ماذا تفعل عندما يجبرك سارقه على استخدام كارت الصارف الآلى

**MMamdouh** · 15-05-2008 02:41 PM

الكلام اللى مكتوب بياكد جزء مهم جدا.... الكلام دة غير مطبق عمليا على الاطلاق

صحيح عم Zingher عصر دماغة و صرف فلوسة عشان يطور النظام بس دة مش كفاية... زى ما شفت البنوك رفضت النظام لاسباب مادية و تسويقية كمان

زى ما شرحت القصة مش سهلة خالص و لازم اعادة هيكلة لانظمة البنوك لاستيعاب الخاصية دى دا غير المهمة اللى حتبقى على رجال الامن... تفتكر فيه بنك حيستثمر مبلغ بالضخامة دى عشان يمنع ان واحد يتسرق منة 3000 جنية؟؟؟ اكيد لا و هما قالوها صراحة "احنا مش حنروج لماكينات الATM على انها مسرح جريمة" و كمان قالوا من الاخر احنا بنقول للعملاء ياخدوا بالهم و خلاص

دا بيزنس يا باشا و كلة بيبص لمصلحتة... يعنى البنوك بتقول بصراحة " انت خايف على ال 3000 بتوعك يبقى خللى بالك... اصل انا مش حصرف 5 مليون جنية على تعديل سيستم الATM بتاعى عشان خاطر سيادتك"

انت كلامك صح فيما يخص وجود مثلا هذا النظام.. لكن للاسف هو ملوش اى وجود فى السوق فعلا ولا حد بيطبقة لا هنا و لا فى امريكا ولا فى اى حتة فى العالم و بالتالى اى واحد حيتبع التعليمات اللى فى الايميل مش حينوبة الا انه يتحسب عليه مرة انه دخل الرقم السرى غلط

عموما كويس ان احنا الاتنين عرفنا معلومات جديدة مكناش نعرفها

MMamdouh

**MMamdouh** · 15-05-2008 02:47 PM

المشاركة الأصلية كتبت بواسطة M_HaFeZ

ياجماعه حلها سهل جدا جدا جدا
السيستم لما ييجى يعمل رقم جديد ميكونش هوهو المعكوس
ولما ييجى العميل يغيره من الماكينه يرفض الرقم اللى عكسه نفس الرقم
سهله والله
وبرضه فى نقطه
اللى بينفذ غير اللى بيحط قواعد

لا جدال على ان الامور الفنية ليها حل بشكل او باخر و انا اؤكد ان النظام ممكن يتعمل و يتحل مشاكلة بس السؤال الاهم من كل حاجة..........بكاااااااااااااا ااااااااااام؟

لان ببساطة محدش من البنوك حيدفع مبلغ هلامى عشان 3000 جنية بتوع عميل و خصوصا ان دة مش حاجة اجبارية من VISA مثلا فا كل البنوك غصب عن عينها لازم تعملة فا ببساطة البنك بيختار الحل الارخص و هو انه ميعملش النظام و يقولك "خللى بالك"

المؤكد فى الموضوع ان النظام دة مفيش اى بنك على مستوى العالم بيطبقة و بالتالى اى حد حيدخل PIN بالعكس مش حيحصلة اى حاجة

MMamdouh

**M_HaFeZ** · 15-05-2008 05:24 PM

المشاركة الأصلية كتبت بواسطة shrofa

ده لما بتتصل بيهم فعلا بيقفلوا السكة فى وشك....ومرة عملت حادثة واتصلت بيهم جم بعد اكتر من ساعتين ...÷هههههههههههه

ياستاذى ياسيدى الفاضل الوضع مع البنوك مختلف تماما
لان لازم يكون فى امن كافى من الشرطه قريب من البنك
ولما يطلبهم هييجوا باقرب ناس
وسيبك من كده .. انت هتخليه يسحب مره واحده وشكرا على كده

**MMamdouh** · 15-05-2008 06:37 PM

المشاركة الأصلية كتبت بواسطة M_HaFeZ

ياممدوح انت اكتر واحد عارف الموضوع ده بحكم تعاملك مع البنوك
البنك بيدفع وبيدفع كويس اوى وبيلم اد اللى دفعه عشرات المرات
واكيد انت عارف البنك بيجيب مكاسبه منين
من اول البريد اللى بيبعتهولك كل شهر وشوف كام عميل على كام جنيه مكسب
وشوف اى خدمه بيقدمها ومصاريفها وشوف المصاريف الدوريه ليه اد ايه
وطبعا حاجه زى دى مش هيقول لا لان لو فكرت هتعرف ان ال ATM نفسها تكلفتها كبيره اد ايه ولو كانو فكروا زى مابتقول كده فى الاول مكانش نفع بعدين لان اول مانزلت ماكينه الصارف الالى فى بنوك كتير رفضت انها تدفع المبلغ ده كله فيها وقالت ازاى تحط فلوس فى الشارع وانت برضه عارف الماكينه دى بتشيل فلوس اد ايه والماكينه نفسها تمنها كام ده غير تكاليف الاتصال والكهرباء والكابلات
البنوك اللى رفضت فى الاول الناس مشيت من عندها وفى الاخر كله بقى لازم يبقى عنده ماكينات وشوف البنوك بقت تحط ماكينات فين .. فى مولات . محطات بنزين . اماكن تجاريه . محطات مترو . محطات قطارات
بص بلاش تحكم على الحاجه من الاول لان الناس بتفكر لقدام وبرضه بتعرف تستفيد كويس اوى من اى مبلغ بيدفعوه

كلامك صح بس خللى بالك احنا مش بنتكلم على خدمة جديدة حيجى من وراها فلوس.. احنا بنتكلم فى اجراء امنى لصالح العميل حيتحمل تكلفتة البنك... يعنى محدش حيجى للعميل يقولة ادفع جنية زيادة على كل transaction عشان مصاريف الsecurity زادت و بالتالى بالنسبة للبنك الموضوع تكلفة بحتة

الحل ان VISA و MasterCard يخلوا الموضوع دة اجبارى بمعنى يصدر قرار ان المؤسسة اللى معندهاش support للخاصية دى قبل 1/1/2009 مثلا حيتفرض عليها غرامات و على 1/1/2010 المؤسسات الى معندهاش support حيتوقف التعامل معاها... غير كدة محدش حيعمل حاجة

احنا اتعمل فينا الحركة دى لما اصبح اجبارى ان اى مؤسسة ماليه لازم تشتغل ب triple DES keys و زنقونا فى الوقت و كان لازم نتصرف والا مش حيقبلوا الحركات اللى جاية من عندنا... زى ما شفت فى الحاجات الاجبارية اللى مش حتعود بنفع مادى على البنك لاوم VISA تدخل

كمان راعى ان الموضوع اصبح فيه طرف تالت خارج سيطرة ال VISA و هو الشرطة المحلية فى كل دولة و حيبقى صعب التنسيق بين الاتنين لان كل بلد و ليها سلوها زى ما بيقولوا

عموما الوقت فقط هو اللى كفيل بانه يجاوب على السؤال... هل الموضوع دة حيحصل ولا لا؟؟؟.... لحد دلوقتى لا و نتمنى ان ميفضلش كدة كتير

MMamdouh

**M_HaFeZ** · 15-05-2008 09:55 PM

المشاركة الأصلية كتبت بواسطة MMamdouh

كلامك صح بس خللى بالك احنا مش بنتكلم على خدمة جديدة حيجى من وراها فلوس.. احنا بنتكلم فى اجراء امنى لصالح العميل حيتحمل تكلفتة البنك... يعنى محدش حيجى للعميل يقولة ادفع جنية زيادة على كل transaction عشان مصاريف الsecurity زادت و بالتالى بالنسبة للبنك الموضوع تكلفة بحتة

الحل ان VISA و MasterCard يخلوا الموضوع دة اجبارى بمعنى يصدر قرار ان المؤسسة اللى معندهاش support للخاصية دى قبل 1/1/2009 مثلا حيتفرض عليها غرامات و على 1/1/2010 المؤسسات الى معندهاش support حيتوقف التعامل معاها... غير كدة محدش حيعمل حاجة

احنا اتعمل فينا الحركة دى لما اصبح اجبارى ان اى مؤسسة ماليه لازم تشتغل ب triple DES keys و زنقونا فى الوقت و كان لازم نتصرف والا مش حيقبلوا الحركات اللى جاية من عندنا... زى ما شفت فى الحاجات الاجبارية اللى مش حتعود بنفع مادى على البنك لاوم VISA تدخل

كمان راعى ان الموضوع اصبح فيه طرف تالت خارج سيطرة ال VISA و هو الشرطة المحلية فى كل دولة و حيبقى صعب التنسيق بين الاتنين لان كل بلد و ليها سلوها زى ما بيقولوا

عموما الوقت فقط هو اللى كفيل بانه يجاوب على السؤال... هل الموضوع دة حيحصل ولا لا؟؟؟.... لحد دلوقتى لا و نتمنى ان ميفضلش كدة كتير

MMamdouh

كويس جدا كده ..
اهو احنا قربنا وجهات النظر .. الفكره متاحه عمليا مش مستحيله وصدقنى الموضوع اقرب مماتتخيل
وبرضه القيود الكبيره اللى بتتحط على التعاملات على الفيزا سواء فى الشراء على النت او الشراء من محلات
يعنى محلات كتير وفى مصر لما تيجى تستخدم فيزا لازم يتأكد انك انت صاحب الفيزا ويشوف البطاقه بتاعتك علشان يتأكد من الاسم اللى على الفيزا .. وده اجراء ممتاز جدا
ده غير القيود اللى بتتحط على الشراء من على النت منها انك لما تيجى تشترى بفيزا من موقع بيطلب منك اوقات انك تبعت له صوره وش وظهر للفيزا Scanned علشان يتأكد ان الفيزا معاك مش مجرد بس عارف الارقام بتاعتها
ده غير ان فى مواقع مبتبعتش ليك الحاجه الا على العنوان اللى طالع منه الفيزا
يعنى انت طالب فيزا من بنك والبنك متسجل انه فى مدينه نصر - القاهره
مش هيبعت الا فى ظروف قريبه يعنى من القاهره علشان يضمن انها مش مسروقه ومستخدمه بالخطأ وطبعا النيجيرين فى الموضوع ده معديين اوى من سرقه ونصب على النت
الخلاصه ان اجراءات الامن على البطاقات والنت عموما بتزيد اوى
ده غير اساسا موضوع الدنجل او ال taken اللى اماكن كتيره وتعاملات كتيره لازم تبقى عن طريقه
ففى الوقت اللى كل طرق الامان دى بتزيد .. صدقنى موضوع الكود العكسى ده مش هيكون صعب
وبرضه انا عن نفسى ممكن اكتب لك ال Business requirements اللى مطلوبه عليه من التأكد ان الرقم السرى مش هو هو المعكوس ومعالجه الموضوع ده سهل جدا
وتشرفنا بالمعرفه

**modux** · 15-05-2008 10:17 PM

بحد !!!!

اول مرة اسمعها

**MMamdouh** · 16-05-2008 04:46 AM

المشاركة الأصلية كتبت بواسطة M_HaFeZ

كويس جدا كده ..
اهو احنا قربنا وجهات النظر .. الفكره متاحه عمليا مش مستحيله وصدقنى الموضوع اقرب مماتتخيل
وبرضه القيود الكبيره اللى بتتحط على التعاملات على الفيزا سواء فى الشراء على النت او الشراء من محلات
يعنى محلات كتير وفى مصر لما تيجى تستخدم فيزا لازم يتأكد انك انت صاحب الفيزا ويشوف البطاقه بتاعتك علشان يتأكد من الاسم اللى على الفيزا .. وده اجراء ممتاز جدا
ده غير القيود اللى بتتحط على الشراء من على النت منها انك لما تيجى تشترى بفيزا من موقع بيطلب منك اوقات انك تبعت له صوره وش وظهر للفيزا Scanned علشان يتأكد ان الفيزا معاك مش مجرد بس عارف الارقام بتاعتها
ده غير ان فى مواقع مبتبعتش ليك الحاجه الا على العنوان اللى طالع منه الفيزا
يعنى انت طالب فيزا من بنك والبنك متسجل انه فى مدينه نصر - القاهره
مش هيبعت الا فى ظروف قريبه يعنى من القاهره علشان يضمن انها مش مسروقه ومستخدمه بالخطأ وطبعا النيجيرين فى الموضوع ده معديين اوى من سرقه ونصب على النت
الخلاصه ان اجراءات الامن على البطاقات والنت عموما بتزيد اوى
ده غير اساسا موضوع الدنجل او ال taken اللى اماكن كتيره وتعاملات كتيره لازم تبقى عن طريقه
ففى الوقت اللى كل طرق الامان دى بتزيد .. صدقنى موضوع الكود العكسى ده مش هيكون صعب
وبرضه انا عن نفسى ممكن اكتب لك ال Business requirements اللى مطلوبه عليه من التأكد ان الرقم السرى مش هو هو المعكوس ومعالجه الموضوع ده سهل جدا
وتشرفنا بالمعرفه

الشرف ليا يا باشا

على فكرة موضوع الشراء من الانترنت دة اتعملة نظام من فيزا و بيرمز لة ب VBV...Verified by VISA و عن طريقة انت كا صاحب كارت بتسجل نفسك من السايت بتاع بنكك و تعمل لنفسك كود... و فى نفس الوقت التاجر صاحب ماكينة الفيزا بيسجل نفسة كتاجر عندة خاصية الVBV و لما تشترى من النت بتضغط على زر الVBV و تكتب الكود بتاعك عشان تتم المعاملة و بكدة بنقلل مخاطرة ان حد يكون حفظ الCVV2 بتاعك و معاه صورة الكارت بتاعك او حتى لقى الكارت فى الشارع

MMamdouh