الفرق بين الرش في التوكيل وخارجه

**abomalak** · 21-09-2011 03:45 PM

السلام عليكم جميعا انا عندي استفسار محتاج مساعدتكم فيه لأن عربيتي أتخبطت ومحتاجه دهان بعد السمكره فهل في فرق في دهان التوكيل عن دهان الخارج وهل دهان التوكيل مبيتعرفش أن السيارة رشة بسمع ان التوكيل مبيستخدمش معجون الكلام ده صح اسف للأطاله0

**Ahmed.TV** · 21-09-2011 04:49 PM

هو مبدئيا اى رش اللى يدقق فيه بيبان

فى التوكيل بيستخدم بوية محترمة وشغلهم كويس ومضمون ولو فى اى حاجة بتقدر تغلس عليهم وبيهتموا

لكن بره مفيش كدا .. الا فى حالة واحدة

تكون رايح لحد عنده ضمير .. وكمان تقف على ايده كويس .. وتنبه عليه ان لو فى اى غلطة مش حستلم العربية وحخلف الاتفاق طالما انت مهتمش بالشغل

وكمان تجبله البوية بايدك .. وتدور على نوع محترم وكويس فى السوق .. يعنى عندك الارم اللى تقريبا بيستخدم فى الصنى .. وفى بويات اعلى كمان زى السيكنز دى بوية مستوردة وغالية ومحترمة ومعاها حاجاتها كمان تجيبها سيكنز زى الورنيش وكل حاجة ليها .. وبعد رش السيكنز ولو صنايعى محترف مش حتعرف الفرق فى العربية وبالاخص بعد فترة من الرش عشان تكون اتظبطت بعوامل الجو والشمس مع البوية القديمة

وطبعا زى ما قولتلك شغل الصنيعى هو اللى بيفرق مع البوية .ز فى شغله وسحقه للبوية والمعجون

والتوكيل عيبه طبعا اسعاره الغالية جدا

فاحسنلك روح لحد بره واعمل اللى قولتلك عليه

تحياتى وبالتوفيق

**omar-saad** · 21-09-2011 05:21 PM

عن تجربة
مع مودرن السمكرة والرش ممتازين جدا
والعربية ماشاء الله طلعت زى الفابريكة
العيب الوحيد ان الاسعار غالية فعلا
دا غير انى بعد الرش العربية اتخبطت تانى

**Bishoy.Girgis** · 21-09-2011 06:15 PM

من الاخر لو معاك فلوس ريح دماغك و رش في التوكيل .. انما لو مش معاك يبقي رشها بره بس خليك مع البوهيجي في شراء الحاجه و كمان ساعة الرش

**abomalak** · 22-09-2011 08:28 AM

متشكر جدا علي الردود وشكلي هعملها في التوكيل أنشاء الله

**AHMADKAMAL1** · 22-09-2011 01:15 PM

بعد 7 حوادث فى وش العدو افضل مركز لعمل سمكرة ودكو مودرن موتورز ابو رواش فقط وبيطلع العربية فابريكة.
أفضل مركز لعمل الصيانات الدورية ومتابعة اغطال السبع. (بس اليومين دول مش أقوى