حصريا لنايل موتورز : اول تقرير مصور عن السيارة mg 350
بسم الله الرحمن الرحيم
النهاردة ان شاء الله جايبلكو شوية صور عن العربية وتقرير بسيط يارب يبقى فيه افادة كبيرة للي بيفكر يشتري العربية دي
مبدأيا داخل على المعرض لقيت العربية دي منتشرة في المكان قولت الحمد لله هشوف كل الفئات اللي موجودة واتضح انها فئتين بس
اللي لفت نظري كمان ان المعرض بيعمل test drive للعربية بدون حجز مسبق بس للاسف مكانش في وقت اني اجرب العربية لاني كنت مستعجل شوية :majd(4):
نيجي للعربية من جوة اول ماتفتح الباب تحس انه تقيل في الفتح ود بسبب الصاج الجامد في العربية بس لما تيجي تقفله يتقفل بكل سلاسة وسهولة بدون رزع
مبدأيا العربية من برة جميلة ودي ازواق طبعا .. من ورا ناحية الفوانيس تحس انها شبه الكروز شوية ومن قدام شكلها جميل بس في حتة في الكابوت شبه السيراتو قوي اللي هيا واخدة سحبة مع المراية في الجنب
نيجي للقاعدة جوة :
بالنسبة للتقفيل والخامات هيا خامات جيدة واحسن بكتير من اي عربية صيني في مصر وخاماتها بتفكرني بالفيات بونتو ايفو في نفس جمالها وبساطتها + ان التقفيل كمان ممتاز جدا بالنسبة لسيارة صيني ولو قارنة بينها وبين الالنترا الجديدة نلاقي ان التقفيل والخامات متقاربة جدا
الامكانيات :
ودي بتختلف من اول فئة للتانية والاساسي منها هو تكييف وباور وسنتر ومرايات كهربة وكاست سي دي + 2 ايرباج + abs - ebd -cbc في الفئتين
بزيادة بعض الكماليات في الفئة العالية زي فتحة سقف كهربة + كرسي السائق كهربة + مالتي فانشن + فرش جلد + خشب ابانوس في الباب والتابلوه والكنسول اللي في الوسط + جنوط سبور 16 مع كاوتش 205-55
الموتور :
الحقيقة مجربتشو وكان نفسي بس زي ماقولت الوقت مأسعفنيش
هو 1500 سي سي 107 حصان عن 6000 لفة في الدقيقة و عزم 135 نيوتن عند 4500 لفة في الدقيقة
والان مع الصور للوحش الصيني الانجليزي الجديد : :
دي من قدام
http://www.m5zn.com/uploads2/2011/9/...av9pf1e85b.jpg
دي من الجنب
http://www.m5zn.com/uploads2/2011/9/...4r7sawhjy8.jpg
فوانيس الكروز هههههههههههههههه
http://www.m5zn.com/uploads2/2011/9/...eh4d6o21kr.jpg
صورة من الخلف للفئة الاقل
http://www.m5zn.com/uploads2/2011/9/...5v44ys4hd6.jpg
من الجنب للفئة الاقل
http://www.m5zn.com/uploads2/2011/9/...43c4e2v0dy.jpg
دي السحبة اللي قولت عليها
http://www.m5zn.com/uploads2/2011/9/...44d74tj67x.jpg
مخرج كهربة خلفي
http://www.m5zn.com/uploads2/2011/9/...owwk4llzqk.jpg
الباب الخلفي ( سماعة وتويتر)
http://www.m5zn.com/uploads2/2011/9/...eho3ttopvz.jpg
الباب الامامي (بردو سماعة وتويتر)
http://www.m5zn.com/uploads2/2011/9/...pjp2bdl7ry.jpg
دي السماعة في الباب الامامي
http://www.m5zn.com/uploads2/2011/9/...krilb17dh2.jpg
الفتيس الاوتو والكونسول (خشب ابانوس)
http://www.m5zn.com/uploads2/2011/9/...y7cxfswv9b.jpg
مخرج يو اس بي (aux)
http://www.m5zn.com/uploads2/2011/9/...q87d374b5u.jpg
الطارة المالتي فانشن والعدادات
http://www.m5zn.com/uploads2/2011/9/...ydd71fpxt3.jpg
الكاسيت والتكييف والتابلوه
http://www.m5zn.com/uploads2/2011/9/...9565x2d01q.jpg
فتحة السقف الكهربة
http://www.m5zn.com/uploads2/2011/9/...fqsvyna619.jpg
زراير تحكم في كرسي السواق
http://www.m5zn.com/uploads2/2011/9/...93f1uq171p.jpg
الشنطةhttp://www.m5zn.com/uploads2/2011/9/...gkdtxwb9lt.jpg
الموتور والحوض
http://www.m5zn.com/uploads2/2011/9/...9mp1ahwlm1.jpg
جنوط 16 (فرامل ديسكات ورة وقدام)
http://www.m5zn.com/uploads2/2011/9/...d1oswx8fh8.jpg
المساحة الداخلية http://www.m5zn.com/uploads2/2011/9/...70wrwwqtjj.jpg
يارب التقرير يكون عجبكم
