الموضوع: مساعدة لتخفيض صوت شكمان لانسر شارك - سبورت

السلام عليكم جميعا
معايا لانسر شارك 2008 سبورت -
[overline]اللى عارف العربية دى أكيد عارف إن ليها صوت مميز(رياضى)[/overline]
فيه شباب كتير بيدوروا إزاى يغيروا صوت الشكمان (يزودوه)

أنا عايز مساعدة من أهل الخبرة والعلم إزاى أقدر أهدى أو أخفض صوت الشكمان فى عربيتى
الشكمان عندى سليم وكل شيىء والحمدلله سليم 100% وفبريكة بس الصوت ده مضايقنى .
إزاى ألغى هذا الصوت اللى بيظهر مع الضغط على دواسة البنزين.
مع العلم إنى مش عايز أركب علبة عمولة يدوى.
أنا قولت أعرض مشاركتى دى فى الباب ده لإن أكيد فيه ناس عندها خبرة كبيرة وعلم فى ميكانيكا السيارات.
وألف شكر ليكم جميعا.

المشاركة الأصلية كتبت بواسطة moataz59

............................*
ألف ألف شكر على إهتمامك
هو فى بعض الحلول الجزئية بس أنا ماجربتهاش - قريت عنها فقط فى بعض المنتديات الخاصة باللانسر ال ex - أعتقد إنها منتديات لدول من شرق أسيا.
المهم الاقتراح الأول هو إنى أشيل قطعة الإسفنج المثبته (ملصقة) على فلتر الهوا
والحل ده اللى جربوه بيقولوا إنه خفض الصوت شويه !!
الإقتراح التانى إنى أركب على ذيل الشكمان muffler silencers
وأعتقد إن ده عامل زى حكاية كاتم صوت المسدس (نفس الفكرة يعنى)
والمفروض كمان إن ده مالوش أى تأثير على أداء موتور العربية.
مش عارف رأيك إيه فى الكلام ده
أنا لاجربت ده ولا ده - فكنت عايز آراء خبراء السيارات زى حضرتك يفيدونى .
كمان أنا مش عارف أين يباع الــ muffler silencers
وعلى فكرة بالنسبة لصوت الموتور المايفك فهو هادىء جدا جدا - الصوت بيطلع من الشكمان

أنا طبعا مش خبير فى هذا المجال (هندسة السيارات) - لكن حبيت أوضح اللى أنا بأسمعه عبارة عن إيه بالضبط
وشكرا على تعاونك

................................................*

بصراحة كنت متوقع تفاعل ومشاركات تفوق هذا بمئات المرات من أهل العلم فى مجال ميكانيكا السيارات ومن لهم خبرة فى مجال تعديل السيارات بشكل علمى وآثار هذه التعديلات على أداء موتور السيارة بغض النظر عن نوع السيارة.