الموضوع: القاهرة - مارينا (الاسكندرية)

بص يا سيدى انت عارف طبعا طريق مصر الاسكندريه الصحراوى هتمشى فيه لغايت ما تلاقى الماستر على يمينك احسب 15 كيلو تقريبا و هتلاقى طريق وادى النطرون - العالمين وهتلاقى يافطه قبلو بتدلك وهتلاقى كوبرى لسه بيتعمل عندوا الطريق هيبقى على ايدك الشمال هتاخد اول يو تيرن بعد الكوبرى اللى بقلك عليه وترجع و تخش الطريق يمين هتمشى بالضبط 135 كيلو و هتلاقى مارينا بوابه خمسه فى اخر الطريق فى وشك بس مفيش فاتحه فى وشك هتخش يمين فى الطريق الساحلى وتلف من اول يوتيرن وتخش مارينا والف حمد لله على السلامه مقدما
ملحوظه :
1- وانت بتقطع الكارته هنا على بوابة القاهره قلوا مارينا هتدفع 5 جنيه علشان لو دفعت 4 جنيه اسكندريه هيدفعوك تانى فى البوابة اللى فى اخر طريق وادى النطرون - العالمين
2- فول بنزين وخد الرست بتاعك فى الماستر علشان ما توقفش فى طريق وادى النطرون - العالمين علشان طريق انا ما برتحلوش خاصتا بليل و فى الايام اللى احنا فيها دى و نصيحه سافلر الصبح احسن توصل بالسلامه ان شاء الله