عرض للطباعة
السلام عليكم
انا معايا جوليت 99 العربيه لسه جديده معايا بس فيه مشكله
العربيه لو سبتها يومين من غير ما ادورها البطاريه تفضى بطريقه غريه لازم تروح تشحن على تونجر
او اقومها من اى بطاريه رغم انها بقالها سنه بس فى العربيه
وحتى شكيت ان يكون فيه حاجه بتسرى والكهربائى قالى مفيش حاجه
ارجوكوا ساعدونى
الكهربائي عرف منين ان مافيهاش حاجة بتسحب من البطارية؟؟اقتباس:
المشاركة الأصلية كتبت بواسطة shfra
في رعاية الله
بص مفيش حاجه في الدنيا إسمها البطاريه تفضى والعربيه مركونه
إلا إذا نسيت نور الصالون شغال أو الإشارات أو النور الصغير شغال وروحت
أولا أوعى تتسرع وتغير البطاريه
لأن ممكن قوي تكون البطاريه زي الفل
روح للكهربائي وخليه يكشف على الدينامو
الدينامو ده هو إللي بيشحن البطاريه لما تشغلها
ولو الدينامو فيه مشكله مش هايشحن البطاريه
والعربيه هاتقف
الحاجه التانيه لو الدينامو كويس هي ضفيرة الكهربا عنده
ممكن تكون فيها منطقه بتهرب كهربا
قبل كده العربيه كانت بتهرب كهربا بس لما كنت بشيل الكابل السالب بتاع البطاريه واجى اركبه وهيا العربيه مبطله
الاقى الكابل بيشرز معنى كده ان ى حاجه شغاله وساعتها مش بتكون فى حاجه شغاله المهم الكهربائى عملها
ورجعت تانى بعد فتره العربيه بطاريتها تخلص بالشكل ده بس مافيش شرز فى سلوك البطاريه وانا تقريبا قربت
اتجنن من الحكايه دى واكتر من كهربائى شفها قالى كله تمام مش عارف ازاى
فك قطاش البطارية السالب ووصل لمبة بيان توالي مع البطارية وضفيرة العربية لو لمبة البيان نورة يبقسي هناك تهريب لو لم تضيئ اذا ليس هناك تهريب
لو هناك تهريب افصل فيوز فيوز من علبة الفيوزات حتي تطفي اللمبة وعند انطفائها حدد الفيوز ده بتاع ايه وراجع علي وصلات هذا الشيئ
لو ليس هناك تهريب قيس شحن الديناموا عندك
او شوف كثافة المياه لو البطارية سائلة اما لو جافة يبقي عليه العوض فيها وغيرها
يفضل تنفيذ ما سبق ذكره في مشاركة الزميل الفاضل بواسطة Multimeter مظبوط على قياس Amperageاقتباس:
المشاركة الأصلية كتبت بواسطة tarek_2005
في رعاية الله
كانت عندى المشكلة دى وقعدت محيرانى لمدة شهور ، بالرغم من ان أكتر من مرة الكهربائى كشف على الدينامو وبيلاقيه سليم وبيشحن ومافيش لمبة تحذيرية منورة ليه ولا حاجة، وكنت شديت شعرى منها .. وآخر ما زهقت رحت من نفسى اشتريت دينامو استيراد وركبته ، والمشكلة اتحلت.
متشكر جدا على ردودكم وجارى التنفيذ وانشاء الله اول ما هعرف هقول كانت المشكله فين
اخر حاجه كنت اتوقع انها هيا الى بتعمل كده فى البطاريه الكاسيت :d
الحمد لله اتحلت المشكله
مبروك علي معرفة العطل واصلاحه
ممكن حضرتك تشرحلنا ايه الكلام دهاقتباس:
المشاركة الأصلية كتبت بواسطة tarek_2005
بعد إذن الزميل هشرح أنا لحين حضورهاقتباس:
المشاركة الأصلية كتبت بواسطة mostafa mahmod
الإختبار ده بنعرف منه إذا كان في تسريب أو قفلة في دايرة من دواير العربية (دفيرة العربية أكتر من دائرة على التوازي تتفرع من علب الفيوزات) و اسمه Parasitic load test
هتجيب ملتيميتر (آفو) و توصله على التوالي مع قطاش البطارية و يكون مظبوط على Amp (Amperage) وده هينتج عنه قراءة على الآفو بالأمبير
أي عربية بيبقى فيها كام دايرة شغالة و هي مبطلة زي الإتذار و الساعة و دي بتبقى قيمه معروفه حسب العربية
لو القراءة تعدت القيمة دي يبقي في تسريب في الدايرة
نبدأ نشيل فيوز فيوز من علية الفيوزات... لما نشيل فيوز و نلاقي قيمة التيار رجعت طبيعية يبقى القفلة في الدايرة اللي جزء منها الفيوز ده
نمشي ورا الدايرة بالـ wiring diagram و نشوف القفلة فين
و الله أعلم
في رعاية الله