تعبت نفسياً

**khodiry** · 26-09-2011 10:03 PM

استاذى الفاضل ... معلش خدها منى من اقصى الصعيد حارة جدا ..... الفتيس .. فرامل ثم n ثم اغلاق كونتاكت ( طبعا المفتاح مش حايطلع ) ثم شد الفرامل ثم p ثم اخراج المفتاح ووداعا للتكة واى تكة تانية تبقى تكات قلبك :)

**checo4lamor** · 27-09-2011 10:34 AM

ممممممممممم انا مفهمش فى الصنى اوى بس الكلام الى بتقولو ده يعنى كده كرسى الفتيش فيه مشكلة او كرسى المكنة و الهبد ده يعنى انت بتحس بتحريك المكنة و هى بتنقل لان الكراسى فيها مشاكل و وراد فى عربيات كتير بتنزل بالعيب ده من المصنع ممكن بس تبقا تخلى حد يدخل ينقل و افتح الكبوت لو لقيت المكنة بتتحرك جامد و انت بتنقل بص على كرسى الفتيس و كراسى المكنة لو تمام يبقا هى نظمها كده

**Abdm** · 27-09-2011 06:22 PM

المشاركة الأصلية كتبت بواسطة Peaceman

استاذ نبيه :

نتكلم علي نقطة نقطة :

1- بالنسبة للعفشة الناشفة .. حضرتك عارف ان عربياتنا عفشتها رياضي يعني الطبيعي انها تكون ناشفة بس هطمنك و اقول لك انها هتكون افضل كل ما العربية بتستخدمها اكتر يعني مثلا عربيتي موديل 2009 و عفشتها كانت ناشفة في بداية الشراء لكن دلوقتي العفشة مختلفة تمام و طريت و بقت ناعمة جدا .. فالموضوع مسألة وقت و استخدام اكتر للعربية و عربيتي عاملة 28000 كيلو حتي الآن .

2- بالنسبة للنتشة :

اعتقد حضرتك و بنسبة كبيرة جدا تقصد النتشة و انت بتحرك الفتيس من الوضع P الي الوضع R او من الوضع P الي الوضع N او من الوضع P الي الوضع D كده انا صح ؟؟

لو ده اللي حضرتك تقصده يبقي انت بتتبع طريقة خاطئة في استخدام الفتيس و انت بتركن العربية .

طيب ازاي ..

عشان حضرتك تستخدم الوضع P يبقي لازم تعمل الـ 3 حاجات دول في وقت واحد و هي :
1- تضغط علي فرامل الرجل
2- تجيب الفتيس الي الوضع P
3- تشد الهاندبريك

الثلاثة تعملهم ورا بعض بنفس التسلسل لأنك لو جبت الفتيس الي الوضع P و بعدين سيبت فرامل الرجل يبقي كده العربية هتتعشق علي p و هيكون حمل العربية كلها علي الغيار P و من هنا لما تيجي بعد كده تنقل من الـ P الي اي غيار في العربية هتقوم نتشة معاك نتشة تقطع القلب

انما لو رتبت الوضع زي ما قولتلك يبقي كده العربية عمرها ما هتنتش معاك

و ارجوا اكون افادتك و اي خدمة

مع أحترامى وتقديرى الكامل ليك يا بشوى لكن أنا شايف أن الترتيب الصح وهو ذى ما عمل الآخ khodiry .... يعنى لازم تكون نقلة P بعد شد فرامل اليد مش قبلها .. والعكس بالترتيب تنازليا عند أدارة السيارة يعنى أخر حاجة نعملها أول حاجة عند أدارة السيارة حتى نحافظ على الفتيس

المشاركة الأصلية كتبت بواسطة khodiry

استاذى الفاضل ... معلش خدها منى من اقصى الصعيد حارة جدا ..... الفتيس .. فرامل ثم n ثم اغلاق كونتاكت ( طبعا المفتاح مش حايطلع ) ثم شد الفرامل ثم p ثم اخراج المفتاح ووداعا للتكة واى تكة تانية تبقى تكات قلبك :)

تمام كدة يا أستاذ khodiry بس فى سؤال عند تدوير السيارة وهى على الp بندور العربية أولا ثم نقوم بنقل ال p الى n مع فرامل الرجل طبعا.. ولا بنقل P الى n أولا ثم نقوم بأدارة السيارة
وجزاكم الله خيرا والله الموفق والمستعان

**egypt0777** · 29-09-2011 09:27 PM

المشاركة الأصلية كتبت بواسطة peaceman

يبقي كده الموضوع انتهي بمشاركتي الاولي و لو مشيت علي الترتيب اللي انا قولته يبقي كده انت هتبقي في التمام

طب يا بيشو النتشات فى النقلات نت الاول للتانى و التانى للتالت علاجها ايه

**HOSSAM_GABRE** · 30-09-2011 12:04 AM

المشاركة الأصلية كتبت بواسطة egypt0777

طب يا بيشو النتشات فى النقلات نت الاول للتانى و التانى للتالت علاجها ايه

بسبب اطمحلال اداء البطارية
ولو البطارية كويسة يبقى غالبا dropping resistant .

**khodiry** · 30-09-2011 08:26 PM

لو على الd مش حاتدور العربية خالص لازم يبقى الفتيس على الp وبعدين تدور العربية وتدوس فرامل وتجيب الn او ال d (لو لسة دايس فرامل الرجل ) وتسيب رجلك وتطلع على طول (طالما على الd )

**Bishoy.Girgis** · 01-10-2011 02:17 AM

المشاركة الأصلية كتبت بواسطة egypt0777

طب يا بيشو النتشات فى النقلات نت الاول للتانى و التانى للتالت علاجها ايه

بص يا جميل النتشات ديه ليها حل بس هترجع تاني في حالة واحدة :

العربية النيسان ديه عربية قوية و جبارة .. و بتدي معاك زي مانت عاوز

لو انت حاسس بالنتشات ديه يبقي اعمل ريسيت للعربية و مش هتحس بالنتشات ديه الا و حاجة بسيطة خالص لا تذكر

انما هتحس بيها تاني في حالة واحدة انك بعد كده شديت جري بالعربية و كيك داون .. بحس ان كمبيوتر العربية بيتلخبط و بالتالي بيأثر علي بوابات البنزين لكن انت لو بتمشي بالعربية بسلاسة و بدون شد او جري و علي الهادي في استخدام الاكسلاتير يبقي مش هتحس بالنتشات ديه جامد بعد كده

**atefadel** · 01-10-2011 02:43 AM

طيب نعمل الريست ازاي

**mff_629** · 01-10-2011 12:11 PM

100 100

**Bishoy.Girgis** · 01-10-2011 12:56 PM

المشاركة الأصلية كتبت بواسطة atefadel

طيب نعمل الريست ازاي

اعادة تعريف الكومبيوتر بوضع الاغلاق الكامل لصمام الهواءthrotle valve : صمام الهوء هو المسئول عن تسارع السيارة وهو الشئ الذى نتحكم فيه بدواسة الاكسراتير ، يحدد الكومبيوتر كمية البنزين اللازمة للحقن بناء على عدة عوامل من اهمها فتحة صمام الهواءمن خلال حساس كهربائى مكرب على صمام الهواء لمعرفة درجة فتحه، حدوث خطا فى حساس صمام الهواء يتسبب فى اداء غير منتظم للسيارة واستهلاك عالى للبنزين واحيانا نتشة فى الجير الأوتوماتيكى
فى حالة الاحساس بأى من هذة الأعراض او عند فك واعادة تركيب اقطاب البطارية لأى سبب يفضل اجراء عملية تعريف وضع الاغلاق ، وهى عملية من اسهل ما يمكن،فى البداية يجب الاطمئنان ان دواسة الاكسراتير فيها نسبة بوش بسيطة عن طريق الاجراء السابق،بعد ذلك ضع المفتاح فى الكونتاكت ، بجب ان تكون دواسة الاكسراتير حرة تماما اى ان قدمك بعيدة عن دواسة الكسراتير، قم بنقل المفتاح الى الوضع on (يعنى لمبة الزيت والبطارية تنور بس متدورش العربية) انتظر ثانيتن، قم باغلاق المفتاح انتظر 10 ثوانى، ستسمع بعدها تكة بسيطة، قم مرة اخرى بنقل المفتاح الى الوضع on، انتظر ثانيتين، مرة اخرى اطفى المفتاح وانتظر 10 ثوانى، قم بتدوير السيارة بعد ذلك لأى فترة زمنية ترغبها ثم اطفى المحرك