المشكله ان مفيش حد اتقدم اصلا
عرض للطباعة
فكره صعبه
بالعكس الفكرة رائعة
يعني من اجمل صفات اعضاء المنتدى هنا انهم بيحبوا يساعدوا بعض بدون مقابل
بس لما يكون في اتفاق على اتعاب يبقى افضل عشان نمنع الحرج عن الطرفين
انا لو هعرض عربية للبيع ممكن اخبي بعض العيوب حتى لو خدوش وممكن حد يضرب مشوار لاخر الدنيا عشان يشوفها
لكن لما حد قريب من العربية يكون طرف تالت محايد هايأكد للمشتري ان العربية تستاهل يضرب لها مشوار ولا مش تستاهل
الموضوع جميل ومؤيدك جداااااااا في الفكرة دي بس نبتدي بقي باول عربية مممممممممم
بالفعل ابتديت باول عربيه
والمعلومات خلال يوم او اتنين
الفكرة حلوة وكل حاجة
بس هل انا رؤيتي زي رؤيتك ؟؟؟
يعني انت عارف كويس اوي ومتأكد ان الي بيشتري هنا في مصر بيشتري صاج بمعني ان لو العربية فبريكة جوة والقوايم سليمة والشنطة والحوض التجار بيعتبروها عربية تحفة التحف وتيجي انت كمشتري ومستخدم تشوفها انها صفيحة زبالة "عذراً"
طب هل التقييم هيتم من انهي وجهة نظر ؟؟؟؟
وجهة نظر تاجر (بيشتري صاج) ولا جهة نظر مستخدم (بييشتري صالون وبوية)
طب البايع قالك التكييف عايز بس شحن (الكلمة الدارجة علي اي تكييف عطلان)
انا كمتطوع هروح اشحنه عشان اعرف صدقه من كذبه
ولا هاخد بكلامه صدق وأقولك العربية حلوة وفي الأخر انت تيجي تشتري تلاقي التكييف بايظ واطلع انا كمتطوع كداب ونصاب وخدت عمولة من صاحب العربية عشان ابيعها
يا باشا الموضوع ليه ابعاد كتيرة اوي وبالشكل دة انت عايز المتطوع يبقي "كومسيونجي"
ثم يعني ايه مبلغ رمزي ؟؟؟
انت لو جبت اي حد في الدنيا يتفرجلك علي عربية مش اقل من 150 او 200 جنيه سواء اشتريت او لا
فكر كويس يا باشا في الموضوع
انا معاك انها مرهقة جدا اني اسافر لحد المنصورة عشان اتفرج علي عربية وفي الأخر ماتعجبنيش
بس عايز اقولك ان لا يمكن الأراء هتتفق علي ان العربية دي حلوة او العربية دي وحشة
لولا اختلاف الأذواق لبارت السلع
والله المستعان
،
،
أنا مستعد أبقى من ضمن الفريق ده في الأسكندرية !!
أشترك أزاي ؟؟؟؟ :)))
معايا كاميرا 16.5 ميجا بيكسيل كمان !! و فيديو بتاعها hd
:))
علشان أصور العربية و أسمع المشاري صوت موتورها و حالة أنوارها و كهربتها و صوت التسجيل لو عايز كمان !! :))
نفس الفكره انا مش ببعت حد يقولي اشتري ولا لا انا ببعت حد يقيم حاله وينقلهالي بصوره محايده
يعني خرابيش في الدهان خبطه في الرفرف العربيه موزونه قدامي علي الارض اعرف عايزه مساعدين يعني الحاجات اللي تهمك انك تعرفها قبل متسافر وانت لو حسبتها 150 هتلاقي انك هتصرف قدهم وكمان بذلت مجهود اكبر وده لوحده مشكله
انما لو حد يكون ساكن جنب العربيه (خصوصا لو في محفاظه بعيده الاسكندريه مثلا)مش هتوصل 150 وفي نفس الوقت انت مكنتش هتصرف اقل من 200 جنيه + مجهودك
ثم الموضوع عرض وطلب انت شايف نفسك فاضي وتقدر تدور علي عربيه
انا لا مش فاضي وممكن ادفع 300 مش 200 مقابل ان حد يعمل المشوار
زي ماحضرتك قلت لولا اختلاف الذواق لبارت السلع
حسام محمد النبوي
0111202623
ممكن أغطي
"ميامي ، سيدي بشر قبلي السكة الحديد ، المنطقة الي حولين كلية الهندسة ،، لأني طالب فيها !! "
بالنسبة لمنطقة السكن ،، أنا ساكن في حتت كتيرة !! :)))))
و عامةً معايا لحد دلوقتي 3 عربيات عازين يتباعو !! و حالتهم شفتها بنفسي ،، و مصورهم بالكاميرا بردوا ،، منتظر فقط الموضوع !! و مستعد أرمح فيه !! :))