:::اتفاقيه السيارات الليبيه:: Bmw 523 2008 ب100 الف جنيه فقط؟؟ ارجو الافاده

**dramir1** · 22-09-2011 05:47 PM

الكلام دا اللي قاله واحد عامل اعلان عن عربيه ليبي فانا عايز اعرف ازاي ؟؟؟

هل يبنفع تشتري عربيه ملاكي ليبيا وتمشي بيها في مصر بتوكيل من الليبي صاحب العربيه"توكيل بيع للنفس والغير والتجديد والترخيص".
وكل سنه تدفع الضريبه في جمرك السلوم.
ولو حبيت تنقلها باسمك تدفع جماركها وكأنك صاحب العربيه.
وبيقول ان في اتفاقيه بين مصر وليبيا زي دول التعاون الخليجي؟؟؟ حد سمع عن الكلام دا؟

....الكلام دا صح ولا غلط؟؟؟ وهل في اي شروط مختفيه؟

طيب لو الواحد مات في اي وقت ..الورثه ازاي يستفيدو من العربيه وهي مش باسمي؟؟

ارجو الافاده من اهل الخبره ...

**mohd2** · 22-09-2011 08:41 PM

مفيش الكلام ده علي حسب علمي
هو يمكن بيعملك توكيل ادارة وبيع لنفسك او للغير وده يديك الحق تتحرك بيها بس مش عارف الكلام ده يمشي معاها لأنها جمرك ولا لأ ولو حبيت تبيعها ليك بتدفع الأول الجمرك وهي بأسمه يعني كأنه هو دفعه وبعدين تبقي تشتريها
يعني العربية بتاعته وملكه وملكش فيها غير لما يجمركها تقدر تبيعها لنفسك
وعلي حسب علمي لازم يبقي هو موجود في اجراءات جمركتها
وارجو ان يفيدك اعضاء اكثر خبرة

**party_0000** · 22-09-2011 09:06 PM

التريبتك معروف في مصر من اي دوله العربيه بتقعد بالكتير 6 شهور ولازم تتطلع تاني وتدخل بعد 6 شهور ولو عاوز تتملكها تدفع جمركها غير كدا اي كلام عند عبدالسلام
ملحوظه ممكن تنزلها بعد اققل من 6 شهور من بره لو دخلت باسم واحد تاني في دفتر التريبتك اخ عم اب كدا يعني

**samyamar** · 24-09-2011 10:47 PM

انا كمان واحد عرض عليا عربيه مرسيدس عيون موديل 1998 e200
وسعرها 70000 ج سبعين الف جنيه
ودى سعرها فى مصر ما بين 150 الف الى 160 الف
وقالى نفس الكلام ده
ان العربيه داخله مصر عن طريق الاتفاقيه الليبيه
والاتفاقيه تعنى ان اى حد ليبى يدخل مصر بعربيته من غير جمرك لمدة عشر سنين وبيجدد الترخيص كل سنه والتجديد للمرسيدس 8 الاف جنيه فى السنه الواحده وصاحب العربيه الليبى بيعمل توكيل تتحرك بيه ولازم يكون من صاحب العربيه نفسه ما ينفعش توكيل من توكيل ولو عايز تنقل ملكيه باسمك تدفع الجمرك
لكن انا مش مطمئن
يا ريت حد يكون جرب الشراء بالنظام ده ويطمنا

**SYD** · 24-09-2011 11:20 PM

طب وحضرتك محير نفسك ليه ؟؟؟
العربية ال BMW 523i موديل 97 بتعمل في مصر وملاكي القاهرة او الجيزة حوالي من 80 الي 110 يبقي ليه عايز تدخل نفسك في حوارات وكلام من دة

انما المرسيدس ليه حق يسأل لأنها بالسعر دة صفقة

والله المستعان
،
،