استفسار مهم جدا و ارجوا سرعة الرد للأهميه

**lesy** · 22-09-2011 07:14 AM

السلام عليكم
انا معروض عليا عربيه 127 و لما روحت اعاينها معاينه مبدايها صاحب العربيه قالى الأتى
الرخصه هو لسه مجددها من اسبوع او اسبوعين مش متذكر
المهم هو مغير ماتور العربيه فى شهر فبراير اللى فات بماتور استراد جايبه من بورسعيد هو ضايف رقم الماتور فى الرخصه بس باين ورق الماتور مش كامل فا علشان كداا المرور مديه مهله 3 شهور يكمل الورق و مكتوب كداا على الرخصه بخط اليد
و هو قالى ان ورق الماتور المفروض هيجى بعد اسبوع
دلوقتى السؤال اعمل ايه ؟
اعمل عقد ابتدائى و ابقى الف جنيه على العربيه و لما يجيبلى الورقه اللى باقيه من الماتور اسجل العقد و اديه باقى الفلوس ؟؟
و لا ادفعله كله و اسجل عادى بس المشكله انه مش معرفه داا انا لاقيت عربيته على النت يعنى اكيد مفيش ثقه
ياريت تدلونى اعمل ايه علشان انا اول مره اشترى عربيه و مش عارف و معادى معاه بكره الساعه 12 ياريت حد يرد عليا قبل 12
و اسف على الاطاله عليكم

**mohammadrashee** · 22-09-2011 01:46 PM

حضرتك تبقي تمن الموتور وكمان الف جنيه مصنعيه وشراء ووقت ولو مجبش زرق الموتور تشتري انت موتور جديد

**أبو إياد** · 22-09-2011 02:02 PM

طالما تم استخراج برخصه مؤقته مثبوت فيها رقم الموتور يبقا مافيش مشكله بس الافضل انك تبقى مبلغ علشان اوراق الموتور باسمه وتقريبا لازم هو اللى يتحرك فى الترخيص النهائى