ياريت حد يجاوب على أسئلتي
انا معايا فيرنا 2011 لسة بكياسها المهم كنت رايح التوكيل تاني يوم عشان اعمل صيانة 5000وكنت يا دوب لسة مفول واستهلكت تقريباً 9 لتر وكان المؤشر تحت علامة f بسنتيمتر واحد تقريباً فقلت اروح افول بالمرة لأنكم زي ما انتوا عارفين الواحد يخش التوكيل جيوبه عمرانه يطلع يكون عايز يبيع العربية عشان يكمل لآخر الشهر المهم بعد ما فولت بادور العربية لقيت مؤشر البنزين واقف في مكانه قبل ما ادخل البنزينة قلت خلاص انا كده كده هاروح التوكيل واشوفها بالمرة ...المهم رحت كام مشوار وبابص على المؤشر بعد كده لقيته رفع ووصل للآخر يعني الطبيعي المفروض يحصل . رحت التوكيل وقلتللهم على الي حصل راح فكوا العوامة ونضفوها وركبوها وبادور العربية لقيت المؤشر ما بيرفعش للآخر مع اني مفول وحاولوا كام مرة ولقيت صنايعي التوكيل غرقان في شبر ميه وآخر ما زهق راح غيرلي العوامة بواحدة جديدة . لحد كده تمام .... من فترة كان المؤشر بتاع البنزين فوق النص بشوية ومن المعروف ان تانك البنزين للفيرنا 45 لتر فقلت خلاص افول بالمرة يعني هاتخدلها تقريباً 18 لتر فوجئت لما لقيت العامل بتاع محطة الوقود بيقولي العربية اخذت 27 لتر قلت ازاي ده المؤشر فوق النص
والحاجة الأخيرة انا كنت مفول ومشيت تقريبا فترة ولسة المؤشر على f فرحت عشان اتأكد رحت مفول تاني لقيت اني استهلكت 6 لتر ولسه المؤشر علىf [overline]( نسيت اقولكم لما بافول المؤشر بيعدي علامة f بالرغم من اني بانبه على العامل في البنزينة ان يفول لحد ما ما يفصل المسدس )[/overline]
... الأسئلة هنا :-
[overline]
1 - ايه اسباب بوظان العوامة مع ان العربية لسة جديدة ؟؟؟ والناقص انه انيمها جنبي على السرير يعني بدادي فيها .. لا هيا مكنتش بايظة وساعات بتركن يعني عادي الي حصل ؟؟ .
2 - طيب لما العامل ركب العوامة الجديدة هل تركيب العوامة ليها ظبط معين ولا هيا شئ بيركب وخلاص ؟؟؟؟ لأنه حاسس ان العمال بتوع التوكيل بيكونوا على قدهم لأنيحاسس ان المؤشر فيه نسبة استهبال زي ما بأقولكم سابقاً .
[/overline]وانا اسف للمرة التانية على التطويل وأرجو الإجابة