عايز اعرف هو ينفع اعمل غرزة وانا ماشى بالعربية بفرامل اليد ؟؟ وياريت توضيح
عرض للطباعة
عايز اعرف هو ينفع اعمل غرزة وانا ماشى بالعربية بفرامل اليد ؟؟ وياريت توضيح
الغرزه هي انك تعدي من عربيه قدامك ويبقي فيه عربيه تانيه جنبك وتبقي ماشي بسرعه نسبيا
لو استعملت فرامل اليد العجل اللي ورا ممكن يقف والعربيه هتعوم وهتبقي بتعلب gta
أوعى تعمل كدة طبعا
دة خطر جدا جدا جدا جدا
غير انها خطر عايزه واحد حرييييييف و تدريب بالعبيط
ولازم تبقى مانوال
الى شوفته واحد بجين تو عاملها على الكرنيش قدام المحروسه راجبلها جنط 17
صراحه و بدون مبالغه كنت هسقفلو برجليا :)))
فيه فرق بين الغرزة و الدريفت
الغرزة اللي هي تيجي من بين عربيتين اي ان كان وضعهم و سرعتك زيادة شوية و تعدي منهم بحركة استعراض تحس انك بتلعب باليه ههههه
انما اللي حضرتك بتكلم عليه ده اسمه دريفت
و ديه بيتعمل مع الملفات و المنحنيات و لازم يكون المكان فاضي و بيبقي خطر لأنه ممكن يقلب العربية و بيبقي ليه تظبيط معين في العربية من تهبيط و عفشة و جنوط و كاوتش و تقويات ...الخ..الخ و طبعا تدريب شهور و سنين
و ممكن يتعمل بين العربيات كغرزة لكن خطررر جداااااا بطريقة فوق الوصف يعني اللي يعلمها لازم واحد زي ما تقول خبيير سواقة الا انها برده بتكون خطر لأنه ممكن في لحظة تبقي كارثة مش عليه لوحده لكن ع كل اللي حواليه لأنك متقدرش تتوقع الحركة المستقبلية من اللي قدامك او ايه اللي يحصل فجأة
و حتي امهر السواقيين لما بيفكروا يعملوا اي لعب بالعربية في اوقات كتيير بيفقدوا السيطرة ع العربية و بتحصل كارثة
عشان كده بنقول السواقة ملهاش كبيير و السواقة عقل
متركزش كتيير مع الافلام الاجنبي لما بيجيبوا حاجة زي كده بين العربيات الموضوع بيبقي زي عرض و بيتعمل عليه بروفات عشان يطلع زي ما بتشوف و هتلاقي العربيات اللي عملوا كده بينها عربيات ماشية بمسافات معينة و سرعة معينة
و هتلاقي اللي انت بتقول عليه ده او يمكن لاقيته فعلا في فيلم
fast & furious tokyo drift
و بالتوفيق ان شاء الله
تماام انا كدة اكييد مش هجربها بس سمعت عنها و افتكرتها معروفة و منتشرة !!!!!!!! شكرا
واحد صحبي عملها و انا راكب معاه
و كنا على 120 ل 130 كدا
دريفت علي 130 يا رااااااااااجل
شيء جنوني انك تعمل كدة
واحتمال كبير جدااااااااااااااا يقترب من 99% انك هتفقد السيطرة على العربية تماما وهتئذي نفسك واللي حواليك أذى كبير جدا !