انا هعجز وانا قاعد ف البيت

**akramlail** · 24-09-2011 04:54 AM

المشاركة الأصلية كتبت بواسطة mazagangee

بص يا باشا
انت تشبط في اي حاجة بأي مرتب حتى لو كان مصاريف بس , و انت شغال هتلاقي بتجيلك عروض من عملا شركات بتتعامل معاها شركات منافسة , ...
و انا بين مشروعيم أوقات كنت بقعد 6 أو 7 شهور بدور و لا حد عبرني و انا شغال بلاقي عروض كتير تيجي نتيجة الحركة و التعامل في المواقع .

بالمناسبة انت مجالك ايه ؟

انا مجالى مهبب بهباب انا حقوق ياباشا
وحاسس ان دة اللى سادد اى حاجة فوشى لان بيتهيألهم ان حقوق دة ميفهمش اى حاجة ف الدنيا غير القانون مع ان ف الحقيقة ميفهمش ف اى حاجة اصلا
بهزر طبعا
بالعكس الدراسة كانت شاملة حجات كتير فى اغلب مجالات الحياة تفيدك فى كل شئ بس النصيب

**akramlail** · 24-09-2011 05:02 AM

وعموما يا جماعة انا مقعدتش فى البيت وبدور ع النت بس لا عشان محدش يظلمنى
انا لفيت كتير جدا جدا وكان فاضل اوزع السى فى على الناش فى المواصلات والشوارع
ورحت برج العرب فى الصحرا لفيت ع المصانع ورميت سفيهات
ونزلت محامى مع خالى بس طبعا باخد مصروفى اخرى لحد متنفخت
جربت ادور بكل الطرق حسيت انى بشحت الشغل من كتر لفى ع الشركات ويلطعونى برة وحد يقابلك كويس وغيرة يقابلك وحش وغيرة ميقابلكش اصلا
حتى مكاتب السفر وكان يبقى فى اعلان فى القاهرة اسافر المهم انى مش قاعد زى ما حد ممكن يقول
بس العمر بيجرى وجالى احباط ومبقتش ادور ولا ليا حتى نفس لاى شغل لو جالى يعنى
مش عارف دة احساس طبيعى ولا اية
ومش عارف العيب فيا ؟ انا مش اجتماعى ومليش علاقات بحد واصحابى اصلا معدودين ع الصوبع الواحد
جايز دة اللى مش مفتحلى سكك
الله اعلم طولت عليكم كفاية كدة

**MOUSTAFA_SAAD** · 24-09-2011 08:16 AM

تابع جرنال الاهرام كل يوم جمعه
مرتضى منصور كان عامل اعلان طالب فيه محامين امبارح
انصحك تغير مجالك مش شرط المحاماه
ممكن تشتغل فى مجال التسويق او البيع او اى حاجه تانيه
انت فى القاهره والدنيا مفتوحه ادامك مش زى عندنا فى الاقاليم

**akramlail** · 25-09-2011 01:49 AM

المشاركة الأصلية كتبت بواسطة moustafa_saad

تابع جرنال الاهرام كل يوم جمعه
مرتضى منصور كان عامل اعلان طالب فيه محامين امبارح
انصحك تغير مجالك مش شرط المحاماه
ممكن تشتغل فى مجال التسويق او البيع او اى حاجه تانيه
انت فى القاهره والدنيا مفتوحه ادامك مش زى عندنا فى الاقاليم

ربنا يكرمك واشكرك على النصيحة الغالية
بس انا فى اسكندرية مش القاهرة
وحاولت اغير مجالى وخدت كورس تجارة خارجية وملاحة وبردة قدمت ف شركات ملاحة وربنا موفقنيش
وبتابع الاهرام كل فترة كان فى اعلان لوزارة العدل من كام يوم وبعت علية على اخر يوم
الحمدلله على كل حال

**MOUSTAFA_SAAD** · 25-09-2011 07:43 AM

على فكره انت مشكلتك زيى
انك مش اجتماعى ومليكش علاقات وده بيخليك ماتعرفشى الدنيا فيها ايه وايه الجديد وممكن تفوتك فرص كتير
يمكن تستغرب لو قولتلك ان اكتر علاقات وصداقات كونتها كانت عن طريق نايل موتورز

**yahyanaabil** · 25-09-2011 10:23 AM

المشاركة الأصلية كتبت بواسطة akramlail

وعموما يا جماعة انا مقعدتش فى البيت وبدور ع النت بس لا عشان محدش يظلمنى
انا لفيت كتير جدا جدا وكان فاضل اوزع السى فى على الناش فى المواصلات والشوارع
ورحت برج العرب فى الصحرا لفيت ع المصانع ورميت سفيهات
ونزلت محامى مع خالى بس طبعا باخد مصروفى اخرى لحد متنفخت
جربت ادور بكل الطرق حسيت انى بشحت الشغل من كتر لفى ع الشركات ويلطعونى برة وحد يقابلك كويس وغيرة يقابلك وحش وغيرة ميقابلكش اصلا
حتى مكاتب السفر وكان يبقى فى اعلان فى القاهرة اسافر المهم انى مش قاعد زى ما حد ممكن يقول
بس العمر بيجرى وجالى احباط ومبقتش ادور ولا ليا حتى نفس لاى شغل لو جالى يعنى
مش عارف دة احساس طبيعى ولا اية
ومش عارف العيب فيا ؟ انا مش اجتماعى ومليش علاقات بحد واصحابى اصلا معدودين ع الصوبع الواحد
جايز دة اللى مش مفتحلى سكك
الله اعلم طولت عليكم كفاية كدة

على فكره انته عندك نفس مشكلتى بالظبط انا عملت كل اللى انته عملته ده وعلاقاتى مش ياما او مكنتش بصاحب حد فى دفعتى يعنى انا مهندس كهرباء كل اصحابى كانو ميكانيا ومدنى فمحدش عرف يظبطنى بص هما الحمد لله ظبطو بعض بس زى ما قولتلك الشغل الكويس بيجى بالعلاقات مش قصدى وسايط بص على الاقل بتعرف ان المكان ده عاوز ناس وبيتعملك انترفيو
مثلا انا اعرف واحد صاحبى راح عمل انترفيو فى شركه بترول امريكانى كبيره فحت أول سؤال اتساله انته تعرف مين فى الشركه
حاول تدور على مشروع على الاقل حتقضى فيه وقت
انا بحاول ادور على حاجه اعملها بس مش لاقى :)

**fepsceasar** · 25-09-2011 05:00 PM

الشركات الكبيرة بترفض اللى ليهم اقراب فى الشركة
ميزة العلاقات انها تعرفك ان فى شغل فى الحتة الفلانية
كلم اصحابك اللى اشتغلوا
واشبط فى اى شغل فى اى مجال وانت شغال دور
وربنا يكرم
Jobs in Egypt: CALL CENTER AGENT for the UK account

**akramlail** · 26-09-2011 02:40 AM

المشاركة الأصلية كتبت بواسطة moustafa_saad

على فكره انت مشكلتك زيى
انك مش اجتماعى ومليكش علاقات وده بيخليك ماتعرفشى الدنيا فيها ايه وايه الجديد وممكن تفوتك فرص كتير
يمكن تستغرب لو قولتلك ان اكتر علاقات وصداقات كونتها كانت عن طريق نايل موتورز

فعلا المنتدى بيهون علينا كتير
ربنا ما يقطعلنا عادة :)

**akramlail** · 26-09-2011 02:45 AM

المشاركة الأصلية كتبت بواسطة yahyanaabil

على فكره انته عندك نفس مشكلتى بالظبط انا عملت كل اللى انته عملته ده وعلاقاتى مش ياما او مكنتش بصاحب حد فى دفعتى يعنى انا مهندس كهرباء كل اصحابى كانو ميكانيا ومدنى فمحدش عرف يظبطنى بص هما الحمد لله ظبطو بعض بس زى ما قولتلك الشغل الكويس بيجى بالعلاقات مش قصدى وسايط بص على الاقل بتعرف ان المكان ده عاوز ناس وبيتعملك انترفيو
مثلا انا اعرف واحد صاحبى راح عمل انترفيو فى شركه بترول امريكانى كبيره فحت أول سؤال اتساله انته تعرف مين فى الشركه
حاول تدور على مشروع على الاقل حتقضى فيه وقت
انا بحاول ادور على حاجه اعملها بس مش لاقى :)

ادينا بنحط همنا على بعض يا يحيى
بس موضوع المشروع دة مينفعش بردة معايا لانى مفهمش فى اى مجال ولا عندى الجرأة انى اغامر باى قرش لانة مش بتاعى
انا بحاول ادور غلى اى سكة سفر برة لان كدة كدة انا عايش فى غربة هنا فمش فارقة معايا

**akramlail** · 26-09-2011 02:48 AM

المشاركة الأصلية كتبت بواسطة fepsceasar

الشركات الكبيرة بترفض اللى ليهم اقراب فى الشركة
ميزة العلاقات انها تعرفك ان فى شغل فى الحتة الفلانية
كلم اصحابك اللى اشتغلوا
واشبط فى اى شغل فى اى مجال وانت شغال دور
وربنا يكرم
jobs in egypt: Call center agent for the uk account

مينفعش اكلم حد من اللى اعرفة وافولة شوفلى شغل بتبقى بايخة اوى
منا ليا صحاب سافروا ومحدش سال وانا مش هطلب منهم لان اللى ميشفش م الغربال يبقى اعمى
وبعدين انا لو عارف اشبط فحاجة مكنت شبطت انا مش بتامر وعلى عاوز ابقى مدير
دنا بقى طموحى دلوقتى انى الاقى حاجة تشغلنى واتسلى فيها مش اكون نفسى