تحيا جمهورية مصر العربية ....

**MoToRiZeR** · 15-05-2008 02:05 AM

انا بخاف امشي عالمحور و أفضل الدائري بمقطوراته و بلاويه بس بخاف فعلا من حتة التحويلة دي لأن اي حادث في الطريق العكسي .. مفيش بيني و بينه الا العصيان الحديد دي و هيلبس فيا لابسة عنيفة

عالاقل عالدائري باخد بالي من الطريق بتاعي .. انما عالمحور بيبقي رعب فعلا لأن بينك و بين اللي ماشين بالعكس سنتيميترات

**nasr-eldeen** · 15-05-2008 02:10 AM

إن الله يحب إذا عمل أحدكم عملاً أن يتقنه

**samehafez** · 15-05-2008 03:21 AM

مفيش بيني و بينه الا العصيان الحديد دي و هيلبس فيا لابسة عنيفة

احب اوضح لحضرتك ان بعض هذة المواسير pvc >>

في الخارج يتم وضع بلاستيك طري

**Islam_galal** · 15-05-2008 09:22 AM

بصراحة انا كنت فامره حلم من د. أحمد
سبحان الله انا ماشفتش مواقف زي كده قبل كده

أنا مرة شوفت محاولة من ملازم اول لتطبيق النظام و انتهت بان الظابط ده غالبا انتحر من القهر

**MoToRiZeR** · 15-05-2008 05:04 PM

المشاركة الأصلية كتبت بواسطة samehafez

احب اوضح لحضرتك ان بعض هذة المواسير pvc >>

في الخارج يتم وضع بلاستيك طري

ايوة حضرتك بس في الخارج محدش بيحب يستذكي و يمشي من الطريق اللي لسة بيتعمل و يرجع يهرب من اللجنة فا يخش في الطريق العكسي !

في الخارج مفيش عساكر مرور حتي بس فرق الثقافة .. ثقافة الإلتزام و الإحترام

**tmz9111** · 15-05-2008 06:39 PM

كويس ربنا يهدى باقى الظباط

**Hassan Khalil** · 15-05-2008 09:05 PM

و الله فرحتني بالموقف ده يا د/ احمد ..
لأن الواحد من كتر ما بقي بيشوف.. الوضع بقي بالنسبة حالك السواد
لكن حنقول .. ان كل مكان و كل وظيفة فيها الحلو ز الوحش .. لكن يمكن الوحش هو اللي بيظهر اكتر شوية ..
**********
اذكر في رمضان اللي فات .. كنت راكب تاكسي .. و المغرب أذن علينا في ميدان المحكمة .. و قام ظابط المرور ( رائد ) مع بدء الاذان .. و نادي علي العساكر يتجمعوا في الكشك علشان يفطروا .. و ووقف هو ظبط الميدان لوحده ...
عايز اقولك ان كل الناس اللي كانت في الشارع كانت فرحانه بيه ... حتي سواق التاكسي قاللي ... اهو ده بقي يا بشمهندز ظابط ابن ناس اصلا ... مش محدث .. ربنا يباركله ...

**TaoTao** · 16-05-2008 12:19 AM

اللي يغيظ إن ظباط المرور بيظبطوا البلد بس وقت ماهم عاوزين .. يعني ألاحظ دايماً إن لما يكون فيه مؤتمر دولي .. أو زيارة رسمية .. المرور بيمشي زي الساعة ووسط البلد بيبقى زي الفل والمشوار اللي بياخد نص ساعة ممكن آخده في ريع ساعة..
إنما المشكلة إن زي ماحضراتكم قلتم إن الكويس قليل للأسف، وبقينا نفرح لما نشوف نموذج ملتزم بيؤدي دوره .. حاجة تحزن .. مأساة :(
بس ده مايمنعش إننا لازم نشيد بهذه النماذج التي تعطي للمرء أملاً (في نهاية النفق) كما قيل :)

**MohabSaeed** · 16-05-2008 07:37 PM

بمناسبه المحور .............

امبارح بليل " تقريبا الساعه 2 ليل " كان فى حادثه مروعه قدام شركه ترافكو .. الطريق الى رايح 6 اكتوبر ...... عربيه افيو سودا .. دخلت فى عامود .......... واتدمرت تماما ...... السبب !!!!!

ان كان فيه بركه ميه كبيييييييييييييره اوى اوى اوى ... تقريبا العربيه دخلت فى الميه وعومت ودخلت فى العامود ......الميه ديه جت من شبكه الرى الفاشله الى عملوها علاشان يشجرو الجزيره الى فى النص . المحور كلو امبارح كان غرقان ميه ........

بعديها ب 200 متر عربيه 127 طالعة فوق الرصيف عند اليو تيرن .

فى الحته الى فيها التحويله كان فى عربيه تويوتا كورولا متدمره من قدام تماما وكانت مركونه فى الطريق الى بيتصلح وصاحبها واقف جمبيها .......... وقبليها كنت شايف عربيه ونش وشايله فوقيها عربيه عامله حادثه .

تخيلو كل ده ....... فى طريق واحد ... وفى زمن لا يتعدى ال 3 او 4 ساعات مثلا ...........

هل فى كلام ممكن يتقال اكتر من كده .

**furp** · 16-05-2008 08:29 PM

شكرا يدكتور احمد علي الموضوع

بس فعلا بحس ان شرطه المرور بالذات في مصر

مش بتشتغل غير شهر رمضان

يعني علي الرغم من الضغط الفظيع وقت الافطار لكن بيخلوا الامور سلسله

ياتري بقي الشغل ده علشان هما صايمين وخايفين من عقاب ربنا
ولا علشان الشهر كله حوافز ومكافات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟