رائعة دايهاتسو (Copen)

**Sharky** · 26-04-2007 02:41 PM

السلام عليكم

المواصفات :

1.3CC 86Hp

من 0 إلى 100 : 9.5 ثانية

الأسعار تبدأ من : 11,000.00 جنيه إسترلينى

26-04-2007 03:35 PM

الف شكر يا شاركي بس حبيت اضيف ان العربيه فيه منها نموزجين
الاول لتسويقه في اليابان وهو JB-DET
بمحرك سعة 659 cc
يخرج قوة قدرها 67@6000 ( bhp / rpm ) حصان
وعزم 74@3200 ( lb / ft )
وسرعتها القصوى 170 كم في الساعة
تسارع من 0-100كم في 11.7
هذا بالاضافة الي الموديل المعد لتسويقة في اسواق اوربا وشمال افريقيا ( اللي كتب مواصفاتة شاركي )

السيارة بالاضافة لشكلها الجذاب وسعرها المنافس في فئة الرودستار مذودة بكماليات اساسية مثل
ABS Air Bags سنتر لوك سقف متحرك راديو سي دي ايموبلايزر كل ذلك كتجهيزات قياسية

بس تفتكروا ليه فئة الرودستار مش منتشرة في مصر !!

**Abdallah** · 28-04-2007 06:06 PM

عشان التراب يا ابو نورا.
انت لو فاتح سقف العربية فى ظرف نصف ساعة هتلاقى نفسك بقيت غرقان فى التراب وفى الشتا هتغرق طيب يبقا ازاى نركب كابورليه؟؟

**hassan h** · 07-05-2007 03:15 PM

علشان لو معدى امام محطة اتوبيس مزدحمه هتلاقى نص اللى وافقين نطولك جوة العربيه ... فكرنها حنطور معدل

**hazem_khidr** · 11-05-2007 07:32 PM

شكل البيتلز اوي الصراحه.
مش عارف ليه العربيات الياباني كل ما تشوف عربيه جديده تقول دا شبه كده مش عارفين يععملو عربيه كامله لوحدهم ابدا

12-05-2007 01:16 PM

عندك حق بس ده دايما بينطبق علي الديهاتسو لان ملهاش خط ثابت في التصميم كمان الكورولا لاكن فيه شركات يبانية ليهم سمات ثابتة في تصميماتهم بتميزهم عن المصنعين الاوربيين والامريكيين زي الميتسوبيشي والهوندا والمازدا

**theking1** · 18-05-2007 07:47 AM

هل من الممكن انى اخلى الشركة تستوردهالى ؟؟؟؟
ياريت اللى عندو خبرة يقولى لانى عايز اشتريها وخاصة ان سعرها مايزدش عن 100000 جنيه :?: :?:

**أبو عبدالله** · 19-05-2007 12:06 AM

هي العربيه كانت موجوده في معرض السيارات بتاع السنه اللي فاتت يعني من سنه كده كان عبداللطيف جايبها في المعرض ومتعلقه على حائط بالجنب

وتقريبا انا مش متذكر قوي بس سعرها كان فوق 100 الف جنيه وتقريبا كان حوالي 150 الف جنيه

بس العربيه بصراحه شكلها كان فظيع عارف لما تلاقي عربيه شكل العربيات الكبيره بس على حجم صغير اكبر مما تتخيل بتبقى غريبه ..........

بس متهيالي انك لو طلبتها هيجبهالك لأن عبداللطيف توكيل دايهاتسو معاه في كذا دوله

هو حضرتك معاك عربيه نوعها ايه ؟

**theking1** · 21-05-2007 09:52 AM

ألف شكر يابو عبد الله على الرد المفيد
وانا لحد دلوقتى معنديش عربية ولكن ناوى اشترى فى شهر 9 ان شاء الله
بس اعتقد 150000 كتير عليها شوية لانها اغلى من الماتريا بـ 1500 يورو والماتريا معروضة هنا بـ 105000 بس
انا لسه مكلم ديهانسو امبارح وسالتهم لو يعرفو يجيبوها وقالولى انها مواصفات اوروبى مينفعش تيجى مصر !! مع انها موجودة فى سوريا ؟!!!!
ولكن واضح ان حنا لسه محصلناش حتى سوريا :lol: :lol: :lol: