عرض للطباعة
انا لسة مستلم العربية امبارح وخوفت اسيبها فنزلته فى الجراج بضهرى وانا نازل كنت هخبط فى الحيطة وكنت هشيل الالرفرف الشمال بس ربنا ستر وعدلت نفسى المهم لنا كنت هخبط كنت عايز اطلع بالعربية من الجراج فدوست بنزين جامد لقيت العربية مش هادرة تطلع فروحت مكمل على ورا لغاية المهم وانا نازل حاولت اطلع بالعربية من الجراج معرفتش
فهل فى مشكلة فى سواقتى ولا العربية عشان لسة التلين بتعمل كدا؟؟؟
لأ إنت بس مش متعود على العربيه وظبطه البنزين والدبرياج مع بعض فمش عارف تطلع
شكرا
هى العربية دفع خلفى ولا امامى ؟
وهل التعشيق على التانى وهى واقفة بيوقف العربة زى العربيات القديمة ؟
التعشيق على التاني يوقف أي عربيه بس الأفضل تستخدم الهاند وخلاص
واللوجان أمامي طبعا
عشق واطلع وخلى حد يحط ورا الكاوتش طوبة عشان لو فلتت منك متخبطش فى الحيط
انا خايف لحسن تريح على اللى بحط الطوبة وتعوره .
الغريب انى لما عشقت وانا على المطلع وبطلت العربية جريت منى ووقفتها بالهاند بريك
بص لحد ما تتعود إديها بنزين زيادة وأول ما تحس هتقطع زودت دوسة الدبرياج سنه وإيدك عل ىالهاند لحد ما تطلع
عشقها على الأول المفروض تقف لو على مطلعاية مش جامدة
انا عربيتى وقفتها على منزل جامد و عشقت اول و ميشت سنة صغيرة
لازم الهاند بريك
و بالنسبة لأنها مش قادرة تطلع دة مستحيل
انت بس ظبط رجلك و دوس بنزين جامد متقلقش و شيل رجلك شوية شوية من على الدبرياج
بص شد الهاند جامد و بعدين هات اول عادى جدا و الهاند مشدودة و دوس بنزين اكنك حتطلع بس دوس جامد و شيل سنة سنة دبرياج لغاية لما تلاقى العربية خلاص انت محمل عليها جامد و قوم منزل الهاند حتلاقيها طلعت ان شاء الله
يارب يريت يكون الموضوع سهل ....
انا بس عشان العربية جديدة خايف ازود بنزين باختصار بطبطب عليها
مشكلة دبرياج اللوجان العالي...... شد الهاند.. دوس بنزين 1200 rpm مثلاً ... هات أولاني... شيل رجلك من على الدبرياج سنه سنه لحد ماتلاقي العربية هتقوم... نزل الهاند و هتلاقيها طلعت إن شاء الله
و الله أعلم
في رعاية الله
على فكرة أنا بمشي باللوجان لغايت ما أرفع رجلي عن الدبرياج خالص من غير ما أدوس بنزين
اعذرني ده عيب سواق
وخوفك الزياده علي العربيه هيخليها تتخبط خاف عليها في حدود المعقول
انت بس جمد قلبك في المطلع وشد الهاند واول ماتيجي تتحرك نزل الهاند وزود بنزين
بص يا باشا انت تقدر تتحرك بالعربية دبرياج بس لو على ارض مسطحة و مفيهاش مطالع غير كدة لازم تساعد بدوسة البنزين
مش معنى ان العربية جديدة اني مدوسش بنزين وانا طالع هو سامحلك تقصر على العربية لحد 3500 لفة او 130 كم/ساعة علما بان العربية جاية متلينة من المصنع و علما بان لو عملتها مثلا مرة مش هتأثر على العربية ولا هتبوظها
ربنا يكرمكم هاحاول انشاء الله واقولوكم
ربنا يستر.
متقلقش يا باشا العربية زي الفل و لو مقلق خلي سايس الجراج اللي يطلعهالك و هتشوفها هتطلع ازاي
انا في جراج في اسكندرية في خالد ابن الوليد زاويته حادة جدا و دخلته على قد العربية بالظبط بدون مراية يمين و نزلتو و طلعتوا عادي جدا اكثر من مرة =))
خدها واحدة واحدة كدا علي الهادي
انا اول مرة اسوق في حياتي كنت بتعلم في ملعب فاضي كدا بس طلعتة عالية جدا
وكانت عربية 131 1300 وطلعت كانت هتبطل بس لحقتها وشلت رجلي من علي الدبرياج خالص ودست بنزين جامد فا طلهت فلة وجمان العجلة لفة مرة ولا 2 علي الفاضي
اطلع بالدبرياج بس علشان تتعود
اقف فى حته فاضية وهات اول و ارفع رجلك من على الدبرياج سنة سنة من غير بنزين طبعا .. لحد ما العربية تبدا تتحرك
وثبت رجلك حتلاقى العربية سرعتها بتزيد شوية وبعد كدة دوس بنزين .. لو على مطلع لازم تدوس بنزين بزيادة شوية
والحركة دى حتخليك تحفظ النقطة اللى بتتحرك فيها العربية
و على فكرة اللوجان وهى قبل التليين بتكون مكتومة شوية وبتفوق واحدة واحدة لا تقلق
والف مبروك وربنا يبارك لحضرتك فيها
اقتباس:
المشاركة الأصلية كتبت بواسطة ringoo
زى ما قال اﻻستاذ الفاضل لحضرتك
اللى بيحصل ان حضرتك بتتوتر فبدوس بنزين جامد واكيد مش بترفع دبرياج كويس فالعربية بتحرق على الفاضى ﻻنك موصلتش لنقطة الفصل
خصوصا ان دبرياج اللوجان واطى حبتين
حضرتك
اعمل اللى هقولك عليه من غير طوبة وﻻ تنده حد وﻻ بتاع
ادى الغيار اﻻول ونزل الهاند بريك عادى وتبقى دايس دبرياج وفرامل (مش بنزين)
ارفع دبرياج لغاية ما تقرب لنقطة الفصل
تعرفها ازاى؟
هتلائى العربية رعشت وكانها هتبطل
ساعتها ثبت رجلك دبرياج وارفع من على الفرامل وانت مطمن
صعب جدا ان لم يكن مستحيل انها تريح لورا
بكل هدوء
رجلك اللى رفعتها من على الفرامل وديها للنزين دوسة بسيطة هتلائى العربية بدات تتحرك
ارفع بعديها دبرياج عادى
وحمد الله على السلامة :)
شكرا لمساعدتكم ...
بس انا هاحاول بكرة عشتان تفضل فى الجراج لغاية مرخص .
بس انا مش عارف بكرة(السبت) فى مرور ولا لا؟؟؟
بص يا باشا عندي استفسار
هو الجراش مفيهوش حتة عدلة؟؟ كلة ميل ولا اية؟؟
لية متطلعش بالعربية من المنطقة المسطحة ومتقفش عند اول المطلع خليك دايس بنزين
انا حصل معايا نفس الموقف بنفس تفاصيله اول ما اشتريت العربية .. فسبحان الله ولكنى ضغطت بنزين جامد والعربية تمام التمام وزى الفل
هى فكرة الهاند بريك افضل فكرة بالنسبة لك لانها بتمنع العربية من انها تريح لورا .. وعلى فكرة الطريقة دى سهلة جدا بس انت تخلى الار بى ام يعلى شوية وتنزل الهاند بريك واحدة واحدة لحد ماتلاقيها بتتحرك معاك .. والف مبروك على العربية
أنا الموقف ده حصل معايا في مرور التتجمع لما كنت بمتحن
و أنا على المطلع اللي قدامي وقف بدون مبرر و أنا وقفت (على المطلع) جيت أطلع بالعربية لقيتها بتريح لورا رحت كابس بنزين قوي ..راحت فاركة جامد..... العسكري اللي واقف قاللي "ارزع يا باشا" :d :d :d :d
Dddddddddd:
ارزع ياباشا هههههههههههه
هو الفكرة ان الحتة المستوية فى الجراج يدرب اد العربية فمفيش حتة اخد فيها سرعة فهمنى؟
خلى حد يطلعهالك بدل ماتخبطها ... وبعدين لما تطلع جرب وخد عليها تماما واتعود عليها على الاخر ,,,, وانزل و اطلع براحتك بعد كدة
++++++++++1اقتباس:
المشاركة الأصلية كتبت بواسطة isso
لحد ماتحس ان الازاز بيترج شيل فرامل حتلاقى العربية طلعت لقدام بعد كده دوس بنزين
طلعت يارجالة طلعت الحمد لله
وروحت رخصت النهارده
هو الموضوع كان عايز شوية بنزين عشان كنت خايف اوى على العربية فمكنتش بدرس بنزين كويس.
المهم لما روحت ارخص وبوريهم صورة التوكيل اللى بعت بيه الادا قالولى بردة لازم تدفع ضريبة ترفية:majd(4)::_Alshmokh08[1]:
ليه بقى ؟؟
وبعدين لو اللى اشترى منى العربية لو عمل بها مصيبة مين اللى بيبقى مسؤل انا ولا هو على اساس ان المرور كده شايف ان معايا عربيتين
يا باشا للأسف حضرتك لو حصل حاجة بعربيتك القديمة اللى بعتها قبل ما صاحبها الجديد ينقل ملكيتها لية المرور هيجيبك أنت ويسئلك وأنت المسئول قدامهم لغاية ما توريلهم صورة التوكيل وهو دة اللى بيثبت برئتك مما هو منسوب أليك ويفضل يكون معاك عقد بيع أبتدائى بينك وبينة وأيضا محضر أستلام السيارة ودية ورقة بتعملها بينك وبينة مش فى القسم علشان تضمن انة أستلمها رسمى وبيمضى عليها ويتحمل بها كافة المسئوليات المادية والقانونية .ولو مش معاك محضر الآستلام دة بردة ربنا يستر أولا واخيرا وكفاية التوكيل وعقد البيع الآبتدائى اللى بينك وبينة وعلشان كدة فى ناس كتير بتشترط التسجيل علشان يريحوا نفسهم من وجع الدماغ دة . بس كل دة بيخلص مع مرور الوقت بعد ما الرخصة مدتها تخلص صاحبها بيروح المرور وغصب عنة بينقل ملكيتها لية وأسمك يتلغى من المرور بخصوص ملكيتها ولغاية ما دة يحصل ربنا يسترها معانا كلنا لآننا كلنا فى الهوا سواء وماشين بستر ربنا علينا .اقتباس:
المشاركة الأصلية كتبت بواسطة drsemba
+1
زى ما أ / Abdm قالك
الفيصل قانوناً هو نقل الملكية و التوكيل لا يقوم بذلك
انا حتى معملتش عقد بيع ابتدائى ؟
انا اللى اعرفه عقد البيع بيضمن فلوس البائع والمشترى و صالح لمدة شهر مش اكتر
ياجماعة فيه حاجة اسمها استلام سيارة مدني وجنائياقتباس:
طلعت يارجالة طلعت الحمد لله
وروحت رخصت النهارده
هو الموضوع كان عايز شوية بنزين عشان كنت خايف اوى على العربية فمكنتش بدرس بنزين كويس.
المهم لما روحت ارخص وبوريهم صورة التوكيل اللى بعت بيه الادا قالولى بردة لازم تدفع ضريبة ترفية:majd(4)::_alshmokh08[1]:
ليه بقى ؟؟
وبعدين لو اللى اشترى منى العربية لو عمل بها مصيبة مين اللى بيبقى مسؤل انا ولا هو على اساس ان المرور كده شايف ان معايا عربيتين
عشان تبقى إنت اخليت إيدك من العربية خالص
وعشان الكلام ده فيه ناس بتشترط التسجيل عند البيع