يااااااه يا عم أحمد .. دا انت طلعت غالي قوي عند الأعضاء كلهم .. ولسه
عرفت بقى إن في ناس كتير نفسها تكافأك بأي حاجة بس مفيش فرصة
وأنا كنت واحد منهم
يعني مثلا هقول سر للأعضاء بس مش عايزك انت تقرأه
إمشي بقى
لما كنت في المشكلة بتاعة المقص كان نفسي أكافئ أحمد بأي طريقة بس مش عارف
لدرجة إني فكرت إني أجيب كارت شحن موبينيل بمبلغ محترم واخربشه وابعتله رقمه على الخاص
بس لغيت الفكرة لثلاثة أسباب
الأول: حسيت إنها هتبقى بايخة .. وإنه ممكن يزعل مش يفرح
التاني: حسيت إن خدماته مينفعش نقدرها بالفلوس
التالت: قلت يمكن بعد مابعت رقم شحن موبينيل لأن تليفونه بيبدأ بـ018 يكون حول نفس الرقم لشركه تانية فودافون أو اتصالات زي كتير جدا من الناس عملت اليومين دول
لغيت الفكرة وأنا مش عارف أعمل إيه
لغاية لما لقيته بيحضر للمقابلة وبيقول إنه هيبقى في تكريم للأعضاء المميزين
فقلت في نفسي طيب هو مين هيكرمه .. ومين هيقدمله هديته .. أكيد هينسى نفسه مع إنه أكتر الأعضاء تميزا وأول واحد يستحق التكريم
بس .. فقلت فرصة أصمم الشهادة المتواضعة دي .. وروحت عشان أطبعها
بصراحة كنت عايز أطبعها على حجم ضعف اللي كانت عليه في المقابلة 3 مرات ولها برواز كبير .. بس قالولي هتاخد وقت شوية حوالى 5 أيام .. وماكنش فاضل غير يومين على القابلة
فسلمت أمري لله ورضيت بالموجود .. وإن كان هو يستحق أكتر من كده بكتيييييييييييير
أوعوا حد يفتن ويروح يقوله عالسر ده .. ومنتظرين باقي التوقيعات
وربنا يديم المحبة ويجمعنا كلنا مع بعض في الجنة
http://www.nileup.com//uploads/image...50d705dbbe.jpg