انا خايف من تكييف الكارينز ، مش عارف اجيبها ولا لا !!!!!!؟

عرض للطباعة

22-09-2011, 10:17 PM
pppay

انا خايف من تكييف الكارينز ، مش عارف اجيبها ولا لا !!!!!!؟

السلام عليكم ورحمه الله
انا محتاج الكارينز بشدة بس خايف من التكييف بيقولوا ضعيف وبيضعف فى الزحمة وبيخلص البنزين
وانا الصراحة اهم شىء عندى التكييف لانى فى صعيد مصر وانت عارفين الحرارة عاملة ازاى (نار) ..

وبيقولوا بتاكل بنزين كتير ، قد ايه بالضبط ؟

وبيقولوا ساحبها بيضعف جداً مع التكيف كأنى مشغل التكيف فى الاوبل 97 ، حاجة تخوف الصراحة !!
فانا الصراحة خايف من كل الحاجات دى يا ريت حد يرسينى فالحوار ده بالله عليكم

ولو فيها مشاكل تانى قولولى عليها

وهى تقفيل مصرى ولا جاية من بلدها ؟؟

احتاج ردودكم على وجه السرعة ، وجزاكم الله خيراً :majd(4):
22-09-2011, 10:20 PM
pppay

انا قرآت كل المشاركة المختصة للكراينز تقريباً
ومش قادر احدد خااااالص -حائر جداً-
22-09-2011, 10:27 PM
pppay

خلاصة الكلام أجبها ولا لآ ؟؟
ارجوكم حد يرد عليا
23-09-2011, 07:41 AM
noda007

جيبها عربية ممتازه وتكييفها تلاجه والى قال غير كده يبقى مش بيفهم هى معايا بقالها سنه موديل 2010
23-09-2011, 10:01 AM
MOUSTAFA_SAAD

ashouhdy لسه شاريها من شهر وكيل هاى لاين ابعتله رساله واساله
23-09-2011, 11:32 AM
aminibrahim

معانا في اسوان انا وواحد صاحبي انا سيراطو وهوكارينز ودرجة الحراره في الصيف بتيقي من 40 الي 48

وهومخنوق منها لانها تقيله علي الموتور

هي فيها ميزه عائليه وواسعه وعفشه ناعمه
23-09-2011, 02:47 PM
romioramy

يا باشا هتها بقلب جامد و ماتخفش من التكييف و زي الثلاجة و في قمة درجات الحرارة زي الفل ماتخفش خالص ... انا العربية جايبها من 26/2/2011 و ماشاء الله زي الفل .

و بالنسبة لموضوع الشد و الثقل مع التكييف هيا فعلا بتتقل بس مش بتموت يعني ,,, قصدي لما ادوس عليها شوية بتعمل كيك داون و بتقلب لانش يا معلم و تجري و لو مش عايزها اتوماتيك خليها علي الستب ترونيك و ببتجري يا باشا و تسحب عشرة على عشرة .

و أي حد يحس انها تقيلة مش بتجري يبقي مش عارف يتعامل معاها ... صدقني بتعلب كيك داون 100 100 و و تقدر تسقط غيارات و تجري بيها و للأسف اللي مش عارف الحاجات ده هيحس فعلا انها تقيلة و مش بتجري خالص.

اشتريها بقلب و لا تتراجع
23-09-2011, 02:52 PM
romioramy

اه موضوع البنزين هيا بتستهلك حوالي من 10 إلى 12 لتر بنزين في 100 كم بالتكييف يبقي على 12 و لو من غير التكييف يبقي على 10 لتر .

معقولة مش عالية اوي و خلي بالك ان كل الجديد كده 10لتر / 100 كم

و كان معايا جين 2 و كانت كده برده .

و ربنا يوفقك و يهديك للاختيار اللي فيه الصالح
23-09-2011, 02:52 PM
ashouhdy

100 100 على اللى قالولك الحمد لله عشان محدش يشتريها ومتنتشرش :)))
23-09-2011, 03:21 PM
gazzar91

أنا مش من الملاك بس هقولك على موقف
عميلة كانت مبوظة مفتاح الطوارئ بتاع التانك... العربية نزلت الورشة (كانت مشغلة التكييف) و قعدت في الورشة مبطلة ييجي نص ساعة أو أكتر.... بفتح الشنطة...... حسيت ببرودة و استغربت قوي.... عربية كبيرة زي دي و تكييفها واصل لكده؟؟!!!!

الخلاصة
التكييف أكثر من رائع
السحب وحش بس بيتحسن بعد أول صيانة علشان البوجيهات بتبقى مقفولة و بيفتحوها في التوكيل
استهلاك البنزين شوية عالي بس شوف حجمها قد ايه

و الله أعلم
في رعاية الله
23-09-2011, 03:36 PM
ashouhdy

طب الواحد يتأكد منين انهم فتحوا البوجيهات دى ؟؟؟؟؟ لأنى معتقدش انهم عملوا معايا الحركة دى
23-09-2011, 04:02 PM
gazzar91

اقتباس:

المشاركة الأصلية كتبت بواسطة ashouhdy

طب الواحد يتأكد منين انهم فتحوا البوجيهات دى ؟؟؟؟؟ لأنى معتقدش انهم عملوا معايا الحركة دى

روح قلهم العربية مابتسحبش.

في رعاية الله
23-09-2011, 04:21 PM
ashouhdy

تسلم ياباشا
23-09-2011, 04:26 PM
pppay

جزاكم الله خيراً واحسن اليكم
23-09-2011, 08:51 PM
pppay

طيب يا جماعة ايه رايكم فى الى ب 115الف ج دلوقتى الى هى اقل سعر فى الكارينز (منوال)
هل هى اقل جودة فيهم ؟ (لانى انا مش عايز الاوتوماتيك ومش فارق معايا النواكل والايه بى اس )

وجزاكم الله خيراً ..
أه صحيح : هل يوجد فتحات تكييف للكنبة الخلفية (الكنبة الى خلف السائق زى الصنى الجديدة موجودة فى المسند الى بين السائق والراكب الامامى من ورا ) -يارب اكون قدرت اشرحها- ..

يعنى الموتور مش صغير على حجمها -معلش استحملونى الوسواس زانن على الاخر فى دماغى-
23-09-2011, 10:16 PM
ashouhdy

بص ياباشا .... طالما الوسواس دخل يبقى محدش حيعرف يطلعة ولو جالك رئيس شركة كيا نفسها .... انا شايف انك مش مستريحلها و مفيش ود نفسى بينكم يبقى ابعد عنها بدل ماتفضل تروح و تجيب جوا نفسك

------ العربية اولا و اخيرا ارتياح نفسى ----
23-09-2011, 10:28 PM
ashouhdy

شوف سعادتك دة تقرير عن العربية ممكن يفيدك

http://www.nilemotors.net/Nile/246224-2000.html
23-09-2011, 10:59 PM
pppay

شكراً أخى على ردودك الوفيرة ، وانا بجد مستريحلها والله بس قلقان من كلام الناس !!

ولو سمحت اجب على هذا السؤال :
طيب يا جماعة ايه رايكم فى الى ب 115الف ج دلوقتى الى هى اقل سعر فى الكارينز (منوال)
هل هى اقل جودة فيهم ؟ (لانى انا مش عايز الاوتوماتيك ومش فارق معايا النواكل والايه بى اس )

وعلى هذا ايضاً :

هل يوجد فتحات تكييف للكنبة الخلفية (الكنبة الى خلف السائق زى الصنى الجديدة موجودة فى المسند الى بين السائق والراكب الامامى من ورا ) ؟

وجزاكم الله خيراً أخوانى الكرام
23-09-2011, 11:01 PM
pppay

اقتباس:

المشاركة الأصلية كتبت بواسطة ashouhdy

شوف سعادتك دة تقرير عن العربية ممكن يفيدك

http://www.nilemotors.net/nile/246224-2000.html

انا بالفعل قرآت هذا المقال الرائع الصادق -احسبه- جزى الله فاعله خير الجزاء
24-09-2011, 07:50 AM
ehab_osman

تقرير د. شهدي عن كيا كارنيز .................. هو أحسن وأفضل ما قيل عن كيا كارنيز ؟؟؟

اقتباس:

المشاركة الأصلية كتبت بواسطة pppay

انا بالفعل قرآت هذا المقال الرائع الصادق -احسبه- جزى الله فاعله خير الجزاء

تقرير د. شهدي عن كيا كارنيز .................. هو أحسن وأفضل ما قيل عن كيا كارنيز ؟؟؟
أم عن استهلاك البنزين عن نفسي الاستهلاك بيدور حوالين 9 كم .... 10 كم لكل لتر بنزين.
التكييف حلو ما شاء الله + لو العربية مركونة في الشمس 7 / 8 ساعات ........ طبعي التكييف حياخد وقت حتي يعطيع درجة البروده المطلوبة ؟؟؟؟؟؟؟؟؟؟؟؟؟
لا يوجد فتحات تكييف للكنبة الخلفية ؟؟؟؟؟؟؟؟؟ والتكيف بيوصل للخلف بكفأءة عالية .
24-09-2011, 09:07 AM
HOSSAM99

اقتباس:

المشاركة الأصلية كتبت بواسطة ehab_osman

لا يوجد فتحات تكييف للكنبة الخلفية ؟؟؟؟؟؟؟؟؟ والتكيف بيوصل للخلف بكفأءة عالية .

يعني مفيش فتحات تكييف تحت الكراسي الأماميه !!!!!!!!!!!!!!!؟؟؟
24-09-2011, 08:05 PM
ashouhdy

فيها فتحات تكييف تحت الكراسى الأمامية
24-09-2011, 11:01 PM
ehab_osman

فيها فتحات تكييف تحت الكراسى الأمامية

اقتباس:

المشاركة الأصلية كتبت بواسطة ashouhdy

فيها فتحات تكييف تحت الكراسى الأمامية

+1