باركولي يا جماعة مشكلة المرايا اتحلت مع مودرن ابورواش و خبر Exclusive
أخيرا تم حل مشكلة المرايا اليمين في عربيتي النيسان صني مع مودرن ابورواش
طبعا احنا كلنا فاكرين و كنتوا متابعين الموضوع ده اضغط هنا :
و اكيد فاكرين انا كنت زعلان و متضايق اد ايه لكن ..
في الاول لازم اشكر حبييبي و اخويا و صديقي الحميم أحمد مصطفي AhmedTV على مساعدته معايا فى حل الموضوع بعلاقاته وبصراحة الواحد مهما عمل مش هيوفيه حقه ابدا و تعبه و ذوقه و اخلاقه العليا .. ربنا يخليك لينا يا ابوحميد .
و اشكر كمان الاستاذه هبة مديرة خدمة العملاء بتوكيل مودرن ابورواش علي اهتمامها الغير عادي بمشكلتي و اتصالتها الكثيرة للتأكد بأن المشكلة قد تم حلها بالفعل و علي اكمل وجه فعلا هى انسانة مجتهدة جدا وبتقوم بشغلها بحب وتفانى على اكمل وجه
و كمان بشكر الاستاذ عبدالجواد .. الانسان الخلوق بجد اللي في عز الحر و التعب .. الابتسامة مش بتفارق وجهه .
حل المشكلة :
طبعا بعد ماسبت توكيل مودرن الاسبوع اللي قبله و كنت متضايق جدا من المواقف اللي حصلت .. طبعا احمد معايا كل يوم علي التليفون و متابعين مع بعض احداث المشكلة غير الاطمئنان علي بعض .. وكان حاسس قد ايه انى زعلان
المهم في يوم بعد ما احمد صعد موضوعى ليهم وعمل اتصالاته لاقيت الاستاذ عبدالجواد و كمان في نفس اليوم الاستاذه هبة بيتصلوا بيا و بيشوفوا معايا حل في موضوع المرايا
المهم بعد مكالمات كتيره اتقفنا علي الحل النهائي ويكون حل يرضينى و هو ان هاخد مرايا جديده بـ 400 جنيه بالرش و التركيب .. كمان غير المرايا القديمة حتفضل معايا
و فعلا وافقت علي الاتفاق وحسبتها لاقيت ان كده هيبقي عندي مرايا استخدمها كقطعة غيار وحتكون اسبير
و طبعا التوكيل كان ده حله النهائي نظرا انه موفرش ليا قطعة الغيار الداخلية للمرايا .
بعد ما سبت التوكيل و سافرت لشبين الكوم لاقيت الاستاذه هبة عرفت من احمد وكان حكلها على موضوع الفيوزات بتاعة العربية لما ضربت و انا غيرتها عند الكهربائي بره التوكيل .. فقامت اتصلت بيا فورا و قالتلي ان توكيل شبين هيتصل بيك و يحجز ميعاد معايا عشان يشوفوا موضوع الفيوزات
و فعلا روحت التوكيل النهارده و لاقوا اني مستخدمتش الفيوزات الاسبير اللي في العربية .. قاموا شالوا الفيوزات اللي كنت مركبها عند الكهربائي و ركبوا الفيوزات الاسبير و مشيت من التوكيل
و انتهت المشكلة و ده كان الحلول النهائية اللى وصلت ليها ومرضية لكل الاطراف
في النهاية بشكر توكيل مودرن ابورواش علي اهتمامه علي حل المشكلة و ارضائي زي ما كنت فعلا عايز و اكتر كمان
الخبر الـ EXCLUSIVE لنايل موتورز
عايز اقول لكم يا جماعة ان بيحصل دلوقتي في مودرن ابورواش شغل غير عادي في كل حاجه تخطر و متخطرش علي بال حد و مش هقدر اقول اكتر من كده لكن وعدوني ان بعد شهرين بالظبط .. العملاء هيتفاجئوا بتوسعات كبيرة وخدمات ممتازة .. والاهم تغيرات جذرية لسياسة الشركة فى كل المحطات لصالح العملاء
و تفاصيل السياسات و التغييرات طبعا احمد مصطفي هيتابع معاهم وهو اللى عارف التفاصيل لانه هو اللى بيوصل صوتنا ومشاكلنا الى كل المراكز بصراحة وده مجهود غير طبيعى وحب منقطع النظير للاعضاء ولنايل موتورز واكيد هيقولنا علي الاخبار الجديدة أول باول لما يتناقش معاهم باذن الله فى كل السلبيات اللى حيعرضها عليهم
وده خطوة كويسة من موردن واحسسها بعملائها وارضائهم .. وده من سمات المراكز الكبرى هو التطور فى الخدمة والاهتمام بالعملاء.. ومزيد ليهم بالتقدم والتميز
