عرض للطباعة
كانت عايز أعرف يعمل كام سعرها 2002 -2003 2000cc حاله ممتازه وهيا ولا A4 واهم حاجه موضوع التكييف أحسن احنا طلع عنينا من تكيف A وبعدين احنا معانا A من 11 سنه وكل ميجي الحج يسأل حد من الصنايعيه الي بنشتغل معاهم ان احنا نغيير يقول ان أحسن عربيه عملتها أوبل هي A وان احنا مش حنستريح في 2002 واعطلها كتيره. عايز أعرف راي الاعضاء عن العربيه في موضوع التكيف و الحراره هل بتسخن وايه اعطلها ولا نروح على أوكتافيا وشكرا
سعر العربيه يتراوح بين 52 لحد 60 علي حسب الحاله والفبريكا وحالة الأساسيات بتاعت العربيه
بالنسبه للتكييف ف طبعا تكييفها تلاجه بدون شك بس يكون صح مش ملعوب فيه ولو معموله صيانه تيجي حاجتها الأصليه طبعا زي منتا عارف
ولو قارنتها باوكتافيا هتلاقي فرق كبير في اسعار قطع الغيار الاوكتافيا قطع غيارها ناار بجد ومش متوفره جدا زي توفر حاجة الأوبل
دي معلوماتي علي قدي كده فالأوبل ال2002 2003
انا راكب 98 وبجد ولا سخونه ولا بتاع كانت بتسخن فالأول بس غيرت سربنتينه مع ردياتير بمروحته كله أصلي وفعلا العربيه ممتازه والحمد لله
شكرا كده طمنتني اصلا أنا عندي عقده من تكيف فيكتراa طيب استهلاك البنزين كام معلش هتعبك شوية لو 2000cc
تمام
و انا وجهه نظرى
بالرغم انى راكب ايه
البى شكلها احلى و انعم و كماليات اكتر
دي شهادة نعتز بيها يا خبيرنا والله :)
بالنسبه لاستهلاك البنزين في ال2000 سي سي الأوبل تقريبا الصفيحه بتعمل 160-180 كم
شكرا يا cool manو يا طناني باشا أنا الفكرة بندور على عربيه قويه وتستحمل الشوارع الهباب الصراحه كنت بدور على A4 فلقيت الناس بتتكلم في 85000 للحالة النضيفه ففكرت في الأوبل 2003 خصوصا معانا A من فتره طويله العربيات دي جامده محدش عارف قيمتها احنا العربيه عملت حادته غريبه واحد قطع الطريق الزراعي على الحج وهوا كان سايق على 80km المفاجأه انه كان لودر خارج من طريق جانبي وفارد الكباش فجاب سقف العربيه من عند القايم وتفتح زي علبة السردين والحج مهداش لانه مكنش شيفه كانت الساعه 11 باليل والحمد لله الاصابة كانت طفيفه جدا بفضل الله المهم العربيه كل الحصل غيرنا السقف بس كل حاجه تانيه سليمه يعني مفيش فيها خدش
المهم في عربيات فيكترا 2008 حالات ممتازه بـ 80000 نظمها ايه يعني الفتيس الإيزي ترونيك مشكلته ايه وفيها مشاكل مشهوره ولا بلاش ونخلينا في 2003
تاني حاجه نستفاد من نزول سعر الاوبل هي قيمتها اكبر بكتير من سعرها بدل م التجار بيشتغلونا
لو بتفكر في الفيكترا سي 2008 فنصيحه هاتها مانوال بلاش الايزي ترونيك لانه مش سهل وان كنت بفضل البي مو2003 من وجهه رايي
ربنا يكرمكم و تلاقى طلبك
البحث عن عربية نضيفه بقى زى البحث عن زوجة صالحه
والله معاك حق يا رب يا مسهل على العموم لسه 3 شهور على الأجازه
بالسلامه ان شاء الله
اقتباس:
المشاركة الأصلية كتبت بواسطة tananybasha
والله فعلا احلى كلمة قلتها
ربنا يخليك