صيانة التيدا وتجربتى مع الشركه الهندسيه للسيارات المعتمدة من نيسان فى اسكندرية

**a20101d** · 22-09-2011 12:56 AM

انا اشتريت التيدا من 10 ايام ياسلام علي العربيه ممتازه والمساحه الداخليه كانك اقعد في الريسبشن
ام التكييف كانك في القطب الجنوبي والماتور كانك راكب طياره السياره تجعلك سعيد انا رحتالتوكيل اسم الشركه الهندسيه للسيارات توكيل معتمد من نيسان ناس محترمه جدا موجود في الكيلو 26 العامريه مرعم الاسكندريه العربيه بعمل صيانة 10000ك كان في بعض المشاكل مثل الولاعه لاتعمل التيل بيصفر فرامل اليد فيها مشكله الدركسيون فيه تكتكه الحمد لله العربيه اتعمل فيها كل حاجه ورجعت احسن من الاول غير ان في شاشه تعرض الورشه التي يعمل بها العمال وتري السياره بس المشكله اني مش عارف اقتنع بشكلها وتحياتي للاعضاء نيسان نفسي يبقي في مقابله مره في الاسكندريه ياسلام تبقي تمام وفي المنتزه

**egyptiandiver** · 22-09-2011 01:08 AM

ألف مبروك يا ريس

**ramykimo** · 22-09-2011 01:36 AM

جبت انهى فئة؟؟ انا محتار بينها و بين الانسر بومة

**goudamahdy** · 22-09-2011 09:45 PM

ألف مبروك يا باشا وربنا يباركلك فيها ويكفيك شرها ويطعمك خيرها ....

**Ali_Abo_Amr** · 22-09-2011 10:09 PM

مبروك علينا تيداوى جديد وربنا يباركلك فيها
ايوه كده عايزينها تنتشر ... لأنها مش واخدة حقها فى مصر العربية دى

**Ahmed.TV** · 22-09-2011 10:23 PM

الف مليون مبروك .. وربنا يعطيك خيرها ويكفيك شرها

التيدا عربية محترمة بصراحة .. وحمالة اسية .. ومشاكلها قليلة جدا

والحمد لله على نعمة التوكيل اللى معانا وفى صفنا .. اللى بيهتم براحة العميل ومشاكل سياراته على عكس باقى التوكيلات الاخرى اللى مجننة الناس

وان شاء الله التيدا تنتشر اكتر واكتر

وكمان عاوزين ملاك التيدا فى الموقع يكون معانا ومتواجدين دايما باذن الله ويشاركونا الراى والدردشة

تحياتى