-
موقف نشف دمى
حصلى اليوم موقف نشف دمى و على الضغط عليا من ساعتها و انا مش قادر اقف على رجليا
كنت فى البنزينه بغسل الريداتير و اغير زيت و بعد ما خلصت بدور العربية و جبت الفتيس على المارشدير و فجأه لقيت العربية مبترجعش ورا اجيبه على الدى تطلع قدام و ساعتها قلت بس انا رحت فى داهيه و الفتيس بخ كده اجيب فلوس منين اشترى فتيس و الدنيا اسودت فى عينيا و حاجات كتير جات فى دماغى . و فى الوقت ده كان اخويا بيتصل بيا لاقانى منهار و مش عارف اكلمه و محتاس قاللى اتصل بطنانى ، اتصلت بطنانى الله يباركله قاللى حتلاقى على ايدك اليمين كابلات خارجه من علبه دى فيها حساس الفتيس تلاقى فيه ميه جت عليها نشفها و فعلاً نشفتها العربية جابت ورا ، بيتهيألى ان المكالمة دى لو أتأخرت شويه كانت جاتلى غيبوبة سكر فى الحال الله يباركله طنانى غير كده كمان العيال فى البنزينه كنت مكهربهم لاقتوا نفسهم بعد ما العربية مشيت
-
الحمد لله انها اتحلت وخد بالك من الميه بعد كده
-
طنانى ده استاذ ماشاء الله عليه
-
فيشه سليكتور الفتيس .دايما خلي بالك منها ومن طناني طبعا..
-
ربنا يسترها يا باشا
انت كلمتنى و كنت مخضوض و محسسنى ان العربية خلاص
دايماً اسهل الحلول اوقعها
و ربنا يديم المعروف
-
الموقف ده حصل مرة مع واحد صاحبى برده بعدماتغسلت العربية مرضيتش تدور اساسا وقعدنا نحايل فيها فين وفين لحد ما دارت
ربنا ستر , المشكلة بتبقى بفورة
-
انا متشكر على إهتمامكم يا رجاله و ربنا يديم المعروف
و ربنا يسترها علينا و عليكوا جميعاً
-
طنانى باشا والله مش عارفين نودى جميلك فين
-
-
طناني فعلا يا جماعة عن تجربة ومن المشاركات خط الأوبل
ربنا يبارك فيه ويخليه لعياله
والله المستعان
،
،
Content Relevant URLs by
vBSEO 3.6.0 PL2