الموضوع: جهاز رائع لاستعادة السيارة بعد سرقتها....ولكن!!!

فكرت فى حل لمواجهة سرقة السيارات المتكررة وخاصة انى مقبل ان شاء الله على شراء سيارة قريبا وهو استيراد جهاز حماية من مميزاته:
1- يستخدم تقنية gps و gsm لتحديد موقع السيارة المسروقة وارسال رسالة الى صاحبها يخبره عن مكانها.
2- يستخدم شريحتين موبايل لتلافى ضعف احدى الشبكات.
3- فى حالة سرقة السيارة بالاكراه يمكن ايقاف محرك السيارة عن طريق ارسالة رسالة الى الجهاز.
4- عند ركن السيارة يمكن ايقاف المحرك ولا يمكن تشغيله الى بعد استلام رسالة من تليفون صاحب السيارة
5 -يكن تحديد مجال ما للسيارة تتحرك فى اطاره وعند تعديها لهذه المنطقة ترسل رسالة الى رقم صاحبها لتفيده بذلك.
6 - يوجد زر طوارئ عند الضغط عليه لثلاث تواني يتم ارسال رسائل استغاثه لارقام مخزنه مسبقا.
7 - يمكن تخزين خط سير السيارة على كارت ميمورى موجود بالجهاز.
بالاضافة الى العديد من المميزات الاخرى

وبالفعل شرعت فى استيراد قطعة من الجهاز على سبيل التجربة وفكرت ان الفكرة اذا لاقت استحسان هزود العدد مره بعد اخرى خاصة ان عندي حساب بنك امريكي وحساب مفعل على paypal وبالتالي عمليات الشراء من خلال المواقع العالمية ميسرة بالنسبة لي والحمد لله.
وبدأت احلم اني ابدأ تجارة وانا اتبسط والناس تبقى مبسوطة لانهم مش هيفقدوا الامل فى العثور على سيارتهم اذا لا قدر الله تم سرقتها .
ولكن للاسف الشديد اصطدمت بان جهازي ممكن يتعطل او حتى يتصادر فى الجمارك لانى عرفت بالصدفه قبل ما اعمل طلب لشراء الجهاز ان الاجهزة الخاصة بالاتصالات لازم تحصل على موافقه الجهاز القومي للاتصالات.
للاسف الجهاز رخيص ومنه اكثر من اصدار مثلا اصادار مخصص سواء للاطفال او السيارات لانه بيشتغل بالبطارية يعنى الطفل يحطه فى الشنطة علشان الاهل يعرفوا مكانه - وجهاز بشريحة واحدة وبدون ميمورى - وجهاز بشريحتين وكارت ميمورى. وجميع الاصدارات لا يتعدى سعرها 1000 جنيه بعد مصاريف الشحن وضريبة المبياعات والجمارك . لكن خوفى ان فلوسى تضيع بسبب التعنت فى الافراج عن الجهاز خلانى متردد فى شرائه.
بصراحة مش فاهم ايه مصلحة المسئولين فى ترك المواطنين عرضة للسرقة بدون حتى ما يتيحوا لهم الفرصة لمحاولة حماية ممتلكاتهم - كنت اتوقع ان الحكومة هي اللى تبادر بنشر مثل هذه الاجهزة بل وتعمل توعية واعلانات للمواطنين حتى يقبلوا على شرائها وتكون مهمة الشرطة اسهل فى استرجاع السيارات المسروقة.

بصراحة حوارى معاكم اوحى لى بفكرة اعتقد انها ممكن تفيد ناس كتير
ممكن اللى خايف على عربيته يشترى تليفون مستعمل ويتركه باستمرار فى العربية فى مكان مخفى - ويحط فيه شريحة بس يشترك فى خدمة الانترنت بالنسبة لى مشترك فى الخدمة وبدفع 10 جنيه فقط فى الشهر مهما طالت فترة استخدامى - بعد كدا يحمل برنامج Google maps على التليفون وهو متاح للتليفونات التالية

بعد كدا افتح البرنامج بعد تحميله ومن قائمة file اختار Join Latitude

ثم تضيف من لهم حق متابعة تحركات الموبايل "اوعى تضيف مراتك " طبعا كل واحد من المضافين لازم يكون له حساب على جوجل

ولو حبيت تعرف مكان عربيتك كل ما عليك هو انك تسجل دخول على الموقع https://www.google.com/latitude
وبالتالى هيعرفك مكان العربية لان الموبايل بداخلها بالشكل دا

انا مش عارف التقنية اللى بيستخدمها جوجل فى تحديد مكان التليفون بس اعتقد ان مش شرط التليفون يكون فيه خاصيى GPS يا ريت حد يجرب ويعرفنا.
اتمنى الن الطريقة تنجح وتساعد الناس انها تحس بالامان على سياراتهم.