هو زيت الباور بيتغير امتى لاني بقيت احس ان الباور بيتقل بعد المشاوير الطويله في الحر عن اما اكون الصبح بدري ؟
عرض للطباعة
هو زيت الباور بيتغير امتى لاني بقيت احس ان الباور بيتقل بعد المشاوير الطويله في الحر عن اما اكون الصبح بدري ؟
العربيه دلوقت عملت 9800 كيلو
وسواس باشا ارجوك ارحمنا بقي شوية من وساويسك ..
و علي العموم انا عربيتي عامله 28000 كيلو و مغيرتش زيت باور و مفيش مشكلة في الباور بس هقول لك بقي ليه الباور عندك تقيل
السبب انك اكيد عامل الكاوتش قدام 32 مش 36 و ده بيقصر علي سرعة حركة الدريكسيون
الموضوع مش كده وبس
حتى لو غيرت برده ضغط الهواء
لازم برده حتلاقى ان الباور الصبح فى بداية تشغيل العربية لازم حيكون خفيف وعسل وزى الفل لكن بعد المشاوير فى الحر لازم حيتقل شوية
عارف ليه ؟؟؟؟؟؟؟؟؟
مش حقولك غير لما تقول عملت ايه فى تجربة البنزين ال 90 !!!!!!
انا فعلا حطيت بنزين 90 و النتيجه الصبح دورت و فتحت التكيف و بعدين قفلت التكيف لان لقيت الجو مش مستاهل لقيت العربيه تلتت والله لغايه ما دوست بنزين و الموضوع ده حصل مره واحده بس و بعدين مشيت عادي محصلش تاني و بنزين 90 بيوفر اكتر فعلا بس صوت المكنه بقى عالي شويه و اظن التتليته الي حصلت دي تخريفة كونترول عشان محصلتش الا لما شغلت التكيف و قفلته في ساعتها
انا عارف ان الباو بيبقى خفيف الصبح عشان الزيت بيبقى اتقل و بعدين الزيت بيخف مع الحر فالباور بيتقل شويه
طب و موضوع زنة الكومبريسور
طيب لما انت عارف بتسأل ليه
بتختبر معلوماتنا ولا ايه يا عم احمد
عموما صح كده وخصوصا ان طلمبة الباور ترسية
وطبعا بتتاثر بلزوجة الزيت اللى اصلا بتقل مع ارتفاع درجة الحرارة .
اما بخصوص زنة الكمبروسر فارجوك ارحم نفسك لانى بأت اتعدى منك قوى وبقيت مخلى ودن جوة الكبوت وودن تانية شغال بيها مؤقتا .
لموا من بعض و هاتولي قاشقاي و مش هاشتكي تاني
انا معايا الباور تقل لما حطيت هوا قدام 36
لكن لما رجعت لل 32 ضبط بصراحة
انا عديت 50.000 كم والضغط عالطول 32-29 ومفيش اى اختلاف فى الباور من وقت الزيرو
باور العربية على الرغم من انه تقيل حبتين بس حلو قوى على السرعات وبيدى ثبات رائع للعربية
انا روحت مرة مودرن ورجلشوا شوية صامولة الدركسيون وفعلا الباور بقى خفيف قوى بس رجعت تانى خلتهم تقلوه زى ما كان لان على السرعة العالية كنت حاسس انى مش مالك العربية قوى .