشوارع و بتبقي مشكله

**aif** · 22-09-2011 12:30 PM

اسعار حج القرعة والجمعيات كام السنة دي ؟؟؟؟

**شريف** · 02-10-2011 09:29 PM

شكرا لحضرتك بس لغايه دلوقتي الجمعيه مش عايزه تقول اي معلومات عن الرحله كانها سر حربي مثلا

**mohamed_selim** · 02-10-2011 10:25 PM

حاجه من اتنين يا لسه مش عارفين يا عارفين و مش عايزين وجع دماغ لأن محدش بيعجبه حاجه فمثلا لو قالو فندق مكه فى xyz هتلاقى مليون واحد يقولو للمسافرين ده بعيد ده وحش و كده و اللى هيسافر هيرجعلهم و يطلب يغير المكان و كده و ده مش متاح على الاطلاق لأن التقسيمه بتتم مره واجده و ليها علاقه بعدد الناس و سعة الفنادق و مواعيد التفويج (يعنى مش فى ايد الجمعيه نفسها) فبيشترو دماغهم و مش بيقولو

**شريف** · 03-10-2011 01:02 PM

طب الواحد يطمئن ازاي
لحسن الدنيا تكون صعبه و الخيم تبقي مش مكيفه و بهدله ما بعدها بهدله

**aif** · 03-10-2011 01:25 PM

رسوم حج القرعة الاقتصادي 15995 لحلوح مصري وده غير شامل تذكرة السفر بالطائرة
اما المستوى المتمير اعتقد انه ب 22000
انا نفسي اعرف ليه الحج من امريكا واوربا بنصف الثمن اللي من مصر ؟؟؟؟؟؟؟؟؟؟؟؟؟؟؟؟؟؟؟
شكرا لوزارة الداخلية
وياريت الحجاج يبقو يدعو عليهم هناك

-

الموضوع: سؤال في حج القرعه 2011

LinkBack

أدوات الموضوع

عرض

-

-

-

-

المواضيع المتشابهه

أراضي القرعه في الشروق

سؤال مهم جدا ل516 -----2011

بشري: بدء التقدم لحج القرعه للعام 1432 هـ و 2011 م

سؤال عن الفرنا 2011

سؤال عن فانتازيا 2011

الكلمات الدلالية لهذا الموضوع

المفضلات

المفضلات

ضوابط المشاركة