-
صوت صفاره في التيدا
أنا عندي تيدا 2007، كنت باسمع صوت صفاره متقطع لما ادورها الصبح و كان بيختفي اول ما العربيه تسخن. المهندس في التوكيل قال لي سير الدينامو عايز يتغير، بس بعد ما عملوا الصيانه نسيوا يغيروا السير و انا ماكنتش فاضي استني تاني في التوكيل فسألته اقدر امشي بيها كده لمدة اد ايه؟ قال لي 5000 كيلو لحد معاد الصيانه اللي جاي....
المشكله بأه اني بدأت اسمع دلوقتي صوت صفاره و انا ماشي بالعربيه مش و هي بتسخن اول ما السرعه تزيد عن 80 !!
انا عايز اعرف الصوت ده ممكن يكون بسبب سير الدينامو ولا لا قدر الله حاجه تاني؟ علما بأن الصوت ده جاي من عند الموتور و العربيه عامله 43 كيلو،،،
-
باذن الله يكون من السير .. ولو عايز تروح تعمله متسناش .. ولو عايز تستنى يبقا عليك وعلى صيانة ال45 الف باذن الله .. بس متنساش زى المرة اللى فاتت
-
-
ممكن ترش رشه wd 40
على السير عشان متسمعش الصوت بس لازم تغيره في اسرع وقت ان شاء الله
-
متهيألي بلاش WD40 خالص في موضوع السير ده عشان فيه نسبة زيت.
وبالتالي ممكن السير يفوت ... slipping
Content Relevant URLs by
vBSEO 3.6.0 PL2