مين قال علي 40 الف يتغير الكويتش ؟؟؟؟؟؟؟؟؟ 50 الف ...... 60 الف ؟؟؟؟؟؟؟
وانا ان شاء الله ....... حغير علي 60 الف .......، يعني علي ابريل 2012 ؟؟؟؟؟؟؟؟؟؟؟؟ ان شاء الله ؟
عرض للطباعة
ياجماعه والله ال 40 الف دى خدعه كبيره وكذبه ناشرها كل المستوردين والتجار والوكلاء فى مصر
انا كنت عايش 11 سنه فى كندا وهناك كل كاوتش بيكون معاه الحد الادنى المضمون من المصنع للكيومترات..لا يوجد نوع كورى او ماليزى او حتى هندى اقل من 60 الف كيلو..مع العلم بأن الشوارع فى كندا زفت وكلها حفر بسبب التلج والملح اللى بيرشوه عليه فى الشتاء...الشوارع هناك مش احسن من هنا بكتير زى مانتوا فاكرين..امريكا حاجه تانيه خالص علشان ماحدش يقوللى كلام كبير
المهم ان الماركات المحترمه زى بريدجستون وميشلان دول حدهم الادنى 80 الف وساعات 100 و140 الف حسب الجوده
هنا فى مصر والله الكلام بتاع 40 الف ده سرقه
انا الكاوتش اللى كان فى الكورولا (ميشلان)..مغيره بعد 87 الف وكان الشقوق الجانبيه فيه يادوب بدات تبان والله البائع اللى غيرهوالى (وهو معرفه من سنييين) بيقوللى الكاوتش فيه لسسه كتير وخده منى ب 40 جنيه الفرده!
منين ياجماعه الكومهو الكورى 225/45/17 اللى ب 690 ده؟؟؟
انا باسال على كاوتش للعربيه عندى واللى لاقيته بريدجستون وميشلان ب 1450 و1550
لو دى العجله الى اسمها ادرنالين يبقى سعرها نزل ..دى كانت ب 875 من فتره ..
بس اولا ..فرق كبير فى تماسك العجله على الارض ..
تانى حاجه عمر افتراضى طويل بتقعد لحد 80 85 الف كم و هتغيرها زهق !!
وصناعه يابانى
وصتها ناعم جدا على الارض
الكونتننتال الى بينزل فى الاوكتافيا و الباسات و الجيتا ..سمعت انه ب 1600 الفرده
الـPotenza Adrenalin عمرها ما كان صوتها ناعم على الأرض, مش Super-Silent زى الـTuranza!!
BTW معظم النقشات الـSport بتبقى صوتها عالى... أنا جربت Pirelli P-Zero و Michelin Pilot Sport (ومقاسات 16" 17") الأتنين صوتهم عالى زى الأدرينالين!
الوحيد اللى صوته معقول.. هو الكونتينينتال SportContact-3
وللأسف مش لاقى منه ألمانى زى الفابريقة بتاع العربية, موجود ماليزى!
انا شخصيا مسمعتش رقم 40 من اي شركه اجنبيه
لكن بردو ميمفعشي يطول لان الكوتش بيفضل بنقشته لكن بينشف و معتشي بيمسك فرامل و بيبقا زيه زي السيراميك
اما ان الشقوق الي في جمب الفرده بدئت تظهر فكدا الفرده دي سلمت نمره من زمان و ربنا يستها معانا جميعا و انا شخصيا رئيي من 40الي60 كحد اقصي مع الاستخدام الطبيعي
للعلم فقط لا اكتر
و عشان تعرف ان قضي اخف من قضي
فرده ال x5 رن فلات دانلوب بتتباع في مصر ب 5000 جنيه :bigeyes02:
متنساش يا زعيم ان في فرق كبير و محوري بين كندا و امركيا و بين مصر
الا و هو الحراره
هنا في الكويت العرف ان الكوتش بيتغير كل سنتين بغض النظر ماشي كام اصلا
و انا فعلا الكوتش عندي بعد سنه و نص كان انتهي امره و التوكيل هددني اني هيطلعني من الضمان لو مغيرتوش لانه و ببساطه خطر
و فعلا لما الفرد نزلت لقيت حالتهم يرثي لها و كان كل شق اكبر من التاني
طبعا مش كل الناس بتعمل كده و النتيجه ان في شهور الصيف بتلاقي عربيات كتير مركونه و الكوتش بتاعها مسلوخ او حوادث بسبب نفس القصه