قبل ما ادخل فى الموضوع
احب اوجه شكرى لكلا من
شكر خاص الى الاستاذ هانى مبارك رئيس خدمة مابعد البيع فى كل محطات مودرن على اهتمامه وعلى توصياته على حل مشكلتى
شكر خاص الى مدير محطة مودرن الدقى الاستاذ خالد على ذوقه وعلى اهتمامه
شكر خاص الى المهندس الخلوق والمحترم والمخضرم المهندس رانى اللى حل واكتشف مشكلتى
شكر خاص الى مديرة خدمة العملاء الاستاذة الخلوقة النشيطة الاستاذة هبه فى موردن ابورواش
على تعبها معى فى مشكلتى والاتصالا وتسريع ارسال قطعة الغيار من المصنع لان المصنع بعت وجاب قطعة الغيار من اليابان
ده غير تعاونها معايا دايما فى حل مشاكل الاعضاء فى موردن
ومش بتقصر ابدا معانا بصراحة
ياريت بامانة كل اللى شغالين فى خدمة العملاء يكون بالكفاءة والاخلاص والتفانى فى حب العمل زى الاستاذة هبه
.. وبنتمنى لها مزيد من التقدم
وطبعا بشكر التيدا حبيبة قلبى اللى صبرت معايا فى اللف على المراكز كلها عشان احل مشكلتها
وصبرها معايا عشان كانت بتبات من غيرى فترات كبيرة كانت بتوصل الى 10 ايام
يا حبيبة يا تيدا .. ان شاء الله ادلعك وافسحك خروجة حلوة على اسكندرية قريب ونتمشى على الكورنيش او نروح مع بعض العين السخنة
هو انا عندى اغلى من حبيبة قلبى تيدتى
ندخل بقا فى المشكلة
ده لينك الموضوع القديم اللى كنت عمله عشان تعرفوا المشكلة ابتدت ازاى ولفيت وروحت فين وفين واكتشفنا حل المشكلة ازاى
المهم بعد قراءة الموضوع والمشكلة فى اللينك السابق
قطعة الغيار وصلت والحمد لله وركبتها .. وهى اللى كان منها المشكلة .. والقطعة كانت كنترول الabs .. وفعلا جت من بره لان مينفعش يركب عليها اى كنترول .. لازم يتبعت تتجاب بالبرت نامبر بتاع العربية
وفعلا ركبناها وفى الاخر الحمد لله المشكلة اتحلت ومبقتش سامع صوت الرنة اللى كانت بتظهر معايا على السرعة القليلة مع الغيار الاول والتانى لما بتكون العربي باردة الصبح
وسالتهم هل ممكن يرجع تانى الصوت ده ولالا .. لانى اشتريت العربية مستعملة على 20 الف كيلو ومعرفش هل كان العيب ظاهر مع صاحبها من الاول ما كانت زيرو ولالا .. فقالوا اه بيبان اول ما كانت العربية جديدة ولالا اذا كان فيها الصوت ده .. فاظاهر ان صاحب العربية كان مطنش
على العموم قالولى كدا كدا المشكلة متسجلة عندنا ولو فى اى حاجة ظهرت تاني بعد فترة وبلغنا واحنا حنقوم بالازم .. ومتقلقش .. ومتبقاش موسوس .. قولتلهم معلش اصلى اتعديت من واحد صحبى حبيبى فى المنتدى هههههههههههههه اسمه احمد مصطفى بردوا وهو اللى نقلى الوسوسة
قالولى اطمن انت معاك ضمان وحتى لو بعد الضمان المشكلة متسجلة .. ومعاك توكيل محترم
المهم الحمد لله ان الموضوع اتحل على خير .. وحبيت انقل تجربتى عشان اى حد لو حصل الموضوع ده يكون عارف العيب منين
والحمد لله على نعمة التوكيل المحترم اللى معانا
وياريت كل توكيلات السيارات المنافسة الاخرى تكون زى توكيل نيسان
تحياتى للجميع
