غيرت طقم سيور فقلت اقولكم التجرية ؟
عربيتى افيو عامله 55 الف وكانت داخله على تغيير السيور وكمان رحت اسال الميكانيكى على رجه فى العربية بتيجى على الاولانى فقالى العربية عايزة طقم دبرياج؟
المهم انا اتكلت على الله ونزلت جيبت قطع الغيار الاتية
سير كاتينة اصلى gates بيقعد لحد 60 الف كيلو ب 85 جنيه
سير دينامو gates ب 70
شداد السير ب 190 gates
بلية الكاتينة كندى ب 170
فلتر بنزين ب 45 جنيه g.m
فلتر تكييف كورى ب 70 جنيه
طقم الدبرياج بكام اسطوانة وديسك وبلية g.m بعد المعافرة والفصال فيه اخده ب 690
المهم طلعت على الميكانيكى بتاعى فالصنايعى اللى بيشتغل قالى طقم الدبرياج مش سئ اوى للدرجة انه يتغير بدرى كده ممكن الرجرجة دى امشى بيها عادى طالما انها مش فى كل وقت وفى الزحمة بس فقلت خلاص استنى عليه شوية وشيلته معايا خاصة ان مصنعية تغيره لاقتها عالية وانا كنت شطبت الفلوس
وغيرت السيور بمصنعية 150 جنيه
دى خلاصة التجربة بالاسعار وبكل حاجه للإفادة العامة
والسلام عليكم ورحمة الله وبركاته
