طلب تسعير لانوس1 موديل 99
سلام عليكم
كنت عايز اسعر عربيتي عشان ان شاء الله احتمال واحد قريبي ياخدها
مبدئيا العربية
- لانوس1 موديل99
- 120 ألف كيلو
- انا اعتبر تالت يد, و كتالوجاتها و ورق الضمات بتاع الكاسيت و اظن بتاعها كمان معايا
- فابريكة جوةو راشة برة نضافة (فيه اكتر من سمكري متفرقين شافوها و قالوا كده)
- فيها من برة شوية خرابيش
- حالة الموتور من حوالي سنتين كانت 75%
- كاسيت الفابريكة و شغال
- 2 زجاج كهرباء
- فرش جلد بحالة جيدة و فرش الفابريكة تحته
- فوانيس شبورة و ستوب خلفي
- بطارية جافة جديدة
- التكييف حالته كويسة جدا (فيه شك انه بيسرب على المدى الطويل في خلال سنتين تقريبا بيقل , بس مش مؤكد , فعايز اعرف لو طلع كده العربية مفروض تقل قد ايه)
- جهاز انذار
- جنوط حديد 14
- كاوتش جديد بريدجستون my-01(ما كملش 5000 كيلو) (كان جديد ب1700 جنيه الطقم)
- مساعدين مونرو
- و طرمبة البنزين و الموبينة مغيرهم ما بقاليش كتير و الاتنين اصلي , و عموما كل حاجة باركبها فيها اصلي في الاغلب
- راكب فيها شكمان جديد كامل ابو اليزيد
- العربية مش محتاجة مصاريف من اي نوع
- العربية بإسمي و رخصتها لسه فيها سنة كمان
- صيانة العربية دايما عند ميكانيكي شغال في توكيل ابو غالي و الكهربائي محمد السيد , و احيان نادرة اوي في ابو غالي
العربية فيها كمان تابلوه فضي بتاع لانوس2 بعداد rpm و فيها جنوط سبور 14 بتوع النوبيرا الاتوماتيك لسه مرشوشين جديد بس انا عايز دول برة التسعير على اساس اللي هايشتري لو مش عايزهم هابيعهم لوحدهم ان شاء الله