طريقة ضبط كاربراتير السيارة .. " خصوصا الريجاتا "

السلام عليكم

حبيت اكتب الموضوع هنا تانى برة رابطة الريجاتا حتى يصبح مرئى للجميع بشكل افضل
ولا ينحصر على اعضاء الرابطة الكرام

http://www.nicegypt.com/mycar/IMAG0199.jpg

الصورة بالاعلى لكربراتير ريجاتا .. لو الصورة مش واضحة هصورها تانى ولا مشكلة ف ذلك
ووضعها على سيرفري عشان متتمسحش ولضمان وجودها

الاول هنتعرف على اجزاء الكربراتير من الخلف .. وبعد كدة ندخل لمرحلة الضبط :

رقم 1 : خاص بمسمار السلانسية وهو نفسة البنزين
هتلاحظ ان فية سوستة حلزونية او دائرية خلفة وظيفتها هي الضغط على المسمار
لكى يقوم برفع قطعة معدينة تحدد مسافة ذراع دواسة البنزين

رقم 3 : ذراع دواسة البنزين ... او الذراع المتحكم ف كمية الضخ للبنزين للموتور

رقم 2 : هو مسمار كبير وعريض وهو خاص بظبط الهواء

ملحوظة هامة جداَ : بعض الكربراتيرات بيكون فيها مسمار ثالث يسمى بالخلاط .. او مسمار خلط بنزين وهواء مع بعض
ودة نادراَ .. لكن لو لقيت 3 مسمار ف الخلف .. لا تطبق اي شيئ .. لان الشرح هنا على النوع اللى بدون مسمار خلط
ولا ينطبق الشرح ابداَ على النوع اللى فية خلاط وهو نادر وجودة .

الخطوة الاولى :
اول حاجة لازم المكنة تكون باردة ومتلجة عشان تظبط الكربراتير ... ولو رحت لصنايعي وظبط الكربراتير والعربية سخنة
اعرف انة كفتجى وخد عربيتك وامشى .. لازم العربية تكون باردة لذلك يفضل ان تضبط الكربراتير ف يوم متكونش خرجت بية بالعربية .. هو يفضل ذلك طبعا .

الخطوة الثانية :
اقفل مسمار رقم 2 ع الاخر وهو مسمار الهواء
بعد كدة رجعة مرتين
دور العربية بتاعتك

لو لقيت المكنة بترجرج وتكركر عادي .. لف لفة تالتة واتركة ع الوضع دة

بعد كدة روح للمسمار رقم 1 الخاص بالبنزين
والعربية دايرة لفة كأنك بتـقفل
المكنة هتبطل منك .. عادي
رجع المسمار مرة واحدة للخلف
دور المكنة
هدور لكن برعشة جامدة وكأن الموتور اصابة الجنون .. عادي
لف للعكس لحد ما المكنة تهدي
غالبا هتكون لفة واحدة بس
اول ما المكنة تهدي ارجع لمسمار الهوا رقم 2

لفة لفة كمان .. لو حسيت ان فية صوت زي سسسسسسسسسسس
رجع المسمار لفة .. الصوت كأن صوت هوا .. والمكنة هتبرجل
لو مفيش صوت سيب المسمار زي مهو ولا تيجي جمبة

الخطوة الاخيرة :
معدل ظبط مسمار الهوا بيكون بعد ما يتقفل ع الاخر .. من لفتين .. ل 3 لفات حد اقصى
افضل ضبط غالباَ هيكون على لفتين ونص .. هتقدر تعرف من خلال المكنة لو مرتاحة وصوتها مرتاح اوك

ارجع مسمار البنزين .. لفة لحد ما تسمع صوت المكنة بتعلي
لفة العكس اي ارجع بالمسمار لحد ما صوت المكنة يهدي ولو وصلت لمرحلة ان المكنة بترج رج
رجعة لحد ما المكنة تبقى بدور وثابتة .... بس الف مبرووووووووك

طيب اعرف نتيجة اللى عملتة دة صح ولا غلط ازاي ؟؟؟؟
هقول لحضرتك .. مسمار البنزين سهل تعرف نتيجتة عن طريق صوت الموتور ف السلانسية وانت بتلفة
اما النتيجة النهائية .. اعمل مشوار وبعدة فك بوجية واحد ... لو فيها هباب اسود .. او طبقة كربون كثيفة
يبقى كدة فية زيادة فى مزيج البنزين .. يبقى لازم تقفل مسمار البنزين شوية .. وكذلك مسمار الهوا رجعة مرة واحدة

طيب اية اللى يترتب على الضبط الخاطئ لمسمار الهواء والبنزين ؟؟
نسبة البنزين هتكون اعلى من نسبة الهواء .. او العكس .. وهيترتب على ذلك
1 - استهلاك عالى ف البنزين
2 - البوجيهات هتتراكم عليها كمية كربون كبيرة الى ان تتوقف السيارة عن العمل ف احد المرات
نتيجة لتكون طبقة الكربون الذى ادت لمنع تكون الشرارة اللازمة لحرق البنزين
3 - العربية هتاكل بوجيهات وهتضطر تغير بوجيهات كل شهر ع الاقل

حبيت اذكر عيوب عدم ضبط الكربراتير بشكل جيد .. علشان الاعضاء تعرف انة ممكن يبرجل عربيتة اكتر بدل ميصلحها
ف حالة انة مقدرش ينفذ الخطوات .. وعلى فكرة للعلم وللاهمية .... فية متخصصين كربراتير وبعض الميكانيكية
وبقول بعضهم .. مبيعرفش يظبط الكربراتير كويس .. وبدل ميظبط يبهدل الدنيا .. وانا عانيت وجربت امثالهم كتير
وصادفت كل المشاكل دي لذلك قمت المغامرة وفكيت كربراتير حتة حتة قطع عشان اعرف الدنيا اية من جوة
ونزلت كتالوج للكربراتير الخاص بالريجاتا وقريت

* مقصد القول المحير *
مش معنى انك هتروح لميكانيكي انة هيظبطة كويس .. لاء ممكن يبهدلة
ومش معنى انك هتعملة بنفسك انك مش مممكن تظبطة ... لاء ممكن .. بس تركز ويكون عندك صبر
ولو العربية برجلت منك عادي .. افضل وراها لحد ما تظبطها .. معرفتش ؟ .. روح لميكانيكي معروف عنة الخبرة
هيظبطهولك وركز معة وهو بيظبطة واسألة اية الخطأ اللى انت عملتة ؟
ممكن تكون لفيت مسمار الهوا زيادة عن اللزوم ؟ ممكن تكون قفلتة ع الاخر ونسيت ترجعة ... الخ وبكدة تبقى عرفت
انت غلط ف اية وعرفت ازاي تظبطة بنفسك ف اي وقت

دائما مبدع وجزاك الله كل خير يا بشمهندس حسين

الله ينور عليك

هو حضرتك تقصد ايه باللفه؟
ان سن المفك يلف دايره كامله لحد ما يرجع لمكانه؟ (360 درجه)
ولا سن المفك يلف لحد ما يوصل للناحيه المقابله لبدايه اللفه؟ (180 درجة)

السلام عليكم العربيه فى السلانسيه وهى شغاله لمبه الزيت بتبقى منوره لما المس دواسه البنزين سنه تطفى لو سبت بنزين تنور ايه السبب وشكرا

الرجاء رفع الصورة مرة اخرى للاهمية حيث انها غير موجودة

ولك جزيل الشكر

الله ينور

الله ينور عليك ياهندسه

الحمد لله اللى رحمنى من الكاربراتير و أيامه :-)

الف شكر علي الموضوع

الصوره مش ظاهرة

الصوره مش ظاهرة

اولا اشكرك اخى العزيز كثيرا
هناك طلب لو تكرمت على وهو كاتالوج الكاربراتير

ياباشا أرجو الرد سريعا أرجوك الكربراتير عندي
فعلا في مسمار بسوستة بيعلي ويوطي صوت العربية والrpm
والمسمار العريض عادة وعريض جدا جدا وشكله مبيتحركش أصلا
وفي مسمار في الجنب يمين رفيع
كل الميكانية بيظبو منه الهوا
ننرجو الأفادة
الكلام ده صح
ولا الشرح بتاعك يناسيبني

يمين اللي هو يمين الصنايعي
وشمال السائق أنا أحترت ياباشا وبدور على كاوتشة مسمار هوا
فاللي هتظبطلك الدنيا
ده طبعا مسمار في الجنب يمين يمين اللي هو يمين الصنايعي
وشمال السائق رفيع
كل الميكانية بيظبو منه الهوا
ننرجو الأفادة
الكلام ده صح
ولا الشرح بتاعك يناسيبني
أرجوك مستني ردك

إنتا فين ياباشا
ياأعضاء المنتدى الكرام حد يرد عليا ضروري
كربراتير ريجاتا عادة 85

ياأعضاء المنتدى الكرام حد يرد عليا ضروري
كربراتير ريجاتا عادة 85 هو نفس بتاع الشرح ده ولا مش هو

يا أعضاء نايل موتورز سؤال بسيط لمتخصصين محترفين

يااااااااااااااهو

----------------------------

00العربية مش هتستنى عليا

وبعدين

متشكرين قوي يارجالة

الرجاء اعادة رفع الصورة لانى كرهت العربية بسبب الكرباتير وعمايله فيا ولفيت على كل صنايعية الكرباتير فى الاسكندرية والله

اقتباس:

---

المشاركة الأصلية كتبت بواسطة ahmed_moeaz

الرجاء اعادة رفع الصورة لانى كرهت العربية بسبب الكرباتير وعمايله فيا ولفيت على كل صنايعية الكرباتير فى الاسكندرية والله

---

مفيش حد هيرد عليك في الموضوع ده مش عارف ليه .. بس قولي إنتا عايز إيه بالظبط وانا حاول اساعدك والله المستعان

ارجو تقبل مشاركتي المتواضعه بوضع خريطة كربراتير ريجاتا

الصورة الاولي للكربراتير مسمار الهواء رقمه 44 ومسمار البنزين رقمه46


http://im74.gulfup.com/BjpZyA.jpg



الصورة القادمة هي شرح اجزاء الكربراتير


http://im74.gulfup.com/GPycX3.jpg



الصورة الاخيرة هي ارقام البكات

http://im74.gulfup.com/vIysJG.jpg


ليكتمل الموضوع لم اتمكن من ترجمه خريطة الكربراتير لكن سهل لمن يريد فهم اجزائه

اقتباس:

---

المشاركة الأصلية كتبت بواسطة hatem mansour

مفيش حد هيرد عليك في الموضوع ده مش عارف ليه .. بس قولي إنتا عايز إيه بالظبط وانا حاول اساعدك والله المستعان

---

الكرباتير عندى العربية بتشرق منه كتير والبوابة بتقفل لوحدها دلوقت غير العوامة والمسمار بتاعها وظبط الكرباتير اكتر من مرة ومفيش فايدة غير ان فيه ريحة عادم وحشة اوى بتطلع منه وبتدخل على الكابينة جوه وحاليا كل 3 او 4 ايام لازم اقفل البوابة بنفسى واسيب فيها خلوص صغير علشان العربية تمشى وتسحب معايا انا نفسى بس اعرف ايه بدل الكرباتير للريجاتا ولو كان بينزل منها جديد وبكام ؟

اقتباس:

---

المشاركة الأصلية كتبت بواسطة ahmed_moeaz

الكرباتير عندى العربية بتشرق منه كتير والبوابة بتقفل لوحدها دلوقت غير العوامة والمسمار بتاعها وظبط الكرباتير اكتر من مرة ومفيش فايدة غير ان فيه ريحة عادم وحشة اوى بتطلع منه وبتدخل على الكابينة جوه وحاليا كل 3 او 4 ايام لازم اقفل البوابة بنفسى واسيب فيها خلوص صغير علشان العربية تمشى وتسحب معايا انا نفسى بس اعرف ايه بدل الكرباتير للريجاتا ولو كان بينزل منها جديد وبكام ؟

---

بالتاكيد طول ما نافورة السرعة مسدودة او فيها شوائب حضرتك بتعوض دة بزيادة جهد المص عن طريق بوابة الدوران البارد وليس الخانق علاج بياكل بنزين واحتراق غير كامل وعوادم ....فك الكربراتير كليا وانفخه بالهواء المضغوط كويس وبالاخص النوافير الموجودة تحت فتحة الكربراتير علي طول وركب وانشاء الله الكربراتير يرجع كويس جدا ....بالمناسبة كربراتير الريجاتا من اسهل الكربراتيرات في الصيانة بس المشكلة الازلية الصنايعية

الف شكر لاهتمام حضرتك بس هيا ايه النوافير دى فى الكرباتير نفسه ولا الفتحتين اللى تحت الكرباتير اللى فى الماكينية وان شاء الله تعالى هعمل اللى حضرتك قولته لانى بجد تعبت من العربية بسبب الكرباتير ولفيت على صنايعية الاسكندرية صنايعى صنايعى واصلا مفيش وقت علشان مذاكرة الماجيستير فربنا يسهل واعمل اللى حضرتك قولته

ياريت الصورة وشاكرين لفضلكم

اقتباس:

---

المشاركة الأصلية كتبت بواسطة ahmed_moeaz

الف شكر لاهتمام حضرتك بس هيا ايه النوافير دى فى الكرباتير نفسه ولا الفتحتين اللى تحت الكرباتير اللى فى الماكينية وان شاء الله تعالى هعمل اللى حضرتك قولته لانى بجد تعبت من العربية بسبب الكرباتير ولفيت على صنايعية الاسكندرية صنايعى صنايعى واصلا مفيش وقت علشان مذاكرة الماجيستير فربنا يسهل واعمل اللى حضرتك قولته

---

لا شكر ولا حاجة والنوافير هي اللي بمجرد شيل العمة هتلاقيهم والبيكات في فتحات الكربراتير كhttp://nileup.com/up/uploads/thumbs/...4179600591.jpgومبين باللون الاحمر مكانهم في الكربراتير
بالنسبة للضبط وعلشان يكون واضح للكل لازم يكون الكربراتير نظيف تماما وخالي من الشوائب وجميع الجوانات كاملة ومستوي العوامة مضبوط علي ارتفاع 6-7 مم من وش الكربراتير وهو مقلوب بعد فكه ولازم جلد طلمبة التعجيل يكون سليم ومكانها في جنب الكربراتير ناحية مسمار الهواء ومثبت غطائها ب4مسمار صليبة وسيل النافورة سليم وبتكون مثبتة علي فتحة الحمل المتوسط او الفتحة المجاورة للطلمبة مباشرة واللي بتفتح علي طول مع دوس البنزين
ممكن نحتاج نرش مكان مسمار الهواء قبل تحريكة شوية wd-40علشان النحاس بتاعة ما يتاكلش ويكون سهل التحريك
عملية الضبط سهلة جدا وهي اني بازود لفات الموتور عن طريق مسمار التعجيل الموجود علي فتحة الحمل المتوسط والصمام البوابي للوصول ل1000 لفة /دقيقة واراقب ثبات الموتور لو بيتهز بوغير متزن بابداء الف مسمار الهواء الموجود بفتحة اسفل الكربراتير من الخلف واقفلة في اتجاة عقارب الساعة لو لقيت الموتور برجل وهيبتدي يطفي بارجع عكس اتجاة عقارب الساعة لغاية ما احس ان صوت الموتور علي باقلل من مسمار التحجيل وبالتدريج وارجع تاني افتح الهوا شوية لغاية ما اوصل لاكتر مستوي ثبات للموتور واقل اهتزاز ممكن وبرضة انزل اللفات من مسمار التعجيل لغاية 700-800 لفة /د وهو مستوي الدوران الطبيعي للا حمل والعربية درجة حرارتها 70-90 درجة لو ما تمش الضبط بالطريقة دي ومعرفتش اضبط العربية يبقي عندي مشكلة في الاشعال وتوقيتة وحالة الاسبراتير والبوجيهات ودي قصة تانية ....تحياتي للجميع

http://nileup.com/up/uploads/nilemotors_14179624681.jpg دة رابط الصورة في المنتدي

ربنا يزيدك من علمه ، انا شكلى هجيب العربية واجيلك بيها القاهرة تشوفها