الموضوع: سؤال فى القروض

المشاركة الأصلية كتبت بواسطة yousef1978

ألف ألف مبرووووووووووك وربنا يتقبل منك ويكفيك بحلاله عن حرامه

والله حضرتك فكرتني بقصة حصلت مع الشيخ الشعراوي رحمة الله عليه

واحد شغال في فندق وبيتعامل مع الخمور وأي حاجة حرام لزوم شغله وكان نفسه يستقيل بس خايف ما يلاقيش شغل

وكان الشيخ الشعراوي عنده ندوة في إحدى قاعات الفندق فالراجل انتهز الفرصة وراح مكلم الشيخ الشعراوي في الموضوع
الشيخ الشعراوي رحمه الله قاله انت يا ابني سمعت الآيات اللي بتقول : بسم الله الرحمن الرحيم { وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) } صدق الله العظيم

الراجل قاله سمعتها بس خايف لحسن ما ألاقيش شغلانة فقلت أنتظر لما أمسك شغلانة الأول

الشيخ الشعراوي قاله يا ابني انت عاوز الآية تتطبق بالمقلوب مش هينفع، ربنا قالك اتقيه الأول وبعد كده ييجي المخرج مش تستنى لما ييجي المخرج ويعجبك وبعد كده تبقى تتقي ربنا

الراجل اتوكل على الله وقدم استقالته وبيحكي وبيقول إن إدارة الفندق رفعت الاستقالة للشركة الأم بالخارج فبعتوله إنهم أنشأوا فندق تابع للشركة بالمدينة المنورة ومحتاجين مديرين هناك في جزء معين في الفندق وممكن الوظيفة تناسبه

وفعلا ربنا كرمه وانتقل من وسط الخمور والعاهرات لأقدس بقاع الأرض وبدرجة وظيفية أعلى

ربنا هب لنا من لدنك رحمة وهئ لنا من أمرنا رشدا






.

صدق الله بسم الله الرحمن الرحيم { وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) } صدق الله العظيم