هنعمل حلف كده..
اتحاد العصابات المستقلة.. :) :) :)
واحنا هنرتب كده و ننتخب زعيم للعصابة و نحدد المعاد..
عشان احنا عصابتنا لسة علي المشاع.. :)
عرض للطباعة
هنعمل حلف كده..
اتحاد العصابات المستقلة.. :) :) :)
واحنا هنرتب كده و ننتخب زعيم للعصابة و نحدد المعاد..
عشان احنا عصابتنا لسة علي المشاع.. :)
اوبل يعنى المانى ... المانى احسن دماغ ... الدماغ مش فى الدماغ ... تبقى فى الـ It
و أدي كمان واحد IT و صلحه :)
محمد فرحات
هندسة كمبيوتر و نظم تحكم
عين شمس ٢٠٠٠
و بشتغل في مجال ال-embedded-systems (اللي إحدى فروعها ال-ECU بتاعة العربيات )
اوبل كورسا B موديل 99
و أي خدمة ؛)
اهلا بيك يا فرحات باشا..
هو ده الكلام.. يلا.. عايزين نغير اسم المنتدي الفرعي ده.. :)
و كده انت بقي هتبقي المتخصص بتاعنا في ال-ecu ..
يعني لا قدر الله لو حد عنده حاجة يجيبك بقي.. :)
أهلاً بيك يا أحمد باشا
عندك حق احنا كدة ممكن نخليه "Opel_IT" :) :) :) و نعمله password :)
و بعدين يا باشا من غير أي حاجة احنا في الخدمة في أي إكو ، صحيح أنا تخصصي engine-management بس ميمنعش برضه body controller ولا light controller ، و أهو كلو برتقال :D
و أنا تحت أمر الكل في أي إستفسار و ربنا يبعدنا كلنا عن المشاكل في ال-ECU ، و يجعله عامر :D
ازيكوا عاملين اية انا لسة موجود ما سافرتش و مش مسافر :) بس انا ما كنتش فاضي خالص الايام اللي فاتت دي كنت مطحون في مؤتمر Itu و لسة داخل النهارده من زمان قوي و شايف احمد بسم الله ما شاء الله عامل شغل جامد ممكن اعرف نفسي
الاسم: احمد مقلد
السن: 28 سنة
المهنة: حاجه برده تبع ال It مهندس انظمة تكنولوجيه متكاملة بوزارة الاتصالات في القرية الذكية
الحالة: متزوج
السيارة: اوبل فكترا 96 1600cc الشكل الجديد
الميكانيكي: محمد في الحرفيين و بفكر اغيره
الكهربائي: محمود في الحرفيين
السلام عليكم و رحمه الله و بركاته
الموضوع ده حلو اوي يا جماعه و انا معاكم يا اوبلاويه بس انا مش It
الاسم: تامر محمد سامي
الوظيفه: كيميائي بشركه ادويه بالمنطقه الحره الصناعيه بمدينه نصر
السن: 35 سنه
كليه علوم جامعه الازهر قسم كيمياء دفعه 98
السياره: اوبل فيكترا 95
السكن: مدينه نصر
نسيت اقول فيكترا اتوماتيك 2000 cc
الميكانيكي : محمد عيد بالحرفيين
احمد بك مقلد منور الموضوع..!!!
يا اهلنين و سهلنين.. واحشنا يا باشا والله و كان الله في العون..
انا قولت انك سافرت بقي و كده.. بس كل شيء نصيب..
كويس انك مبيعتش العربية يا عم.. اهو البنزين غلي و ال1600 بقت موفرة دلوقتي.. :)
تامر بك سامي..
اهلا بيك و فرصة سعيدة جدا..و نتكني نشوفك بيننا دايما و مشاركنا علي طول..
لسة الاي تي مسيطر علي المنتدي.. IT_Nile motors..
Ahmed Saber
Cairo , Mohandessen ( bs asasan men el mansoura )
Professional Services Specialist at Bayanet ( IT Bardo )
allmost 24 yrs
Faculty of commerce - English Programe 2005 Mansoura university , MBA 2007 AAGSB.
Opel Corsa 1.6 Sedan 2007.
يا اهلا و سهلا بيك يا احمد بك..
منورنا والله.. ايوة كده عايزين كل الاوبلاوية اللي مختفيين في المنتدي يظهروا بقي و نتعرف كلنا علي بعض.. عايزين ترابط جامد هنا..عشان الاخوة في المنتديات الفرعية الاخري يلاقوا فينا قدوة و يقلدونا هما.. لنكن ايجابيين..
و ليكن شعارنا في المرحلة المقبلة.. نحو منتدي اوبل اي تي افضل :) :) :)
الاسم: محمود عاشور
االكلية: تجارة القاهرة
السن:22 سنة
مبروك يا أحمد على التثبيت.
يا جماعة انا اولى طب و عندنا اوبل 95 و كنا عايزين نغير اوبل الجديدة بس الناس حذورنا منها عشان الفتيس الأيزي ترونيك
أنا برده مش IT للأسف
حاتم حسن محمد جميل
23 عاما
سته طب طنطا
السياره : أوبل فيكترا 97 cc1600
الميكانيكى : أسمه محمود فى أخر شارع بطرس مع المرشحه طبعا مش هتعرفوه
أهلا بيكم جميعا
ويسعدنى إنى أكون واحد منكم
تحياتى لكم جميعا
اسمحولى ارحب بيكوا بدل اخويا الكبير احمد باشا علاوى عشان هو صاحب الموضوع
اهلا بيك يا اسلام
المشكله ان الفتيس ده مختلف عن اى فتيس تانى الناس متعوده عليه
عشان كده بيحسوا انه مش مظبوط بس هو شغال و 100% اسال العضو القائم فى عصابة اوبل مصطفى معاه استرا 2007
الناس لسه مش متعوده عليه مش اكتر
حاتم باشا اهلا بيك منورنا والله
للاسف ليه بس؟
احنا عايزين عصابة اوبل تبقى فاهمه فى كل حاجة عشان نبقى عصابة عندها اكتفاء ذاتى ومنحتاجش لحد من بره :002:
شد حيلك بس عايزين نشوف دكتور قد الدنيا عشان لو حد من اعضاء عصابة اوبل تعب ولا حاجة :)
ولا انت هتتخصص نساء وولاده :tt2:
الاسم: محمد المصرى
المهند : رئيس حسابات
السن:35 سنة
اوبل فيكترا 99 1600 cc
الميكانيكى : محمد عيد بالحرفيين - بس ان شاء الله هغيره
To Islam:
http://www.nilemotors.net/Nile/showthread.php?t=24134
check the above link and u'll find your answer ISA .
you can book a test drive for Opel Vectra 2008.
check this link and u find all the information that u want about Vectra 2008.
http://www.nilemotors.net/Nile/showthread.php?t=25072
ما شاء الله ما شاء الله..
الله ينور عليكم يا رجالة..
معلش انا كنت مختفي بس عشان كنت في مشوار صغير كده حد طنطا..
عفارم عليك يا هندسة..
هندسة مين بقي ماهو الحمد لله نص المنتدي هنا مهندسين و ناس اي تي جامدين قوي.. :)
انا اقصد اخويا محمد مختار.. الراجل قام بالواجب في غيابي و كأني موجود بالظبط.. تامام يا باشا تسلم ايدك..
يا مراحب بالناس الجديد منورين و مشرفين الموضوع..
مصطفي بقي هو هنسميه مصطفي ايزي خلاص.. نسبة لفتيس الايزي ترونيك..
اللي عايز اي حاجة هو المتحدث الرسمي لأوبل استرا 2007..
الف شكر علي المشاركات الجامدة جدا و الي الامام ان شاء الله..
مانا مكنتش اعرف لسة ان في احد افراد العصابة م طنطا..
عموما.. تتعوض ان شاء الله.. مش مشكلة يعني..
انا ليا قرايب هناك و باروح ليهم من وقت للتاني..
الف شكر يا باشا علي ترحيبك الجامد..
لا شكر بين الأخوات يا باشا
إنت تشرف فى أى وقت
السلام عليكم
احمد باشا علاوى ازيك ياباشا معلش لسه داخل انهاردة بقالى فترة مادخلتش
ولسه شايف الرسالة دلوقتى
اية يا باشا المواضيع الجامده دى
و الف شكر يا باشا انك افتكرتنا
و الف مبروك على التثبييييت
المهم عمرو محمود الشهرة عمرو ابوسديره
هندسة مدنى اسيوط 2002
مهندس بهيئة الابنية التعليمية
كورسا 1994
السكن سوهاج
و سلام كبيير اوى للاى تى ضرب نار و كده معلش مطلعتش اى تىهاوى بتاع طوب و رمل و حديد و اسمنت و الحاجات اللى بتغلى كل يوم(سعر الطن مش ثابت و سعر الشحن مش ثابت و اولع بجاز مش مهم المهم تدفع اللى معاك )
و بما انى انا الوحيد اللى من الصعيد فى الاوبلاوية يبقى المقابلة الاوبلاوياتى تبقى عندى
و الصيف بقى عندا اية اخير حلاوى قصدى اىخر قرف
وسلامى لجمييييع الاوبلاوية اللى منورين المنتدى
اهلا بيك يا عمرو
منور المنتدى
ايوه كده عشان يبقى لينا فرع هناك ونجيلك قريب
بس هنبقى الشله كلها بالاوبل
هتلاقى اسطول اوبل داخل البلد تعرف ان احنا وصلنا :)
يا ريت أكون عضو فر الرابطة أوبلاوي
الأسم : سامح كمال
المهنة : طالب مطحون فى كلية طب القصر العينى (و حسبى الله و نعم الوكيل)
السكن : مدينة نصر
العربية : vectra 95 2.0
أهلا يا دكتور.. :) (حد فاكر المسرحية دي..؟؟)
نورتنا يا باشا.. و انت كده تاني ولا تالت دكتور؟؟
عموما ربنا يكون في عونك و يوفقك و تخلص علي خير ان شاء الله..
اهلا يا سامح باشا
واضح انك جديد على المنتدى كله مش اوبل وبس
اهلا بيك فى مقر عصابه اوبل بس لازم تشد حيلك والا هتتعلق من الزعيم :)
نورتنا يا د/سامح
السلام على من اتبع الهدى:party:
الاسم : محمود محمد صبرى
الشهرة : ميدو المصرى
السن : 19 سنة
الكلية : هندسة طيبة
السيارة : اوبل فيكترا مو 98 2000 سى سى
معلومات : بفهم كويس فى الموبيلات
وذوقى كويس فى هبيرة السيارات:devil2:
:oops:ياه دانا دجيت متأخر اوي
النا اسف جدا على التأخير بقالي اكتر من اسبوع بأعاني ويلات السفر من الجزائر لمصر بسبب سوء الاحوال الجوية في الصحراء الجزائرية
الله ينور عليك وعلى مواضيعك الجامدة يا احمد باشا ومبروك على التثبيت
انت كدة المفروض ننتخبك زعيم عصابة الاوبلاوية :sifone::gun_bandana:
الأسم: وليد عبد العزيز
السن : 29 سنة
الكلية : علوم عين شمس قسم جيولوجيا وكيمياء دفعة 99
المهنة : جيولوجي ومهندس بيانات بشركة بترول (الجزائر)
الحالة الاجتماعية : متزوج وعندي باسل 4 سنوات
السيارة : اوبل فيكترا 97 GLS 1600 كحلي
الصيانة: مركز صيانة مقار الدقي
محل السكن : محافظة حلوان الديموقراطية المستقلة الشعبية المهلبية
Welcome home ya Waleeeeeed, i'm so happy to see u again :) :) :)
الله يسلمك يابو حميد
المنتدى منور بيكو والله
الله يخليك يا مصطفى. انا اللي سعيد جدا بمعرفتك والله
والله انا مش مصدق نفسي ومتشكر جدا على اهتمامكم يا احسن واحلى اخوات
الواحد من غير نايل موتورز كان حاسس انه يتيم او في حاجة نقصاه
ربنا يخليلنا نايل الموتورز اللي عرفني على ناس محترمة زييكم
م.عمرو
مهندس معمارى
35 سنة
سيات قرطبة
لو لم اكن سيتاوين لودت ان اكون اوبلاوين
انا بس بحى الاسترلينى صاحب الموضوع و كل الناس الحلوة اللى بتساعد بعض هنا
ربنا يباركلكم فى عربياتكم و يعينكم على الخير دايماً
يا باش نورت ركن اوبل و نورتنا كلنا..
لينا الشرف انك تشاركنا و تشرفنا في الموضوع هنا..
ربنا يخليك و يكرمك علي الكلام الجامد قوي ده بس احنا لسة تلامذة يا باشا و بنتعلم من خبراتكم والله..
مش كلام في الهوا والله ده بجد..
ربنا يديم المعروف..
وبعدين مش لاقي ترحيب اكتر من اللي حبيبي و اخويا وليد قاله..
بصراحة مفيش حاجة تتقال بعد كلامه.. :)
الا بيك يا باشا..
و الحمد لله علي السلامة يا وليد بك..
المنتدي كان ناقصة حاجة والله..
ايه يا جماعا الاوبلاوية خلصو ولا ايه
عاوز العدد يكتر اوى عشان اعملكو عزومة بجد فى الصعيد البعيد
منورين يا جماعا
الله ينور عليك يا باشمهندس عمر نور.. :)
انت النور كله يا باشا..
بس في حاجة والحمد لله بقت واضحة..
اللي يدخل منتدي اوبل يفتكر ان فيه رواد كتير قوي..
واحنا كلنا اللي هنا مش هنزيد لحد دلوقتي عن 15 او 20 واحد بالكتير..
بس الحمد لله في نشاط و حركة ولا كأن في 100 واحد.. ودي الحمد لله انا شايفها ميزة كويسة جدا..
في بركة في العدد القليل..
ربنا يزيد الاوبلاوية بركة.. ونايل موتورز كلها امين..