ممكن الى عمل صيانة 60 الف للفيرنا يقولى اية الى محتاج يتغير.
انا سمعت ان طقم السيور بيتغير هل فى حاجة كمان؟
والصيانة دية تتكلف كام فى التوكيل .
عرض للطباعة
ممكن الى عمل صيانة 60 الف للفيرنا يقولى اية الى محتاج يتغير.
انا سمعت ان طقم السيور بيتغير هل فى حاجة كمان؟
والصيانة دية تتكلف كام فى التوكيل .
لو سمحت (( ماتروحش التوكيل )) !! وغير كل شيء برة
إقراء تعليقات كل الزملاء عن موضوع اهمال التوكيل دة وان الشغل اللي بيحصل بيكون بعيد عن عينك وغالي 3 مرت لانة بيبيع ال ( وهم ) وبيستغل حداثة الناس اللي بيعملو عندة صيانة وعدم خبرتهم ..
المهم خلينا في موضوعنا
اولا
1- اكشف علي تيل الفرامل تمام واله يتغير والطنابير ملساء وسليمة واله فيها تموجات ( مع الفرامل ترجرج )
2- شوف مستوي الزيت للفتيس والماتور وزيت الباور وشوف لو هاتغير زيت موتور يبقي غير الفلتر بتاعة (( ولو انتا اوتوماتك غير زيت الفتيس طبعا لانة لازم يتغير علي ال 40.000 والفلتر وتنضيف قاعدة الفتيس ووضع سيلكون عند تقفيل الكرتيرة اللي هيا قاعدة الفتيس ))
3-شوف فلتر التكييف لو متركب وقيس الفريون عند اي واحد بتاع تكييف
المهم في التغيير -
1 --==..(( سير الكاتينة ))..==-- هام للغاية علشان يقعد معاك لل 120.000 مستريح
2- شوف سير الباور وسير التكييف ( طقم سيرو للفيرنا )
ووو (( بس ))
اسمع اللي انا بقولك علية .. ياريت كان فية حد نصحني زمان .. وشكرا
جزاك الله كل خير انا كنت بفكر أعمل كده بس كنت محتاج ميكانبكى كويس فى مدينة نصر لو حضرتك تعرف حد.
والف شكر لإهتمامك
فعلاً ما الواحد علشان يعمل الصيانات المهمه دى بره التوكيل لازم يكون عند حد فنى و امين و بيفهم فعلاً
الاخ الكريم
شوف مش كل الناس بتصلع في التوكيل و لسيادتكم مطلق الحريه في ذلك ولكن اسمح لي بتعديل بعض معلومات سيادتك
1-فلتر زيت الفتيس ينم تغبره كل 80000 كم للسياره الاوتوماتيك و المانيوال لا يوجد قلتر
2-لا يوجد فلتر تكييف للفيرنا
3- الفلاتر الهواء و البمزين و البوجيهات يجب تغيرهم
4- يجب تغير 2 بليه كاتينه الثابته و المتحركه وع السيور
و لحضرتك فائق الاحترام م- هاني غبور قليوب
___________________
بعد التحية ,,
برجاء الاستدلال علي التالي (( من كتيب السيارة )) .. ودة دليل علي صحة كلامي واختلاف كلامك تماما
ثانا- (( فية فلتر تكييف وانا مركبة )) وبالتحديد اسفل الدرج اليمين جنب الباب اليمين
انا مصمم علي كلامي لانة صحيح 100 % (( من الكتاب ياباشا )) وانا عملتة وبسؤال مهندسين غبور
وبالنسبة لمركز صيانة جامد انا عملت عندة ومش مكلف اوي وبيديلك فاتوره كمان
العنوان :- ...................
ممنوع وضع ارقام تليفونات ورش او مراكز خدمة
بدون التنسيق مع ادارة المنتدى
______________
مشرف الكورى والماليزى العام
كلامك أستاذ verna2008auto صح
لأن حضرتك نبهت علي إن زيت الفتيس بيتغير علي الـ(40ألف) و مقولتش ضروري تغير في الـ60 ألف يعني الكلام كان للتذكره مكنش للوجوب يعني اللي غير غير و اللي مغيرش يغير
و بالنسبه لفلتر التكييف فنفس الكلام قولت (لو متركب) و أكيد لو مش متركب يبقي صاحب الموضوع يشتري فلترين و يركبهم زي ما أعضاء كتير عملوها
و فعلا هي دي تعليمات الصيانه من الورقه اللي طابعها غبور
اوعي تروح صيانه ال 60 انا مسمعتش نصيحه الناس و رحت عملت الصيانه دفعوني حوالي 1200 جنيه و العربيه طلعت اسوء من الاول رحت لميكانيك عشان العربيه سخنت و انا راجع من التوكيل ده غير ان الشداد الخلفي كان لازم يتغير و مقوليش حاجه غبور ده اسوء توكيل في التاريخ الانساني لو رحت لميكانيكي و جبت الحاجه مش هتدع نص المبلغ ده و هيظبطلك العربيه و بالتوفيق