السلام عليكم ورحمة الله وبركاته
انا براسل الشركه يوميا وهي شركه صينيه متخصصه في صنع مفاتيح السيارات بمعظم انواعها
وبيتم الاتفاق معها وده ليه حسابات واعتبارات غريبه شويه
وانا بحاول احصل على افضل عرض ان شاء الله
ومن الاعتبارات دي
1- كل ماتزيد الكميه يقل سعر الكيت ولكن في المقابل يزيد الوزن اللي بنحاسب عليه شركه الشحن
وعايزين نوفق ان شاء الله افضل كميه مع افضل وزن وكله لمصلحه الاعضاء ان شاء الله
2- انا بوعدكم ان شاء الله خلال 10 من بكره تكون الحاجه معايا وهابلغكم اول باول.
لان الشركه بتحضر الطلبيه وتبعتها من يوم الى اتنين + شركه الشحن بتاخد من 5 الى 7 ايام ان شاء الله.
وكده بالنسبه للتيدا معرفناش نحقق اي كميه متاحه ولو على الاقل خمسه وللاسف هنستثني ملاك التيدا من الطلبيه دي
وبالنسبه للاسعار كتقدير مبدئي لعدد من 30 ل 35 قطعه هيبقى حوالي
كيت للصني من 55 ل 60 جنيه
والمفاتيح بلوجو لونه فضي ب 35 جنيه
وفي خبر جديد انه متاح بعدد محدود جدا انه حد يطلب الكاوتشه ( rubber pad)
بتاعت الريموت لو بيشتكي منها وهتبقى في حدود من 15 الى 20 جنيه
والحقيقه يا جماعه الاسعار دي ممكن تتغير (-- + 3) بالزياده او النقصان كل ده
هيتضح لما اعرف رسوم تحويل العمله وارسالها عن طريق شركه ويسترن يونيون
وبالنسبه للجوده .. طبعا ده كيت صيني يعني مش هيبقى زي ريموت الباسات ...بس هيبقى قوي ومقبول موضوعيا
وهو ده ان شاء الله الاتفاق النهائي واشهد الله ثم اخواني في المنتدى على ذلك وكل له حق القبول او الرفض
وبخصوص الاضرار والمخاطره لهذه الطلبيه هاتحملها انا حتي وقت التسليم للعضو
وهيتم عرضها على العضو وله حق القبول والرفض
وفي حاله القبول يتحمل المسؤوليه على الكيت
وفي حاله الرفض لا يضايقني ان يرفض شخص الاستلام
ولكن ما يضايقني هو ان اجبر احد على شيئ لايريده
وافضل لي ان اخسر مبلغ من المال ولا اخسر معرفه عضو محترم وثق في شخصي و شخص الاخ العزيز حسين
ويعلم الله تعالى اني لاريد الا تحقيق المنفعه لي واخواني في المنتدى وهي فكره حسين انه يعرض المبدأ على الاعضاء ونشوف رأيهم
والحقيقه الموضوع كان هيمشي اننا هنجيب 10 قطع وتقف الواحده ب 80 جنيه ونوزعهم على بعض انا وحسين وبعض الاصدقاء ولم نتخيل ابدا ان الطلبات هتبقى مشجعه كده
وفي انتظار تأكيد وحصرالطلبات ومكان العضو على الخاص للبشمهندس حسين
مع ملاحظه ان اخر معاد للطلب هو فجر الاثنين غدا ان شاء الله(25 \ 9)
وفي النهايه اتمنى وادعو الله تعالى ان يتم الموضوع على خير
وان يجازي اخي في الله حسين خير الجزاء على مجهوده الرائع وحبه الصافي للاخوه الاعضاء
واتمنى التوفيق لكل الاعضاء
هدانا الله واياكم لصالح الاعمال