الموضوع: سيارة مصرية بالكامل فى كورنيش أسكندريه , لو عندك القلب أوعى تدخل

المشاركة الأصلية كتبت بواسطة manola

طيب ماعلينا من السباقات يعنى لو تم عمل مصنع مصرى و إنشاء سيارة بنفس مثلا مواصفات اللانوس مثلا هتبقى بكام ؟ و هل ينفع مجموعة برضة تعمل سيارة بالكامل زى فنون جميله كدة !؟ و تكلفتها الفعليه هتكون كام

معرفش التكلفة هتكون كام
السنة اللى جية لو كان فى نصيب وشاركت فى المشروع دة هبقى اقول التكلفة كام :)

بس برضة علشان العربية تكون رخيصة لازم فى روتين وحاجات فى البلد لازم تتغير يعنى مثلا فى بعض الاجزاء بتيجى من برة زى المساعدين والموتور ويتم تدفع جمارك عليهم (الفريق اللى شارك السنة اللى فاتت كان عايز يعمل جسم العربية من برة كربون فير علشان يكون اخف واقوى بس طبعا بسبب الجمارك لغوا الفكرة)وكمان لازم الناس تشجع حاجة زى كدة
انما اشك فى ان ممكن حد يثق ويركب عربية مصرية

حاجة كمان الناس برة كانت معجبة بالشغل اللى طلع من الطلبة دى بالنسبة لحجم الامكانيات اللى موجودة عندهم وفى مسابقة زى كدة نادر لما فى فريق يدخل ويشاك من اول سنة على طول كدة انما الحمد لله الطلبة عندنا كلموا الناس فى انجلترا فى شهر 11 كانوا عندهم بالعربية فى شهر 7