وكيل كيا .... سيبت عربيتك هناك قد إيه؟

**aaet1** · 22-09-2011 12:39 AM

السلام عليكم، أنا حبيت أفتح الموضوع ده علشان كل واحد اتعامل مع eit فى عملية اصلاح أو دهان استلزمت انه يسيب العربية عند الوكيل يقول لنا هى أخدت وقت قد إيه ولو الوقت طويل يقول لنا إيه السبب، الفكرة انى أنا شخصيا وناس كتير أعرفهم كلهم اشتكوا من ان العربية بتقعد عند الوكيل وقت كبير وبعد المط والتطويل بيسمعوا الجملة المشهورة وهى "أصل قطعة الغيار دى ناقصة" وطبعا ده أمر غير مقبول وخصوصا بعد ما الوكيل يمطوحنا شوية فى الأول بشوية أعذار تانية

الفكرة برضه اننا لو لقينا فعلا الموضوع زايد ممكن نجمع بيانات العربيات بتاعتنا والمشكلة اللى حصلت مع التوكيل ونبعت بيها شكوى جماعية لكيا الأم

**aaet1** · 22-09-2011 12:45 AM

هبدأ بنفسى
يونيو 2010: العربية كانت بيتغيرلها فانوسين أماميين وصدر (علشان حتة صاج قد عقلة الصباع كانت متنية فيه ... حجج وما بيصدقوا) واكصدام .... المهم سيبت العربية عندهم على وعد تخلص فى خلال اسبوعين منهم اسبوع انتظار وطبعا بعديهم وبعد سماع أعذار انها خلاص دخلت أهه ... أو بكره هتترش .... وبعد زيارات منى لهناك وخناق .... اكتشفت فى الآخر ان الصدر ناقص عندهم وبعد 29 يوم كاملين وبعد ما رحت هناك بعد ما عرفت انه وصلهم ووقفت على إيديهم اتركب هو والاكصدام والفوانيس فيما لا يتجاوز ساعة زمن ( طبعا الاكصدام كان اترش فى اليوم اللى قبليه)

**BOOGIE** · 22-09-2011 03:26 AM

العربية كيا سيراتو 2011
العربية العتبة الشمال بتترد و هتترش هى و الاكصدام الامامى و الخلفى من يوم 3/9/201 و كل ما اكلم يقلولى اصلها داخلة بكرة بعدو بعدو لحد ما جبت اخرى و نسيت اصلا انى جبت عربية