القاهره ..... مرسى مطروح ...... الابيض

السلام عليكم

ممكن اعرف الطريق من القاهره لمرسى مطروح ؟ ....... و ايه احسن استراحات ؟ ....... و بعد ما اوصل مرسى مطروح اروح منطقه الابيض ازاي ؟

و شكرا مقدما :b4_388:

الووووووووووووووووووووووو
في حد هنا ..................:majd(4):

hello
Can anyone explaine to me the way from cairo to Marsa Matroh then to Elobayed ?
and the rest's in the road ?

انا قولت عشان لو حد ثقافته انجليزي يرد برضه :16::16:

السلام عليكم و رحمة الله و بركاته
مرسى مطروح انا رحتها مرة واحدة فى حياتى بس قولت يمكن افيدك
طبعاً الهرم - طريق اسكندريه الصحراوى بعد افريكانو فى حوالى الكيلو 140 تدخل طريق العالمين "U Turn"على طول حتعدى على الساحل الشمالى و بعدها على طول لحد مرسى مطروح تطلع على الكورنيش لحد آخره لحد متلاقى ميدان فيه بتاع فول و طعميه فى وشك تدخل شمال و على طول "الحته دى خد بالك من المطبات و الحفر" مسافة حوالى 20 ك لحد الأبيض
الاستراحات فى طريق اسكندريه الريست هاوس و طريق مرسى مطروح أحسن استراحات و بنزينة و بريدج ستون و مطاعم "بيتزا هت + كنتاكى + ....." فى الساحل الشمالى الباقى دون المستوى خالص
يا رب أكون ساعدتك بأى حاجة

كده تمام قوي
الف الف شكر استاذ اسامه
و جزاك الله كل خير

قبل ما تدخل طريق العلمين يا ريت تعدي على استراحة الماستر لان طريق العلمين مفهوش خدمات ولا بنزينة تقريبا هي واحدة العاون و بتشتغل بالنهار

وروح بالنهار احسن

شكرا جدا استاذ محمد صفا
و طبعا هسافر بالنهار :)

الحمد لله رجعت من السفر
مرسى مطروح كانت جميله جداا و الجو كان روعه هوا بالنهار و نفخ بالليل

بس مروحتش بالعربيه
رحت باتوبيسات الاتحاد العربي
التذكره بـ65 جنيه vip التوبيس مرسيدس نضيف جدااااا
بس الطريق ست ساعات كتير جدااا