الموضوع: بطارية موبايلى احسن من بطارية عربيتى

المشاركة الأصلية كتبت بواسطة mostafa mahmod

ممكن حضرتك تشرحلنا ايه الكلام ده

بعد إذن الزميل هشرح أنا لحين حضوره
الإختبار ده بنعرف منه إذا كان في تسريب أو قفلة في دايرة من دواير العربية (دفيرة العربية أكتر من دائرة على التوازي تتفرع من علب الفيوزات) و اسمه Parasitic load test
هتجيب ملتيميتر (آفو) و توصله على التوالي مع قطاش البطارية و يكون مظبوط على Amp (Amperage) وده هينتج عنه قراءة على الآفو بالأمبير
أي عربية بيبقى فيها كام دايرة شغالة و هي مبطلة زي الإتذار و الساعة و دي بتبقى قيمه معروفه حسب العربية
لو القراءة تعدت القيمة دي يبقي في تسريب في الدايرة
نبدأ نشيل فيوز فيوز من علية الفيوزات... لما نشيل فيوز و نلاقي قيمة التيار رجعت طبيعية يبقى القفلة في الدايرة اللي جزء منها الفيوز ده
نمشي ورا الدايرة بالـ wiring diagram و نشوف القفلة فين

و الله أعلم
في رعاية الله